ISAYA 12:5 - Biblia Ilagho Jiboie Kwa Wandu Wose

⁵ “M'borienyi BWANA chumbo ra makaso; kwa kukaia wabonya malagho mabaa; ereshenyi malagho agha ndoenyi kose.

ISAYA 12:5 ပူးပေါင်းရင်းမြစ်များ

ZABURI 105:2

M'borienyi, mumkase; ghorenyi malagho gha kazi rake rose ra mashiniko!

ZABURI 72:19

Irina jake ndejikaso kwa kala na kala, ndoenyi kose kuchuo wubaa ghwake. Amen, Amen.

ZABURI 98:1

M'borienyi BWANA lumbo luwishi, angu wabonya maza ra mashiniko. Wasima kwa wudimi ghwake na kwa ndighi rake ra wueli.

KUFUMA 15:1

Niko Musa na Waisraeli wikam'boria BWANA lumbo ulu: “Nicham'boria BWANA angu wasima kwa wubaa mungi, farasi na mjoki farasi, wawikumba baharinyi.

KUFUMA 15:21

Miriamu ukawiboria, “M'borienyi BWANA angu wabonya wusimi m'baa; farasi na mjoki farasi wake wawikumba baharinyi.”

ISAYA 24:14

Wandu wawusira chwaka rawo na kubora kwa kuboilwa; kwa wundu ghwa wubaa ghwa BWANA, wakema kufuma magharibi.

ISAYA 40:9

Wuka ee Jerusalemu, kujoke mghondinyi mlacha, kuchile malagho mecha. Wusira lwaka lwako kuchile malagho mecha ee Jerusalemu; wusira lwaka kuchile kuseko na wowa; izerenyi mizi ya Juda, “Wonenyi MLUNGU onyu.”

ISAYA 42:10

M'borienyi BWANA lumbo luwishi, inyo wandu wake hata kutua kwa ndoenyi! Bahari ndeirurume, chiaimweri na vose viko andenyi yaro. Masanga gha pwani na wandu wikaiagha andenyi yaro.

ISAYA 42:11

Kireti na mizi yose iko aho ndeiwusire chwaka rawo kumkasa BWANA, wandu wose wikaiagha mizi ya Kedari, na awo wikaiagha Sela, ndewibore kwa kuboilwa; ndewiwusire chwaka rawo na kukasa aighu mighondinyi.

ISAYA 44:23

Borenyi ee mlungunyi, kwa kukaia BWANA wameria kujibonya ilagho ijo; wusirenyi chwaka renyu inyo andu kumilie kwa ndoenyi; na inyo mighondi borenyi kwa kuboilwa, ee, na kula mudi ghwa msidunyi ndeghubore, kwa kukaia BWANA wameria kumkombua Jakobo nao uchakaswa andenyi ya Israeli.

HABAKUKI 2:14

Kwa kukaia ndoenyi kuchachulwa ni kughumanya wubaa ghwa BWANA seji machi ghichuagha baharinyi.

MALAKI 1:11

Wandu kufuma wurumwengu ghwa ii chia, hata kutua kwa wurumwengu ija chia wanineka ishima. Waawuyafunya na kukora vizongona virumirikiagha kwapo, kwa kukaia wawuyanitala.

WUFUNUO 15:3

Nawo wabora lumbo lwa Musa mdumiki wa Mlungu, na lumbo lwa Mwana wa Ng'ondi wikighamba, “Kazi rako ni mbaa na ra mashiniko, ee Bwana Mlungu Uwadie Ndighi Rose! Chia rako ni ra hachi na loli, ee Mzuri wa mbari rose.