ISAYA 12:1 - Biblia Ilagho Jiboie Kwa Wandu Wose

¹ Ituku ijo kuchabora huwu: “Nichakufunyira chawucha oho ee BWANA, kwa kukaia hata ngera korekoghe na machu aighu yapo, ela koreghalukieghe na kunihoresha.

ISAYA 12:1 ပူးပေါင်းရင်းမြစ်များ

NEHEMIA 8:10

Ghendenyi mzinyi muje manori, munyo divei isingie; na uo usewadie kindo chingi mumdumie vimu angu idime ni ituku jielie kwa BWANA odu; msekaie na wasi; kwa kukaia kuboilwa uko BWANA umnekagha kucham'bonya mkaie na ndighi.”

AYUBU 11:16

Kuchaliwa wasi ghwako, na kughukumbuka sa machi ghameria kuida.

AYUBU 13:16

Uku niko kukia kwapo; elaima mndungi usene kuobua kwa Mlungu, ndechaakaia imbiri kwake.

ZABURI 30:5

Machu ghake ni gha ngelo ndini, ela wucha ghwake ghwadua matuku ghose. Kililo chadima kudwa kio kilazi, ela kuboilwa kwadacha nakesho.

ZABURI 71:21

Kuchanibonya nikaie m'baa kuchumba, na kunihoresha ngolo.

ZABURI 85:4

Kudiwunje sena ee Mlungu Mkiri odu; kuleke makai ghako cha kodu.

ZABURI 86:17

Kuniwonyere alama ya wucha ghwako, eri awo wawuyazamilwa ni ini, wiwone, na kufwa waya; kwa kukaia oho BWANA, kwaniteserie na kunihoresha.

ZABURI 9:1

Nichakufunyira chawucha oho BWANA kwa ngolo yapo yose. Nichaghora malagho gha mabonyo ghako gha mashiniko.

ISAYA 10:25

Angu andenyi ya ngelo ndinieri, machu ghapo ghichasia, nani nichawighalukia Waashuru kwa machu ghapo nipate kuwitotesha.

ISAYA 10:4

Jasigharika ni inyo kubwaghwa wudenyi na kudwalwa sa wafungwa. Hata huwo saki, machu gha BWANA ndeghisirie, ela mkonu ghwake ghokaba ghoko ghughorokie hata idana.

ISAYA 11:16

Kuchakaia na chia mbaa kufuma Ashuru, kwa wundu ghwa masighariko gha wandu wake Israeli, sa iji koni werekoghe nayo ngelo werefumagha isanga ja Misri.

ISAYA 14:3

Ngelo BWANA uchaamredia wuhoreshi kufuma kwa wasi ghonyu, na masumbuko ghenyu, na kufuma kwa iro kazi rikurie moredumikishiroghe,

ISAYA 2:11

Kuwoneka kwa wubaa ghwa mdamu kuchaserwa, kukujosa kwa wadamu kuchaserwa. BWANA uekeri nuo uchaajoswa ituku jija.

ISAYA 25:1

Ee BWANA, oho ko Mlungu wapo; nichakukuma na kujikasa irina jako, angu oho kwabonya maza ra mashiniko, na mipango ya hachi na loli koreibonyereghe kokala.

ISAYA 25:9

Ngelo iyo, wandu wichaghora, “Olenyi uhu nuo Mlungu odu derekoghe dikimmbeseria upate kudikira. Uhu nuo BWANA derekoghe dikimmbeseria; nesi ndediboilo na kuzuma andenyi ya kukia kwake.”

ISAYA 26:1

Ngelo iyo, wandu wa isanga ja Juda wichabora lumbo ulu: Deko na muzi ghumange, Mlungu waghuwikia kukia kwake sa ngome imange.

ISAYA 35:10

Awo wikombolo ni BWANA wichawuya Jerusalemu wikibora; wichachulwa ni kuboilwa kwa kala na kala, wichakaia na iseko na kuboilwa, wasi na kusirimika vichasia putu.

ISAYA 49:13

Borenyi kwa kuboilwa inyo mlungunyi, na inyo ndoenyi mkabe lukilighili, mighondi ndeibore, kwa kukaia BWANA wawihoresha wandu wake wikorongelo, nao uchakaia na wughoma aighu kwawo.

ISAYA 51:3

Angu ini BWANA nichaghuwonia wughoma na kughuhoresha muzi ghwa Jerusalemu, nichareda wuhoreshi andenyi ya muzi ghuwunjiro kukaia ighacho, na ikara jawo jichawuya sa Edeni, sa iyo mbuwa ya BWANA. Muzi ugho ghuchachulwa ni iseko na kuboilwa, na chwaka ra kubora na kufunya chawucha richasikirika.

ISAYA 54:7

“Nerekusighieghe kwa ngelo vui, ela nichakuwunja kwa wughoma m'baa.

ISAYA 54:8

Kwa kapindi katini serekuzighanireghe ngikaia na machu mengi, ela kwa lukundo lwa kala na kala, nichakaia na wughoma aighu yako; naghamba ini BWANA, Mkomboli wako.

ISAYA 54:9

“Agha naghifwananisha na matuku gha Nuhu, sa iji koni nereghemieghe kwa Nuhu kukaia machi mengi ndeghichaacha ndoenyi sena, niko koni naghema kukaia sichaakaia na machu na oho, hata sichaakubukia anduangi.

ISAYA 60:10

BWANA waghuzera muzi ghwa Jerusalemu huwu, “Waghenyi wichaagha sena mawurigha ghako, na wazuri wawo wichakudumikia; angu nerekukabieghe kwa machu ghapo, ela kwa kukunda kwapo koni, nerekufueghe wughoma.

ISAYA 61:10

Ini Jerusalemu nichazuma nandighi andenyi ya BWANA, roho yapo ichakasa andenyi ya Mlungu wapo; angu Mlungu wanirushire marwao gha kukia, na kunifinikira nguwo ya hachi; sa bwana arusi ukupambie moni na maua, na sa mwai ulowolwagha ukupambie na lulu.

ISAYA 64:5

Oho kwadawikaribisha awo wose wibonyagha hachi kwa kuboilwa, awo wikumbukagha kubonya malagho kara kara na chia rako. Zighana oho korekoghe kwazamilwa ni isi, ela sena dikabonya kubonya kaung'a; dikakaia luma dikibonya iro kaung'a. Da huwo dadima kukia?

ISAYA 65:18

Ela boilonyi mzume kwa kala na kala kwa wundu ghwa agho nighiumbagha; kwa kukaia niaiumbia Jerusalemu maboilo, na wandu waro wichachulwa ni iseko.

ISAYA 66:13

Na sa iji koni mwana uhoreshwagha ni mae, huwo koni na ini nichamhoresha, nenyo mchahora andenyi ya Jerusalemu.

JEREMIA 30:19

Chumbo na kubora kwa makaso kuchafuma kwawo, na chwaka ra kuboilwa richasikirika. Nichawichuria nawo wichazegha, nichawibonya wineko ishima, nawo ndewichaakaia watini anduangi.

JEREMIA 31:13

Niko aho wai wichavina kwa kuboilwa, wandu wa irika na waghosi wichaboilwa, nichawihoresha na kughamba kulila kwawo kuwuya kuboilwa na wasi ghwawo ghuwuye maseko.

HOSEA 11:8

“Nidima wada kukuleka ee Israeli? Nidima wada kulegha kukutala? Nidima wada kukubonya sa Adma, angu kukubonyera sa Zeboiimu? Lukundo lwapo cha kwako looka lubaa, nani sidimagha kukubonyera kiwiwi.

HOSEA 6:1

Wandu waghamba, “Nndokonyi dimmburie BWANA! Wadivavirie, ela uchadiboisa. Wadishoghonue, ela uchadifunga kushoghonoka kodu.

ZEKARIA 1:16

Kwa huwo naiwuria Jerusalemu nipate kuifuya wughoma, Hekalu yapo ichaaghwa, na mizi ichaaghwa.”

ZEKARIA 14:20

Ngelo iyo, vengele va farasi vichaandikwa, “MWELI KWA BWANA.” Na nyungu riko nyumbenyi kwa BWANA richakaia sa bakuli ra madhabahunyi;

ZEKARIA 14:9

Niko BWANA uchawuya mzuri wa ndoenyi kose; kula mundu uchamtasa uo Mlungu, na kummanya kwa ijo irina jimweri.

ZEKARIA 8:11

Ela nichabonya wuzima kwa awa wandu wisigharikie.

ZEKARIA 8:19

“Kufunga tumu kubonyero mori ghwa kana, na ghwa kasanu, na ghwa mfungade, na ghwa ikumi, kuchawuya ndima ra kuseka na kuboilwa kwa wandu wa Juda. Muikunde loli na sere.”

WAROMA 11:15

Ikakaia kuleghwa kwawo kuaghuredia wurumwengu kupatana na Mlungu, kurumirilwa kwawo-lee kuchakaia wada? Si irangi kwa awo wifue?