ISAYA 11:5 - Biblia Ilagho Jiboie Kwa Wandu Wose

⁵ Hachi ichakaia sa mkowa ghofunga kiwonu chake, na wuloli sa mkowa kiwonunyi kwake.

ISAYA 11:5 ပူးပေါင်းရင်းမြစ်များ

ZABURI 109:19

Iro njowe nderimfinikire sa nguwo, na sa mkowa ukufungagha nagho kula ituku.

ZABURI 45:4

Joka na wubaa ghwako, kusime wamaiza wako; kudederie loli na hachi; kuwonyere wusimi m'baa kwa ndighi rako.

ZABURI 89:9

Oho kwadaghubonyera nguma msukosuko ghwa bahari; mivo-mivo yaro ikawuka kwadaihoresha.

ZABURI 93:1

BWANA ni Mzuri, uwadie wubaa na kudima; Waghuwikie wurumwengu na kughumangisha ghusechaanyavurika.

ISAYA 25:1

Ee BWANA, oho ko Mlungu wapo; nichakukuma na kujikasa irina jako, angu oho kwabonya maza ra mashiniko, na mipango ya hachi na loli koreibonyereghe kokala.

ISAYA 32:1

Ngelo ichacha, mzuri uchaabonya nguma kwa hachi, na wabaa wibonye nguma kwa hachi.

ISAYA 59:17

Wakurushire hachi sa ngao ya laghenyi, na kukia sa kofia ya chuma chongonyi kwake. Warwae kisasi sa nguwo rake, na kukurigha lubio sa nguwo ekumba.

ISAYA 9:6

Angu damerie kuvailwa mwana, danekelo mwana wa womi; nao uchadibonyera nguma, na irina jake uchawangwa, “Mnjama wa mashiniko,” “Mlungu Uwadie Ndighi,” “Aba wa kala na kala,” “M'baa wa sere.”

ISAYA 9:7

Kubonya nguma kwake kwa sere ndekuchaakaia na kutua kungi; Uchaseria kifumbi cha nguma cha ndee Daudi, ukighumangisha wuzuri ghwake kwa hachi na loli; kufuma idana hata kwa kala na kala. BWANA wa majeshi nuo uchaabonya agha.

HOSEA 2:20

Nichamangisha ilaghiro japo na kukubonya kukaie wapo; na oho kuchanirumiria kukaia BWANA.

ZEKARIA 8:16

Inyo bonyenyi huwu. Mghoriane loli kula mundu na mmbao, tanyenyi loli kotinyi konyu, mrede sere.

2 WAKORINTHO 6:7

na madedo gha loli, nandighi ra Mlungu; kwa maswagha gha hachi gha mkonu ghwa kiwomi na gha mkonu ghwa kiwaka;

WAEFESO 6:14

Kwa huwu mangenyi, mkikaia na loli sa mkowa kiwonunyi konyu; na hachi sa ngao laghenyi konyu;

WAEBRANIA 2:17

Kwa huwo, eremfwaneghe ufwananisho na waruna kwa kula chia, eri upate kukaia Mkohani M'baa uwadie wughoma, na uko mloli kwa wudumiki ghwa Mlungu, na kulipia kaung'a ra wandu.

1 PETRO 4:1

Kwa kukaia Kristo orepatireghe matiriro mumbinyi, nenyo mmbeni mkurushe maswagha gha nia iyo cheni; angu uo ose upatire matiriro gha mumbi, wamerie kusighana na kaung'a,

1 JOHANE 1:9

Dikarumiria kaung'a redu, Mlungu ni mloli na mhachi; nao uchadifuya wughoma kaung'a redu, na kudielesha wuwiwi ghodu ghose.

WUFUNUO 1:13

Na aghadi ya vinara va taa, nerewonieghe mndumu sa Mwana wa Mdamu, urwae nguwo ndacha, na mkumbo ghwa dhahabu ghufungilo laghenyi kwake.

WUFUNUO 3:14

“Na uo malaika wa ikanisa ja Laodikea, kumuandikie huwu:” “Agha ni malagho gha uo Amen, uo mloli, na mshahidi wa loli, uko kuzoya kwa kuumba kwa Mlungu.