ISAYA 11:3 - Biblia Ilagho Jiboie Kwa Wandu Wose

³ Uchakaia ukiboilwa andenyi ya kumuobua BWANA. Ndechaatanya kwa kuwona kwake, angu kudumbua malagho kwa kunugha agho waghisikira;

ISAYA 11:3 ပူးပေါင်းရင်းမြစ်များ

2 SAMUELI 14:17

Na ini mdumiki wako ngaghesha, ‘Ilagho ja bwana wapo mzuri jichanineka kuhora’; angu bwana wapo mzuri ooka sa malaika wa Mlungu udimagha kumanya malagho mecha na mawiwi. BWANA Mlungu wako ndekaie chiaimweri na oho.”

2 SAMUELI 14:8

Niko mzuri ukamzera uja muka, “Ghala cha mzinyi kwako, malagho ghako nighiboisa.”

1 WAZURI 3:28

Israeli yose ikasikira seji mzuri watanya, wikaishinikia hikima ya mzuri; wikamanya kwa loli kukaia Mlungu wamnekie hikima upate kutanya kwa hachi.

1 WAZURI 3:9

Kwa huwo, kunineke ini mdumiki wako hikima emanya kuwibonyera wandu wako nguma; nipate kutambua iro ndicha na iro riko mbiwi. Ngera kusenibonyeragha huwo, nichadima wada kuwibonyera nguma wandu wako wing'ane huwu?”

AYUBU 12:11

Welee, kudu ndakwadasikiria malagho seji lumi lutoagha vindo?

AYUBU 34:3

Kudu kwasikiragha malagho kughitambuo, sa iji koni lumi lutoagha vindo.

MAKATANISHO 2:5

Kukabonya huwo, kuchatambua maana ya kumuobua BWANA, na kuwona nicha andenyi ya kukufundisha kummanya Mlungu.

MAKATANISHO 2:9

Kukanisikira, kuchatambukilwa ni hachi na loli, na kukumazira, na kula chia ndicha.

ISAYA 33:6

BWANA uchakaia kumanga konyu ngelo renyu rose; uchakaia kukia konyu kwa wungi, hikima na kumanya; mali renyu richakaia ni uko kumuobua BWANA.

EZEKIELI 45:8

Isanga iji jichakaia ifungu ja m'baa wa isanga andenyi ya Israeli. Wabaa wapo wa isanga ndewichaakoronga wandu wapo sena, ela wichasigha wandu wa Israeli wikaie na isanga kunughana na vichuku vawo.

MIKA 4:3

Uchatanya aghadi ya wandu wa mbari nyingi na aghadi ya wandu wiwadie ndighi kula na kaavui. Wichachana chufu rawo riwuye maghembe, na mafumu ghawo ghiwuye mindu. Mbari nderichaalwa reni na reni, hata nderichaakufundisha kulwa wuda sena anduangi.

LUKA 2:52

Jesu ukachurikia hikima na kuzoghua, ukikundwa ni Mlungu na wandu.

JOHANE 2:25

Hata nderekundieghe mndungi umghorie maza ra wandu anduangi, angu oremanyireghe rose riko andenyi ya mdamu.

JOHANE 7:24

Msaketanya kwa kuwona kwa shighadi tu, ela tanyenyi kwa hachi.”

WAEBRANIA 5:14

Ela vindo vikurie, ni va wandu wabaa, awo wikufundishire kwa kurizaisira akili rawo ridime kumanya mecha na mawiwi.

1 SAMUELI 16:7

Ela BWANA ukamzera Samueli, “Kusezighane fwana yake angu wulacha ghwake; kwa kukaia uo nameria kumlegha. BWANA ndezighanagha seji mdamu uzighanagha, kwa kukaia mdamu wadazighana cha shighadi ela BWANA wadazighana cha ngolonyi.”