ISAYA 11:2 - Biblia Ilagho Jiboie Kwa Wandu Wose

² Roho wa BWANA uchakaia aighu kwake, roho wa hikima na kumanya, roho wa njama na kudima; roho wa wuya, umuobuagha BWANA.

ISAYA 11:2 ပူးပေါင်းရင်းမြစ်များ

2 SAMUELI 23:3

Mlungu wa Israeli waghorie, uo uko mbanga ya Israeli wanizerie, “Iji mndumu wabonya nguma aighu ya wadamu kwa hachi, ukibonya nguma uko andenyi ya kuobua kwa Mlungu,

ZABURI 72:2

Kum'bonye utanye wandu wako kwa hachi, na wakiwa wako uwitanye kwa loli.

KUFUMA 28:3

Kuwange wandu wose wiko na hikima awo niwinekie wuya; kuwizere wibonye nguwo ra Haruni, upate kuwikwa wakfu kwa wudumiki ghwa wukohani.

ISAYA 28:6

na roho ya hachi kwake uo utanyagha, na ndighi kwa walindiri wilindiagha mbenge ya muzi isewado ni wandu wa wuda.

ISAYA 32:15

Maza richakaia huwo hata Mlungu udie Roho wake aighu kodu, na kireti chiwuye mbuwa inorie na kubusa vindo vingi sa msidu.

ISAYA 42:1

BWANA waghamba, “Zighana mdumiki wapo uo nimmangishagha, msaghulwa wapo, uo uniboiagha loli-loli. Nameria kumchura Roho wapo, nao uchareda hachi kwa iro mbari ra wandu.

ISAYA 48:16

Idana soghodenyi kaavui na ini msikire, kufuma kuzoenyi ini sighorie kwa ngasu; hata ingelo ghicheebonyeka, ini nerekoghe aeni.” Na idana Bwana MLUNGU wamerie kuniduma kwa wulongozi ghwa Roho wake.

ISAYA 59:21

“Nichabonya ilaghano japo nenyo huwu: Uo Roho wapo uko aighu konyu, na malagho ghapo naghingira memunyi konyu, ndeghichaafuma memunyi konyu, na memunyi kwa wana wenyu, hata memunyi kwa weke wawayo kufuma idana, hata kwa kala na kala.”

ISAYA 61:1

Roho wa Bwana MLUNGU oko aighu kwapo, kwa kukaia BWANA orenishingieghe mavuda, nipate kuwiredia wandu wikorongelo malagho mecha; wanidumie niwirighite awa wifue ngolo, na kuwitangazira wuhuru ghwawo awo wandu widwalo wunyika; na awo wiko kifungonyi, malagho gha kufungulwa kwawo.

ISAYA 9:6

Angu damerie kuvailwa mwana, danekelo mwana wa womi; nao uchadibonyera nguma, na irina jake uchawangwa, “Mnjama wa mashiniko,” “Mlungu Uwadie Ndighi,” “Aba wa kala na kala,” “M'baa wa sere.”

ZEKARIA 4:6

Malaika ukanizera nimghorie Zerubabeli agha malagho gha BWANA huwu, “Kuchasima, ela si kwa ndighi ra kiwuda angu kwa ndighi rako, ela kwa Roho wapo.

MATHAYO 3:16

Nao nyuma ya Jesu kubaputizwa, ukajoka shwa kufuma machinyi. Na mlungunyi kukafunukuka, ukammbona Roho wa Mlungu ukisea sa mbughi na kukaria aighu yake.

JOHANE 14:17

Uo ni Roho wa loli, wurumwengu ghusedimagha kummbusa, angu ghusedimagha kummbona; hata kummanya anduangi. Ela inyo mwamwichi, angu oko andwamweri nenyo, nao uchakaia andenyi konyu.

JOHANE 15:26

“Ela iji wacha uja Mtesia, uo nichaamduma konyu kufuma kwa Aba, nao nuo Roho wa loli ufumagha kwa Aba, Uo uchanishuhudia ini.

JOHANE 16:13

Ela kasikira wacha uja Roho wa loli, uchamghenja kwa loli rose; angu ndechaaghora kwa nguma yake moni anduangi, ela uchamghoria agho gheni ughisikiragha, sena uchamghoria maza richagha.

JOHANE 3:34

Uo udumilo ni Mlungu wadaghora malagho gha Mlungu, angu Mlungu wadamneka roho wake kuseko na kupima.

MABONYO GHA WADUMI 10:38

Seji Mlungu oremshingieghe Jesu wa Nazareti mavuda kwa Roho Mweli, na kwa ndighi; nao ukamara-mara ukibonya nicha, na kuwiboisa wose werekorongeloghe ni uja Mmbiwi, angu Mlungu orekoghe andwamweri nao.

1 WAKORINTHO 1:30

Mlungu nuo asili ya irangi jenyu andenyi ya Kristo Jesu; nao nuo um'bonyere Kristo Jesu ukaie hikima edu, hachi edu, kueleshwa kodu, na wukomboli ghodu.

WUKUMBUSO 34:9

Joshua mwana wa Nuni ukachulwa ni hikima, angu Musa orekoghe wammbika uwade wulalo ghwake; kwa wundu ugho wandu wa Israeli wikamsikira, nao ukabonya seji BWANA oremlaghirieghe Musa.

2 TIMOTHEO 1:7

Angu Mlungu nderedinekieghe Roho wa wowa anduangi, ela oredinekieghe Roho wa kudima, na lukundo, na kukumazira.

WUFUNUO 1:4

Ini Johane, naghiandikia makanisa mfungade ghiko isanga ja Asia. Mvono ndeghukaie konyu, na sere ifumagha kwa Mlungu uo uko, nao orekoghe, na nuo uchagha; na kufuma kwa iro roho mfungade riko imbiri ya kifumbi chake cha nguma,