ISAYA 11:16 - Biblia Ilagho Jiboie Kwa Wandu Wose

¹⁶ Kuchakaia na chia mbaa kufuma Ashuru, kwa wundu ghwa masighariko gha wandu wake Israeli, sa iji koni werekoghe nayo ngelo werefumagha isanga ja Misri.

ISAYA 11:16 ပူးပေါင်းရင်းမြစ်များ

KUFUMA 14:22

Wandu wa Israeli wikaida ghadi na ghadi ya bahari andu kuomie, na machi ghikakaia sa wurigha chia ya mkonu ghwawo ghwa kiwomi na chia ya mkonu ghwawo ghwa kiwaka.

ISAYA 1:9

Ngera BWANA wa majeshi nderedisighieghe masighariko gha wandu wikirie, Kumangu deeka sa Sodoma, kumangu dawurie sa Gomora.

ISAYA 10:20

Ngelo iyo, masighariko gha wandu wa Israeli, awo wikirie wa kivalwa cha Jakobo, ndewichaakusaghika na iyo mbari ya wandu erewikabieghe, ela wichakusaghika na BWANA, Mlungu Mweli wa Israeli kwa loli.

ISAYA 11:11

Ngelo iyo, BWANA uchaghorua mkonu ghwake indo ja kawi kuwunja masighariko gha wandu wake kufuma Ashuru na kufuma Misri, na kufuma Pathrosi, na kufuma Ethiopia na kufuma Elamu, na kufuma Shinari, na kufuma Hamathi, na masanga gha pwani baharinyi.

ISAYA 19:23

Ngelo iyo, kuchakaia na chia mbaa kufuma Misri hata Ashuru. Waashuru wichacha kwa Wamisri, na Wamisri kwa Waashuru; na Wamisri wichatasa chiaimweri na Waashuru.

ISAYA 27:13

Na ngelo iyo tarumbeta mbaa ichakabwa, na awo werelagharieghe isanga ja Ashuru, na awo werewingiloghe cha isanga ja Misri, wichacha kumtasa BWANA aighu ya mghondi ghuelie Jerusalemu.

ISAYA 49:11

“Nani nichabonya chia aighu ya mighondi yapo yose; na kuboisa barabara rapo.

ISAYA 49:12

Olenyi wandu awa wichacha kufuma kula, wichafuma kaskazinyi na magharibi; na wamu kufuma Sinimu.”

ISAYA 51:10

Welee, si oho kumoni koreomerieghe bahari, ee, agho machi ghimilie, hata kukabonya chia aghadi ya bahari kwa wundu ghwa wandu wako wikombolo anguwada?

ISAYA 57:14

Ngelo iyo Mlungu uchaghora huwu; “Aghenyi, aghenyi m'boise chia, injenyi vikuwaro chienyi ya wandu wapo wipate kuida.”

ISAYA 62:10

Inyo wandu wa Jerusalemu, fumenyi m'boise chia, boisenyi chia mbaa, muinje magho, wandu wenyu wiwuyagha wipate kungia; josenyi kiweto wandu wipate kuwona.

ZEFANIA 2:7

Isanga ja pwani jichawuya ifwa ja masighariko gha wandu wa Juda. Wichakaia wikilisha mfugho rawo aho, nawo wichakaia wikilala nyumba ra Ashkeloni. BWANA Mlungu wawo uchakaia andwamweri nawo, nao uchawiwunjira andu kwawo.