ISAYA 11:14 - Biblia Ilagho Jiboie Kwa Wandu Wose

¹⁴ Ela wichawadana na kuwingiria Wafilisti wiko cha magharibi; wichawikaba na kuwidwa wunyika wandu wa mashariki. Wichawikaba na kuwisima wandu wa Edomu na Moabu, na Waamoni wichakuwika aisi yawo.

ISAYA 11:14 ပူးပေါင်းရင်းမြစ်များ

ISAYA 14:29

“Msakeboilwa inyo mmbose Wafilisti, mkikalikia wei ghuja mzata ghoremkabieghe ghoochika; kwa kukaia choka ichafunya choka iko na wusungu, nayo ichava choka iburukagha.

ISAYA 15:1

Ughu ni wulodi aighu ya Moabu. Kwa kukaia mizi ya Ari na Kiri yamerelo kwa kio chimweri, kwa huwo isanga ja Moabu jeesia.

ISAYA 16:14

Ela idana BWANA waghamba, “Andenyi ya miaka idadu kukatia gi, wubaa ghwa Moabu ghuchasia; hata ngera weko wengi saki, ela awo wichaakia ni watini, sena wichakaia wanyonge.”

ISAYA 25:10

BWANA uchaghulindia ughu mghondi, na wandu wa Moabu wichawadilwa sa nyasi andenyi ya kina cha mboleo.

ISAYA 33:1

Ni bugha kwako oho kunonagha kusenonelo; oho kukaliagha, kusekalilo. Kukameria kunona, kuchanonwa. Kukameria kukalia, kuchakalilwa.

ISAYA 59:19

Kwa huwo, kufuma magharibi hata mashariki, wandu wichajiobua irina ja BWANA, na wubaa ghwake; kwa kukaia uchacha sa machi gha moda m'baa ghuenjwagha ni kuweta kwa mbeo ifumagha kwa BWANA.

ISAYA 60:14

Wana wa womi wa awo wandu werekukorongieghe, wichacha na kukughoghomia; na wose werekumenyereghe, wichakughoghomia hata maghunyi kwako; wichakuwanga, ‘Muzi ghwa BWANA, Jerusalemu muzi ghwa Mlungu Mweli wa Israeli.’

ISAYA 63:1

Nani uhu ufumagha Bosra muzi ghwa Edomu uko na nguwo ritinikie righokie ra wubaa, sena uwadiagha kwa wubaa ghwa ndighi rake? “Ni ini BWANA niereshagha hachi yapo, niko na ndighi rekira.”

ISAYA 9:12

Wasiria wacha kufuma mashariki, na Wafilisti kufuma magharibi, nawo watambarua memu yawo wipate kummila Israeli. Hata huwo saki, machu gha BWANA ndeghisirie ela mkonu ghwake ghokaba ghoko ghughorokie hata idana.

JEREMIA 40:11

Wokoni Wayahudi wose werekoghe Moabu, na aghadi ya Waamoni, na Edomu, na masanga mazima, wiendasikira kukaia mzuri wa Babuloni wasighie masighariko gha wandu wa Juda, na kummbika Gedalia mwana wa Ahikamu, wawae Shafani, ukaie m'baa wa isanga aighu yawo,

JEREMIA 48:40

BWANA waghamba huwu: “Olenyi mbari ichacha shwa iangue sa indu, ikighorua mawawa ghake aighu ya Moabu;

JEREMIA 49:2

Olenyi matuku ghichacha, nani nichabonya kililo cha wandu chisikirike muzi ghwa Raba ghuko kwa Waamoni, nagho ghuchasighwa mduu, na mizi yaro mitini ichakorwa; niko aho Israeli ichawunja isanga jake, waghamba BWANA.

JEREMIA 49:22

Olenyi mbari imu ichajoka shwa iangue sa indu, na kughorua mawawa ghake aighu ya Bozra, ipate kuikaba; na ngolo ra mang'oni gha Edomu ituku ijo, richatika-tika sa muka ukumbagha lufu kwa kuva.”

JEREMIA 49:28

BWANA waghamba huwu aighu ya mbari ya Kedari na mawuzuri gha Hazori, agho gheresimiloghe ni Mzuri Nebukadnezari. “Wuka kukabe Kedari, kuwitoteshe awo wandu wa mashariki.

EZEKIELI 25:14

Nani nichalipa ngenga aighu ya Edomu kwa kuwitumia wandu wapo Israeli, nawo wichawikaba Waedomu kunughana na machu ghapo, nawo wichamanya ngenga yapo, ini Bwana MLUNGU naghamba.”

DANIELI 11:41

Uchangia hata Isanga ja Ilaghiro, na maelfu ikumi gha wandu wichabwaghwa. Ela masanga gha Edomu na Moabu na andu kubaa kwa Waamoni, wandu waro wichafufunuka.

JOELI 3:19

“Misri ichawuya ikara, na Edomu ichawuya kireti; kwa kukaia werebonyereghe lung'eto kwa wandu wa Juda, wikabwagha wandu wake wisewadie makosa.

AMOSI 9:12

Na huwo wandu wa Israeli wichawusa masighariko gha wandu wa Edomu, na iro mbari rose ra wandu wiwangilo wikawuya wapo,” waghamba BWANA uo ubonyagha maza iri.

HABAKUKI 1:8

“Farasi rawo raangue kuchumba inge; rabirie kuchumba vikwau vasinda njala. Wajoki farasi wawo wacha wikirama-rama wikukasire wafuma kula; waghenda na iseghe sa indu rikunde kufondia madiwo ghawo.

ZEFANIA 2:5

Ni bugha konyu inyo mkaiagha kaavui na bahari, inyo mbari ya Wakerethi. Ilagho ja Mlungu jaawuyaghora aighu yenyu ee wandu wa Kanaani isanga ja Wafilisti. BWANA uchamtotesha hata mndungi onyu ndechaasigharika.

ZEFANIA 2:7

Isanga ja pwani jichawuya ifwa ja masighariko gha wandu wa Juda. Wichakaia wikilisha mfugho rawo aho, nawo wichakaia wikilala nyumba ra Ashkeloni. BWANA Mlungu wawo uchakaia andwamweri nawo, nao uchawiwunjira andu kwawo.

ZEFANIA 2:9

Kwa huwo, sa iji nikaiagha moyo, ini BWANA wa majeshi, Mlungu wa Israeli, naghema kukaia Moabu ichakaia sa Sodoma, na Waamoni sa Gomora. Isanga jichakaia na vina va chumbi, najo jichanoneka kwa kala na kala na kubukwa ni isaka. Masighariko gha wandu wapo wichawisoka vilambo na kuwusa isanga jawo.”

MITALO 24:17

Nammbona, ela si idana; namzighana, ela ndeko kaavui; Mzuri uchafuma kwa Jakobo sa nyerinyeri, na uo ubonyagha nguma uchawuka andenyi ya Israeli; uchawikaba Wamoabu, na kuwinona-nona wana wose wa lung'eto.

MATHAYO 8:11

Niko huwu namzera, wandu wengi wichacha kufuma mashariki na magharibi, wichasea kidombo andwamweri na Abrahamu, Isaaka, na Jakobo andenyi ya Wuzuri ghwa mlungunyi.

WATANYI 6:3

Angu ngelo yose Waisraeli werewaeghe miwalwa mbuwenyi kwawo, awo Wamidiani na Waamaleki chiaimweri na wandu wa mashariki werejokieghe na kuwingiria Waisraeli.