ISAYA 11:11 - Biblia Ilagho Jiboie Kwa Wandu Wose

¹¹ Ngelo iyo, BWANA uchaghorua mkonu ghwake indo ja kawi kuwunja masighariko gha wandu wake kufuma Ashuru na kufuma Misri, na kufuma Pathrosi, na kufuma Ethiopia na kufuma Elamu, na kufuma Shinari, na kufuma Hamathi, na masanga gha pwani baharinyi.

ISAYA 11:11 ပူးပေါင်းရင်းမြစ်များ

KUZOYA 10:10

Kuzoya kwa kubonya nguma kwake ni aho Babeli, Ereki, na Akadi andenyi ya isanga ja Shinari.

KUZOYA 10:22

Wana wake ni: Elamu, Ashuru, Arpakishadi, Ludi na Aramu.

KUZOYA 11:2

Hata iji wandu werekoghe wikidamba kufuma chia ra mashariki, wikavika kirindi cha isanga jimu jiwangwagha Shinari, nawo wikakaia aho.

KUZOYA 14:1

Matuku agho, wazuri bana: Amrafeli mzuri wa Shinari, Arioko mzuri wa Elasa, Kedorlaoma mzuri wa Elamu, na Tidali mzuri wa Goiimu,

KUZOYA 2:13

Moda ghwa kawi ni Gihoni, nigho ghuidiriagha isanga ja Kushi.

2 WAZURI 17:24

Nao mzuri wa Ashuru ukareda wandu kufuma Babuloni, Kuthu, Ava, Hamathi, na Sefavaimu; ukawiwika mizi ya Samaria wulalo ghwa wandu wa Israeli, wikawusa Samaria chiaimweri na mizi yaro.

ESTA 10:1

Nao Mzuri Ahasuero ukafunya momu wandu wose isangenyi na masanga gha pwani andenyi ya wuzuri ghwake wifunye kodi.

ZABURI 68:22

BWANA waghamba, “Nichawiwunja wamaiza wako kufuma Bashani, nichawiwunja kufuma andu kumilie kwa bahari;

ISAYA 1:9

Ngera BWANA wa majeshi nderedisighieghe masighariko gha wandu wikirie, Kumangu deeka sa Sodoma, kumangu dawurie sa Gomora.

ISAYA 10:20

Ngelo iyo, masighariko gha wandu wa Israeli, awo wikirie wa kivalwa cha Jakobo, ndewichaakusaghika na iyo mbari ya wandu erewikabieghe, ela wichakusaghika na BWANA, Mlungu Mweli wa Israeli kwa loli.

ISAYA 10:9

Nakabie muzi ghwa Kalno sa muzi ghwa Karkemishi; na muzi ghwa Hamathi sa muzi ghwa Arpadi; na muzi ghwa Samaria sa Dameshki.

ISAYA 11:16

Kuchakaia na chia mbaa kufuma Ashuru, kwa wundu ghwa masighariko gha wandu wake Israeli, sa iji koni werekoghe nayo ngelo werefumagha isanga ja Misri.

ISAYA 19:21

BWANA uchakumanyisha moni kwa Wamisri, nawo wichammanya na kumtasa BWANA wikifunya vizongona vekora, nawo wichabonya maghemi kwa BWANA na kughikatisha.

ISAYA 19:22

Na BWANA uchaikaba Misri, ukikaba na kuboisa; nawo wichamghalukia BWANA, nao uchasikira kuvoya kwawo na kuwikira.

ISAYA 21:2

Nawonie mawono gha malagho ghikurie: mundu osoka, waawuyasoka; na mtoteshi, waawuyatotesha. Inyo majeshi gha Elamu, kabenyi muzi; inyo majeshi gha Media, ghurughaienyi muzi. Mlungu uchaghumeria wasi ghose ghuredelo ni Babuloni.

ISAYA 22:6

Majeshi ghafuma Elamu ghameria kucha wiko na ndana na mawanu, wajoka magare na farasi; na Kiri wawada ngao.

ISAYA 24:15

Kwa huwo, mnekenyi BWANA wubaa kufuma mashariki, na wandu wikaiagha masanga gha pwani ndewijikase irina ja BWANA, uo Mlungu wa Israeli.

ISAYA 37:31

Na agho masighariko gha wandu wa Juda ghichachurikia seji mudi ghuseragha miri na kuva matunda naighu.

ISAYA 42:10

M'borienyi BWANA lumbo luwishi, inyo wandu wake hata kutua kwa ndoenyi! Bahari ndeirurume, chiaimweri na vose viko andenyi yaro. Masanga gha pwani na wandu wikaiagha andenyi yaro.

ISAYA 42:12

Wandu wose wa pwani ndewim'borie BWANA makaso.

ISAYA 42:4

Uo ndechaalemwa angu kubwaghwa ngolo, hata umerie kuimangisha hachi ndoenyi; na masanga gha pwani ghaawuyaweseria sharia yake.”

ISAYA 45:14

BWANA waghamba huwu kwa Israeli, “Nichakuneka mali ra Misri, na biashara ra Ethiopia richawuya rako. Waja wandu walacha wa Seba wichakuchea, nawo wichawuya wazumba wako; wichakuchea wifungilo na minyororo, nawo wichakughoghomia. Wichakulalamia wikighamba, ‘Ni oho kuekeri kuko na Mlungu, hata ndekuwadie Mlungu ungi mzima kuchumba uo.’”

ISAYA 49:12

Olenyi wandu awa wichacha kufuma kula, wichafuma kaskazinyi na magharibi; na wamu kufuma Sinimu.”

ISAYA 66:19

na kumanya angu ni ini niwikabie. Kufuma kwa wandu wamu wawo wichaavuvuka, nichawiduma kwa iro mbari ra wandu: Tarshishi, Putu, na Ludi, awo witumiagha ndana, na kwa Tubali, na Javani, na kwa masanga gha pwani ghiko kula, awo wiseisikire nguma yapo angu kughuwona wubaa ghwapo; nawo wichaghenda na kughuchila wubaa ghwapo kwa iro mbari ra wandu.

JEREMIA 25:25

wazuri wose wa Zimri, wazuri wose wa Elamu, na wazuri wose wa Media;

JEREMIA 31:10

BWANA waghamba, “Sikirenyi ilagho japo inyo mbari ra wandu, mghorie masanga gha pwani ghiko kula mghambe, ‘U orewisaghisireghe wandu wa Israeli, nao uchawitumbanya sena, seji mlisha ulindiagha chagha chake.’

JEREMIA 44:1

BWANA oreghorieghe nani aighu ya Wayahudi wose werekoghe wikikaia andenyi ya isanga ja Misri, aho Migdoli, na Tahpanesi, na Memfisi na andenyi ya isanga ja Misri ya Lughu.

JEREMIA 49:23

BWANA waghamba huwu aighu ya Dameshki, “Wandu wa mizi ya Hamathi na Arpadi wakambwa ni chongo, angu wasikira malagho ghizamie. Wakaia na wowa m'baa na kujawasi sa mivo-mivo ya bahari isedimagha kunyama.

EZEKIELI 27:6

Weretumieghe mialoni ya Bashani, kukubonyera makasia; wikabonya wualo ghwako na mbau ra misumbesu, ifumie pwani ya Kupro, ghukakandwa na mbembe ra chovu.

EZEKIELI 29:14

nani nichawunja wandu wa Misri isangenyi Pathrosi andu werefumieghe; na aho wichazoya wuzuri ghwa ndonyi.

EZEKIELI 30:14

Nichaibonya Pathrosi isigho nduu, nani nichakora muzi ghwa Soani; na kughutanya muzi ghwa Thebesi.

EZEKIELI 32:24

“Elamu oko aho chiaimweri na izungu jake; makaburi gha wandu wake wose wibwaghilo wudenyi, ghaimara kaburi yake chia rose. Wereserieghe cha wurumwengu ghwa wafu wisemwichi Mlungu. Awo niwo wereoboshereghe wandu wa wurumwengu ghwa awo wiko moyo, na idana niwo wafushwa waya chiaimweri na awo wereserieghe kondonyi kinenyi.

EZEKIELI 38:8

Nyuma ya matuku mengi, kuchatumbanywa; miaka ichagha kuchaghenda kulwa na isanga jisighie kulwa wuda, wandu waro werewunjiroghe kufuma kwa mbari nyingi, na kuwikwa aighu ya mighondi ya Israeli, iyo eresighiloghe miduu kwa ngelo ndacha; na wandu waro wose waawuyakaia nicha.

DANIELI 1:2

BWANA ukamngira Jehoiakimu mzuri wa Juda mikonunyi kwake chiaimweri na vilambo vimu va Hekalunyi. Ukavireda isanga ja Babuloni kwa nyumba ya mlungu ghwake, na vilambo va hekalunyi ukaviranganya na vilambo va mlungu ghwake.

DANIELI 11:18

Konyuma, uchaghaluka cha masanga gha pwani, na kuwada malazi; Ela m'baa umu wa majeshi uchamsima, na kumeria uko kukukasa kwa mzuri wa Siria, na kumfusha waya.

DANIELI 8:2

Ngawona mawono seji neeka andenyi ya muzi m'baa Susa ghuko andenyi ya isanga ja Elamu, niko kimusi kaavui na Moda ghwa Ulai.

HOSEA 1:11

Wandu wa Israeli na wandu wa Juda wichakwanywa chiaimweri, nawo wichakusaghuya weni m'baa umweri. Wichazoghua na kuwona nicha isangenyi. Loli ituku ja Jezreeli jichakaia ibaa.

HOSEA 11:10

“Wandu wapo wichaninugha, iji nawirurumia wamaiza wawo sa shimba. Wichashashira kunikimbiria wikisughusika kufuma magharibi.

HOSEA 11:11

Wichacha shwa-shwa sa nyonyi kufuma Misri, wichacha sa mbughi kufuma Ashuru, nani nichawireda mizinyi kwawo, ini BWANA naghamba.”

MIKA 7:12

Wandu wako wichakuwuria kufuma kula andu. Kufuma Ashuru noko cha mashariki, na kufuma Misri noko cha kusinyi, na kufuma isanga ja Moda ghwa Eufrate, kufuma bahari ra kula na mighondi iko kula.

ZEFANIA 2:11

BWANA uchawiobosha. Uchaimeria milungu yawo na kuibonya kukaia si kindo chingi, na kula mbari ichamtasa BWANA isangenyi kwake.

ZEKARIA 5:11

Ukanizera, “Wiachighenja Babuloni, wichiaghie hekalu aho. Wikameria kuiagha wichachiwika kikapu andenyi chitasoghe.”

ZEKARIA 8:7

Nichawivuvua wandu wapo kufuma kwa agho masanga weredwaloghe,

ZEKARIA 9:2

Hamathi iko mpakenyi ghwa Hadraki ni yake, na wokoni Tiro na Sidoni wiko na hikima ni yake wori.

WAROMA 11:15

Ikakaia kuleghwa kwawo kuaghuredia wurumwengu kupatana na Mlungu, kurumirilwa kwawo-lee kuchakaia wada? Si irangi kwa awo wifue?

WAROMA 11:26

kwa huwu Waisraeli wose wichakia, sa iji iandikilo, “Mkiri uchacha kufuma Sioni nao uchaghuinja wuwiwi ghwa Jakobo

2 WAKORINTHO 3:16

ela iji mundu wamghalukia Bwana, uko kufinikirwa kuanjika.

WUKUMBUSO 9:29

Angu awo ni ifwa jako; awo korewifunyireghe kwa ndighi rako mbaa na kwa wusimi ghwako m'baa.’