ISAYA 11:1 - Biblia Ilagho Jiboie Kwa Wandu Wose

¹ Mndumu uchacha wa kivalwa cha Jese sa longe lujokagha akirimbenyi cha mudi luzoghorwagha ni miri yaro.

ISAYA 11:1 ပူးပေါင်းရင်းမြစ်များ

2 SAMUELI 23:3

Mlungu wa Israeli waghorie, uo uko mbanga ya Israeli wanizerie, “Iji mndumu wabonya nguma aighu ya wadamu kwa hachi, ukibonya nguma uko andenyi ya kuobua kwa Mlungu,

1 MALAGHO GHA NGELO 2:12

Boazi ukamva Obedi, Obedi ukamva Jese.

ZABURI 145:11

Wichaja malagho gha wubaa ghwa wuzuri ghwako, na kughora malagho gha kudima kwako;

ISAYA 11:10

Ituku ijo, uo mundu wa kivalwa cha Jese uchawuka kukaia alama kwa wandu. Wandu wa iro mbari wichamlola, na andu kwake kokaia kuchakaia kwa wubaa.

ISAYA 4:2

Ngelo iyo, lumbashu lwa BWANA luchakaia lughokie, luchue wubaa; na masighariko gha wandu wa Israeli wichaboilwa na kukukasa kwa mavalo gha isanga jawo.

ISAYA 53:2

Kwa kukaia erem'boieghe Mlungu mdumiki wake uzoghuo sa mudi mkoo, karakara na muri ghuko andenyi ya ndoe iomie. Nderekoghe na fwana ingi, angu kughoka, kobonya wandu wimzighane; nderewadieghe kuboa kungi kobonya wandu wikaie na bea nao.

ISAYA 6:13

Hata ukasigharika mundu umweri kwa ikumi, huwo saki uchatoteshwa sa mvinje angu mwaloni ghwademwa, na kishiki charo chisigharike kimusi.” Mbeu ielie nicho kishiki charo.

ISAYA 9:6

Angu damerie kuvailwa mwana, danekelo mwana wa womi; nao uchadibonyera nguma, na irina jake uchawangwa, “Mnjama wa mashiniko,” “Mlungu Uwadie Ndighi,” “Aba wa kala na kala,” “M'baa wa sere.”

ISAYA 9:7

Kubonya nguma kwake kwa sere ndekuchaakaia na kutua kungi; Uchaseria kifumbi cha nguma cha ndee Daudi, ukighumangisha wuzuri ghwake kwa hachi na loli; kufuma idana hata kwa kala na kala. BWANA wa majeshi nuo uchaabonya agha.

JEREMIA 23:5

“Olenyi matuku ghichacha, nichawusira umu wa kivalwa cha Daudi uchaakaia mzuri wa hachi nao uchabonya nguma kwa hikima, na kubonya hachi na loli isangenyi.

JEREMIA 33:15

Matuku agho na ngelo iyo, nichabonya umu wa kivalwa cha Daudi ukaie mzuri, nao uchabonya hachi na loli isangenyi.

EZEKIELI 17:22

Bwana MLUNGU waghamba huwu, “Nichadwa mdo ghwa mudi ghwa sida nimoni, na kuinja mbashu raro ngoo; nani nichaghutula aighu ya mghondi mlacha.

EZEKIELI 37:25

Wichakaia isangenyi ijo jerekailoghe ni weke ndee, ijo neremnekieghe mdumiki wapo Jakobo. Wichakaia aho, na wana wawo, na weke wawae kwa kala na kala, na mdumiki wapo Daudi uchakaia m'baa wawo kwa kala na kala.

MIKA 5:2

BWANA waghamba, “Bethlehemu Efrata, koko mtini putu aghadi ya mizi yose ya Juda; ela nichawusira m'bonyi nguma kufuma kwako, nao uchakaia m'bonyi nguma wa Israeli ufumagha kwa kichuku icheni cha kala.”

ZEKARIA 3:8

Idana sikira ee Joshua Mkohani M'baa, chiaimweri na wambenyu mkwanye, wiko fwana ya maza ndicha richagha, nichamreda mdumiki wapo uwangwagha Lumbashu.

ZEKARIA 6:12

Kumzere, BWANA Uwadie-Ndighi-Rose waghamba, ‘Mundu uwangwaghwa Lumbashu uchakuboisa andu kukaiagha, nao uchaiagha Hekalu ya BWANA.

MATHAYO 1:1

Jesu Kristo orekoghe wa kivalwa cha Daudi, kivalwa cha Abrahamu. Huwu niko kivalwa chake cherekoghe:

WAROMA 15:12

Na Isaya wachuria kughamba, “Mndumu uchacha wa kichuku cha Jese, kuwibonyera nguma wandu wa mbari zima; nawo wichasuwiria kwake.”

WAEBRANIA 7:14

Ni worinyi kukaia Bwana odu orekoghe wa kivalwa cha Juda, na Musa jingi ndeghora ilagho jingi ja wukohani aighu ya mbari iyo anduangi.

WUFUNUO 22:16

“Ini Jesu namduma malaika wapo ughighorie makanisa maza iri. Ini ne wa kivalwa cha Daudi; iyo nyerinyeri ing'alaa-ng'ala ya luma lwa nakesho.”

WUFUNUO 5:5

Niko umu wa awo waghosi ukanizera, “Leka lila; hoja uo Shimba wa mbari ya Juda, wa kivalwa cha Daudi, uo wamerie kusima; nao wadima kuifungua iyo mihuri mfungade, na kuchikuchua icho chuo.”

RUTHU 4:17

Waka wiko kaavui wikakaia wikiwighoria wandu, “Naomi wavailo mwana wa womi;” nawo wikammbanga Obedi. Obedi nuo ndee wake Jese uo ucheewuya ndee wake Daudi.

1 SAMUELI 17:58

Sauli ukamzera Daudi, “Wele mdawana, ko mwana wani?” Daudi ukatumbulia, “Ini ne mwana wa mdumiki wako Jese, M'bethlehemu.”