ISAYA 10:5 - Biblia Ilagho Jiboie Kwa Wandu Wose

⁵ BWANA waghamba, “Ni bugha kwake Ashuru nimtumiagha sa zobo ya machu ghapo na mzata ghwa lubio lwapo.

ISAYA 10:5 ပူးပေါင်းရင်းမြစ်များ

KUZOYA 10:11

Kufuma isanga jija ukaghenda Ashuru, na aho ukaagha Nineve, Rehoboth-Iri, Kala,

2 WAZURI 18:25

Na aighu ya agho, kuamanya kujoka kwapo aha naajoka duu kuseko na BWANA? Nechi ni BWANA wanizera, Joka kuwade jija isanga kujitoteshe.’”

2 WAZURI 19:25

“Jingi ndekusikire kukaia nereibonyereghe mipango kokala uko? Ngabonya mipango iyo nawuyaikatisha idana, kupate kughalua mizi ya ngome iwue maghacho;

ZABURI 125:3

Wandu wawiwi ndewichaadua wikibonya nguma isangenyi ja wahachi; wikabonya huwo, wahachi weni wadima kubonya kiwiwi.

ZABURI 17:14

Kunikire na wandu wawiwi ee Bwana, awo wiko na kula kilambo wichikunde; kuwineke makabo ghikate, agho kughiwikie kwa wundu ghwawo; ghidimagha kuwikata wana wawo, hata na weke wawae.

ISAYA 10:15

Ela Mlungu waghora huwu: “Welee, isoka jadima kukukasa aighu ya uo mundu ujitumiagha? Angu msumeno ghwadima kukujosa aighu ya mundu wawuyabara nagho? Sa kughamba zobo yadima kumdwa uo mundu uko nayo, angu mzata kumduka uo mundu ughudwagha!”

ISAYA 10:25

Angu andenyi ya ngelo ndinieri, machu ghapo ghichasia, nani nichawighalukia Waashuru kwa machu ghapo nipate kuwitotesha.

ISAYA 13:5

Wafuma isanga ja kula, noko cha kutua kwa ndoenyi; BWANA waawuyacha na maswagha ghake, na kwa machu ghake uchatotesha ndoenyi kose.

ISAYA 14:24

BWANA Uwadie Ndighi Rose wabonya ighemi huwu, “Agho nighibonyere mpango ghichabonyeka, na makusudi ghapo ghichakatia.

ISAYA 14:25

Nichawitotesha Waashuru andenyi ya isanga japo ja Israeli, na kuwiwadia-wadia aighu ya mighondi yapo; na ghongolo yawo ichafuma kwa wandu wapo, na msigo ghwawo ghuchainjika maweghenyi kwawo.

ISAYA 23:13

(Wakaldayo niwo wishekerie muzi ghwa Tiro ghukangilwa ni nyamandu, si Waashuru wangi; Wakaldayo niwo wiaghie minara yawo kughumara ugho muzi, na kughusha ngome rawo hata rikawuya maghacho.)

ISAYA 26:20

Choonyi wandu wapo, mngie vumbenyi konyu; mrughe minyango na kukuvisa kwa kapindi; hata agho machu ghameria kusia.

ISAYA 29:2

ela Mlungu ucharedia muzi ghwa Jerusalemu wasi; muzi ughoni ghuwangwagha “Madhabahu ya Mlungu;” kuchakaia na kililo na kukema mchungu, na muzi ghose ghuchakaia sa madhabahu yachulwa ni bagha.

ISAYA 30:27

Wonenyi ndighi ra Mlungu rawoneka kufuma kula, riko na modo ghwa machu ghake, ghifukiagha sa mosi, na memu yake ikisughuswa ni lubio lwake; madedo ghake ghiakora sa modo.

ISAYA 30:30

BWANA uchabonya lwaka lwake lwa nguma lusikirike, na ndighi ya ikabo ja machu ghake iwoneke; kuchakaia na lumu lwa modo lukumbagha andenyi ya iwingu ibaa chiaimweri na kiremba na vua ya magho.

ISAYA 30:9

Ngelo rose wakaia waleghi na wandu weghora tee; wandu wisedimagha putu kusikira malaghiro gha BWANA;

ISAYA 34:2

BWANA wabonya machu aighu ya mbari rose ra wandu na aighu ya majeshi ghawo ghose; nao wawitanyire wipate kubwaghwa.

ISAYA 66:14

Mchawona na ngolo renyu richaboilwa, mchakaia na ndighi na kuwona nicha kara kara na nyasi; na wandu wichamanya kukaia mkonu ghwa BWANA ghokwanye na wadumiki wake, na machu ghake ghibirie ghadakaia aighu ya wamaiza wake.”

ISAYA 7:17

“BWANA uchareda mzuri wa Ashuru ukuredie wasi oho, na wandu wako, na kivalwa chose cha kiwuzuri, jingi kuseghuwonie kufuma ituku Israeli orekutanyireghe na Juda.

ISAYA 7:20

“Ngelo iyo, Bwana uchatumia mzuri wa Ashuru kuandika kinyozi kwa ngelo vui kufuma kimonu cha Moda ghwa Eufrate omuara maridia gha vongonyi konyu, mafuri gha maghu ghenyu na sombe renyu.

ISAYA 8:4

kwa kukaia, imbiri mwana uhu usemanyire kuwanga ‘Aba’ angu ‘Mao,’ mali ra Dameshki na vilambo viwadilo wunyika va Samaria vichadukwa ni mzuri wa Ashuru.”

ISAYA 8:7

ola, nichawiredia mzuri wa Ashuru na wubaa ghwake ghose, upate kuwuka aighu ya wandu wa Juda, kara kara na moda ghwa Eufrate ingelo ghuchuagha machi na kudika-dika.

EZEKIELI 22:31

Kwa huwo niko nidirie machu ghapo aighu kwawo, na kuwimeria na modo ghwa lubio lwapo; na wuwiwi ghwa mabonyo ghawo ghuchakaia aighu yawo weni. Ini Bwana MLUNGU naghamba.”

EZEKIELI 7:10

“Zighana ijo ituku! Ola hejo jiacha! Mashaka ghako ghameria kucha, hachi yasoweka, lubando lwawoneka worinyi.

DANIELI 11:36

“Mzuri wa Siria uchabonya seji ukunde; uchakujosa na kukubonya m'baa aighu ya icho chose chiwangwagha mlungu; nao uchadeda malagho gha mashiniko aighu ya Mlungu wa milungu. Uchakaia nicha hata ngelo ya machu gha Mlungu kukatia, angu agho ghilaghirilo ghichapata kukatia kwaro.

NAHUMU 1:1

Agha ni mawono aighu ya Nineve ghiwonelo ni Nahumu ufumie Elkoshi.

HABAKUKI 1:12

Ee BWANA Mlungu wapo, kuko Mweli wapo, si oho kumoni kuko wa kala na kala? Ndedifwagha kungi. Ee BWANA, ni oho kumoni kuredie Wababuloni wipate kutanya, na oho ee Mlindiri, koowimangisha wipate kudikaba.

ZEFANIA 2:13

BWANA uchamtotesha Ashuru kwa ndighi rake. Muzi ghwa Nineve ghuchakimbilwa ghuwuye kireti chisena machi.

MITALO 24:24

Ela wandu wichacha na meli kufuma Kupro, na kuwikoronga Waashuru na Waeberi ela na Wakupro weni wori wichatota wokoni.”