ISAYA 10:34 - Biblia Ilagho Jiboie Kwa Wandu Wose

³⁴ BWANA uchadema visachi va msidu kwa isoka, midi iboie ya Lebanoni ichaghushwa.

ISAYA 10:34 ပူးပေါင်းရင်းမြစ်များ

ZABURI 103:20

Mkasenyi BWANA inyo weke malaika wake mmbwadie ndighi, msikiragha malagho ghake, na kuwada agho ughoragha.

ISAYA 10:18

Misidu yake iboie na isanga jake jiwurue ukukasagha najo jichanonwa ni BWANA sa mkongo udarumagha na kusia.

ISAYA 2:13

uchaiinja misida milacha yose ya Lebanoni, na mialoni yose ya Bashani.

ISAYA 31:8

Ashuru ichanonwa kwa lufu luseko lwa kidamu, ee, uchamerelwa ni lufu luseko lwa kidamu; Waashuru wichakimbia kufuma wudenyi, na wana wawo wichadumikishwa kwa ndighi.

ISAYA 33:9

Isanga jeewuya ja wasi, jiasia; msidu ghwa Lebanoni ghoonyaya na kunoneka, Sharoni eeka sa ikara; hata aho Bashani na Mghondi ghwa Karmeli midi eewadwa ni pambari na kupotua malemba.

ISAYA 37:24

Kwadumie wadumiki wako winiseke ini BWANA, kukaghora wei kwajokie mighondinyi na magare ghako; kukajoka hata koigu Lebanoni, kukaghusha iyo misida yake milacha na iyo misumbesu yake iboie; kukajoka hata andu kwaro kwa ighu hata kondenyi msidunyi ghwake ghukambie.

ISAYA 37:36

Nao malaika wa BWANA ukaghenda kambinyi ya Waashuru, na kuwibwagha wandu elfu ighana na mirongo wunyanya na wasanu. Hata iji wandu werewukieghe nakesho, wikakua awo wandu wose wifue.

JEREMIA 22:7

Nichakuwikia watoteshi, kula umu na iswagha jake nawo wichadema nguro rako ra misida ireni riboie, na kurikumba modonyi.

JEREMIA 48:2

Wubaa ghwa Moabu ghwasia. Wabonyere mpango ghwa wuwiwi aighu ya Heshboni wikighamba, ‘Choonyi dimuinje putu usekaie mbari na inyo ee wandu wa muzi ghwa Madmena mchanyamirishwa, mchawingwa ni majeshi.’

EZEKIELI 31:3

Nichakufwananisha na mudi ghwa sida ghwa Lebanoni, ghuko na mbashu righokie na malemba mawishi ghikambie kwa kiju, ghuzoghue na kujoka ighu mawingunyi.

DANIELI 4:23

Na sa iji oho mzuri kuwonie malaika mweli ukisea kufuma mlungunyi na kughamba, ‘Demenyi ugho mudi na kughunona, ela msighe kirimba charo na miri yaro ndoenyi, nao mchifunge na mnyororo ghwa chuma na shaba a nyasinyi mbishi, upate mami gha mshushure ghwa mlungunyi; sighenyi ifungu jake jikaie chiaimweri na nyamandu ra isakenyi hata miaka mfungade iide.’

NAHUMU 1:12

BWANA wawizera wandu wake Israeli huwu, “Hata ngera Waashuru weko wengi, wiwadie ndighi, wichatoteshwa na kusoweka. Nerekubonyereghe kukakorongeka, ela sichaakubonya huwo sena.

2 WATHESALONIKE 1:7

na kumneka kuhora chiaimweri nesi, inyo mwawuyakorongwa; iji Bwana Jesu wafunukulwa kufuma mlungunyi andwamweri na weke malaika wake wiwadie ndighi, andenyi ya modo ghuakagha.

2 PETRO 2:11

Na weke malaika, hata ngera ni wabaa, wiko na kudima, ndewiwishitakiagha imbiri ya Bwana kwa masholio ghangi anduangi.

WUFUNUO 10:1

Niko nerewonieghe malaika mzima uwadie ndighi ukisea kufuma mlungunyi, urwae iwingu, na lusenge lwa vua chongonyi kwake; wushu ghwake ghorekoghe sa iruwa, na maghu ghake gherekoghe sa nguro ra modo.

WUFUNUO 18:21

Niko malaika uwadie ndighi ukawada igho sa igho ibaa jesha, ukajikumba baharinyi ukighamba, “Huwo niko ugho muzi ghwa Babuloni ghuchaaghushwa kwa ndighi; nagho ndeghuchaawoneka sena anduangi.