ISAYA 10:29 - Biblia Ilagho Jiboie Kwa Wandu Wose

²⁹ Wameria kuida iruwukonyi, wiendelala Geba, na wandu wa Rama wiasughusika kwa wowa; wandu wa Gibea, ugho muzi ghwa Sauli, wameria kukimbia.

ISAYA 10:29 ပူးပေါင်းရင်းမြစ်များ

1 WAZURI 15:23

Mabonyo ghose gha Mzuri Asa, ndighi rake na iro ngome oreriaghieghe ghaandikilo andenyi ya Chuo cha Malagho gha Ngelo cha Wazuri wa Juda. Ela matuku gha wughosi ghwake, ukapatwa ni wukongo ghwa maghu.

JEREMIA 31:15

BWANA waghamba huwu: “Lwaka lwasikirika Rama lwaka lolila na kukema mchungu; Raheli ukiwililia wana wake, nao walegha kuhoreshwa kwa wundu ghwa wana wake, angu wameria kufwa.

HOSEA 10:9

BWANA waghamba, “Wandu wa Israeli ndewisighie kunibonyera kaung'a kufuma ngelo ija werebonyereghe kaung'a aja Gibea. Kwa huwo wuda ghuchawibukia aeni aho Gibea.

HOSEA 5:8

Kabenyi tarumbeta ya wuda aho Gibea! Kabenyi ndereri aho Rama! Kemenyi ngemi ya wuda aho Beth-aveni! Ngienyi wudenyi inyo wandu wa Benjamini.

HOSEA 9:9

Waawuyabonya mawiwi icho kisha, sa iji koni werekoghe Gibea. Mlungu uchakumbuka mawiwi ghawo, na kuwikaba.

JOSHUA 21:17

Kufuma kwa kichuku cha Benjamini werenekeloghe mizi ina: Gibeoni na mlamba ghwaro gholishira, Geba na mlamba ghwaro gholishira,

1 SAMUELI 10:26

Wokoni Sauli ukaghala cha mzinyi kwake aja Gibea, ukaghendanya na wandu wiko mang'oni, awo Mlungu oreadadireghe ngolo rawo.

1 SAMUELI 11:4

Nao iji awo wadumwa wavika muzi ghwa Gibea kwa Sauli, wikaghora agho malagho kwa wandu; na wose wikaarisa mchungu na kulila.

1 SAMUELI 13:16

Nao Sauli na mwana wake Jonathani chiaimweri na awo wandu orekwanyeghe nawo, wikakaia Geba, isanga ja Benjamini; ela Wafilisti wikabonya kambi yawo aja Mikmashi.

1 SAMUELI 13:2

Nao Sauli ukasaghua wandu elfu idadu. Uo moni ukakaianya na wandu elfu iwi aho Mikmashi na isanga ja mighondinyi ja Betheli; na wandu elfu imweri wikakaianya na Jonathani aja Gibea ya kichuku cha Benjamini; na wandu wazima wose ukawizera wighale kula mundu cha mzinyi kwake.

1 SAMUELI 13:23

Wafilisti wikafuma ngomenyi kwawo kwendalindia mwanya ghwa Mikmashi.

1 SAMUELI 14:2

Sauli orekoghe ukikaia aisi ya mkomamanga aja Migroni kutua kwa Gibea; nao orekwanyeghe na wandu maghana arandadu;

1 SAMUELI 14:4

Ugho mwanya ghwa Mikmashi, andu Jonathani oreidiriagha kuvikia ngome ya Wafilisti, korekoghe na mchombololo ghwa magho ii chia na mchombololo ghumu ghwa magho ii chia. Mchombololo ghumu ghorewangwaghwa Bosesi, na ghumu Sene.

1 SAMUELI 14:5

Mchombololo ghumu ghorewukieghe chia ya kaskazinyi naimbiri ya Mikmashi, na ghumu chia ya kusinyi naimbiri ya Geba.

1 SAMUELI 15:34

Nao Samueli ukaghala cha Rama, na Sauli ukaghala cha nyumbenyi kwake aja Gibea.

1 SAMUELI 7:17

Konyuma orekoghe ukiwuya Rama, angu niko muzi ghwake ghokaia ghorekoghe; na aho wokoni ukakaia ukiwitanya Waisraeli, ukamuaghia BWANA madhabahu aho.