ISAYA 10:24 - Biblia Ilagho Jiboie Kwa Wandu Wose

²⁴ Kwa huwo Bwana, Uo BWANA wa majeshi waghora huwu, “Inyo wandu wapo mkaiagha Jerusalemu, mseobuo awo Waashuru iji wakamkaba sa iji Wamisri werem'bonyereghe.

ISAYA 10:24 ပူးပေါင်းရင်းမြစ်များ

2 WAZURI 19:6

Isaya ukawizera, “Mzerenyi bwana onyu huwu: ‘BWANA waghamba huwu, Kusakeobua agha malagho kwaghisikira wadumiki wa mzuri wa Ashuru wikinisholia nagho.

KUFUMA 14:9

Wamisri wikawinugha kwa farasi rose ra Farao waghenji farasi na majeshi ghake, na kuwikua Waisraeli wabonya kambi kaavui na bahari ya Shamu aja Pi-hahirothi naimbiri ya Baal-zefoni.

KUFUMA 5:14

Wanyapara wa wandu wa Israeli awo werekoghe aisi ya Wabaa wa kazi wa Farao, wikakabwa na kuzerwa “Kwaki msemerie kazi enyu ekaba matofali sa iji koni morekoghe mkibonya?”

ISAYA 10:5

BWANA waghamba, “Ni bugha kwake Ashuru nimtumiagha sa zobo ya machu ghapo na mzata ghwa lubio lwapo.

ISAYA 12:2

“Ola Mlungu nuo kukia kwapo, nichamrumiria hata sichaaobua anduangi; kwa kukaia BWANA Mlungu nuo ndighi na lumbo lwapo, nao nuo kukia kwapo.”

ISAYA 12:6

Kemenyi na kubora kwa kuboilwa inyo wandu wose mkaiagha Sioni, kwa kukaia uo uko aghadi konyu ni m'baa, Mlungu Mweli wa Israeli.”

ISAYA 14:29

“Msakeboilwa inyo mmbose Wafilisti, mkikalikia wei ghuja mzata ghoremkabieghe ghoochika; kwa kukaia choka ichafunya choka iko na wusungu, nayo ichava choka iburukagha.

ISAYA 27:7

Kwani Mlungu wakabie Israeli seji ukabie iro mbari rerewikabieghe? Angu wabwaghie Israeli seji ubwaghie awo werewibwaghieghe?

ISAYA 30:19

Inyo wandu wa Sioni, mkaiagha Jerusalemu, ndemchaalila sena. Kwa kukaia Mlungu uchakaia na wughoma aighu enyu loli. Iji mwamkemia umtesie, uchamsikira na kumtumbulia.

ISAYA 30:32

Kula ikabo ja BWANA, jichanughwa ni lumbo lukabwagha kwa mayanga na kinubi; kwa kukaia BWANA uchakufunya kwa mkonu ghuwadie ndighi kulwa na Waashuru.

ISAYA 35:4

Wizerenyi awo wandu wiko na wowa, “Kaienyi na ndighi, msakeobua! Olenyi Mlungu onyu uchacha kulipia kisasi, uchacha na malipo ghake, upate kumkira.”

ISAYA 37:22

ilagho japo jetumbulia aighu yake ni iji: ‘Muzi ghwa Jerusalemu ghwakuseka na kukumenya; ghwaawuyakunugha ghukikusughusira chongo.

ISAYA 37:6

Isaya ukaghamba, “Mzerenyi bwana onyu huwu, BWANA waghamba, ‘Kusakeobua kwa wundu ghwa agho malagho kwaghisikira seji nasholelwa ni wadumiki wa mzuri wa Waashuru.

ISAYA 4:3

Kula mundu uchaasigharika Sioni na Jerusalemu, uo usaghulo ni Mlungu ukaie moyo, uchawangwa mweli,

ISAYA 46:13

Kukia kwapo nakureda kaavui, hata ndekuko kula, nako ndekuchaamuka anduangi. Nichareda kukia Jerusalemu, na wubaa kwa Israeli.”

ISAYA 51:13

hata kumliwe BWANA Muumbi wako uo ubonyere mlungunyi, na kuwika msingi ghwa ndoenyi, na oho kodemuobuagha mkorongi wako matuku ghose ngelo kwammbona wakuwika tayari kukutotesha? Agho machu gha mkorongi wako ghekutotesha ghiao?

ISAYA 61:3

kuwineka awo wiko na wasi Sioni, kiremba cha maua gha kuboilwa wulalo ghwa maivu gha wasi; na mavuda gha kuboilwa wulalo ghwa wasi, na lumbo lokasa wulalo ghwa roho ya wasi; eri wiwango mialoni ya hachi iwalo ni BWANA, nao upate kunekwa wubaa.

ISAYA 7:4

kumzere, ‘Kaia meso, kutulie, kuseobuo hata ngolo yako isefo kwa wundu ghwa Mzuri Resini na Wasiria wake, chiaimweri na Peka mwana wa Remalia; angu awo ni sa vilaya va modo vawuyafukia mosi.

ISAYA 9:4

Kwa kukaia kwaichikanyire ghongolo erewilemerieghe, na ghuja mzata ghorewikabagha maongenyi; ugho mzata ghwa mkorongi, kwaghuchikanyire seji koresimieghe majeshi gha Midiani.

MIKA 5:5

Mundu uo uchareda sere. Muashuri ukawada isanga jedu, na kuchikanya mawurighenyi kodu, dichamdumia vilongozi viwadie ndighi kumchumba wilo nao.