ISAYA 10:21 - Biblia Ilagho Jiboie Kwa Wandu Wose

²¹ Masighariko gha wandu wa Israeli wichammburia Mlungu wawo uko na ndighi.

ISAYA 10:21 ပူးပေါင်းရင်းမြစ်များ

EZRA 1:4

Mndungi wa wandu wake usigharikie wubarishonyi ukakunda wutesia ghowuya uteselo ni wambao kwa feza na dhahabu; kwa vilambo na nyamandu, chiaimweri na mafunyo ghefunya kwa wundu ghwa Hekalu ya Mlungu iko Jerusalemu.”

ISAYA 19:22

Na BWANA uchaikaba Misri, ukikaba na kuboisa; nawo wichamghalukia BWANA, nao uchasikira kuvoya kwawo na kuwikira.

ISAYA 37:31

Na agho masighariko gha wandu wa Juda ghichachurikia seji mudi ghuseragha miri na kuva matunda naighu.

ISAYA 46:3

“Nisikirenyi ini inyo kivalwa cha Jakobo, inyo mmbose masighariko gha wandu wa Israeli; Ni ini neremdwaeghe na kumlindia kufuma kuvalwa konyu.

ISAYA 55:7

uo mundu mmbiwi ndeisighe chia yake, na uo useko na hachi usighe maghesho ghake; ndemghalukie BWANA upate kufuilwa wughoma putu. Ndeghaluke cha kwa Mlungu odu, nao uchamfuya wughoma putu.

ISAYA 59:20

BWANA waghamba, “Nichacha Jerusalemu kumkombua inyo kivalwa cha Jakobo, mghalukagha na kusigha makosa ghenyu.

ISAYA 7:3

Niko BWANA ukamzera Isaya, “Ghenda kukwane na Mzuri Ahazi, oho na mwana wako Sheari-Jashubu; kuchamkua chienyi andu wafui nguwo wibonyagha kazi, kutuonyi kwa ghuja mkua ghuredagha machi kufuma kiriwa cha lughu,

ISAYA 9:13

Hata ngera BWANA wa majeshi wawikabie, ela wandu wa Israeli ndewiherie wikaghaluka na kumlola BWANA anduangi.

ISAYA 9:6

Angu damerie kuvailwa mwana, danekelo mwana wa womi; nao uchadibonyera nguma, na irina jake uchawangwa, “Mnjama wa mashiniko,” “Mlungu Uwadie Ndighi,” “Aba wa kala na kala,” “M'baa wa sere.”

JEREMIA 50:20

Matuku agho na ngelo iyo, wandu wichalola wuwiwi andenyi ya Israeli wiisowe; wichalola kaung'a andenyi ya Israeli wighusowe; wichalola kaung'a andenyi ya Juda, nawo ndewichaaiwona, kwa kukaia nichawifuya wughoma awo nichaawisighara.”

HOSEA 14:1

Ee wandu wa Israeli, wuyenyi kwa BWANA Mlungu onyu, kwa kukaia mookuwishwa ni makosa ghenyu gheni.

HOSEA 6:1

Wandu waghamba, “Nndokonyi dimmburie BWANA! Wadivavirie, ela uchadiboisa. Wadishoghonue, ela uchadifunga kushoghonoka kodu.

HOSEA 7:10

Kukukasa kwa wandu wa Israeli kwawuyashudia aighu yawo; aighu ya maza rose riwipatire, ndewighalukie na kuwuya cha kwapo ini BWANA Mlungu wawo.

HOSEA 7:16

Wanisighie na kuighalukia milungu isewadie ndighi; wakaia sa ndana ikomekie isedimagha kusuwirilwa. Wabaa wawo wichabwaghwa wudenyi angu wikukasire, na Wamisri wichawiseka.”

MABONYO GHA WADUMI 26:20

ela imbiri nerewonieghe awo werekoghe Dameshki, konyuma ngawighoria aho Jerusalemu, isanga ja Judea kose, na iro mbari zima wori; angu wihee na kumghalukia Mlungu na kubonya mabonyo ghifwananagha na kuhea kwawo.