ISAYA 10:20 - Biblia Ilagho Jiboie Kwa Wandu Wose

²⁰ Ngelo iyo, masighariko gha wandu wa Israeli, awo wikirie wa kivalwa cha Jakobo, ndewichaakusaghika na iyo mbari ya wandu erewikabieghe, ela wichakusaghika na BWANA, Mlungu Mweli wa Israeli kwa loli.

ISAYA 10:20 ပူးပေါင်းရင်းမြစ်များ

2 WAZURI 16:7

Niko Ahazia ukaduma wadumi kwa Tiglathi-pileseri mzuri wa Ashuru ukighamba, “Ini ne mdumiki na mwana wako; joka kunitesie nifume mikonunyi kwa mzuri wa Siria na mzuri wa Israeli wawuyalwa nani.”

2 WAZURI 19:31

angu agho masighariko gha wandu wichafuma Jerusalemu, na awo wivuvukagha, wichafuma Mghondi ghwa Sioni. Wudimi ghwa BWANA ghuchakatisha ilagho ijo.

2 MALAGHO GHA NGELO 14:11

Asa ukamlilia BWANA Mlungu wake, “Ee BWANA, ndekuwadie ungi udimagha kutesia aghadi ya awo wiwadie ndighi na wanyonge sa oho. Ditesie ee BWANA Mlungu odu, angu daawuyakusaghika na oho, na kwa irina jako, dacha kulwa na iji izungu ja wandu. Ee BWANA, oho ko Mlungu odu, kusesighe mndungi ukusime.”

2 MALAGHO GHA NGELO 28:16

Ngelo iyo, Mzuri Ahazi ukaduma wandu kwa mzuri wa Ashuru kulomba wutesia.

2 MALAGHO GHA NGELO 28:20

Kwa huwo Tiglathi-pilneseri mzuri wa Ashuru ukacha kulwa nao, na kumkoronga wulalo ghomfungisha ndighi.

EZRA 9:14

Idana ikaia wada isi dimenye memu yako kwa kuloworana na awa wandu wawiwi? Dikabonya huwo kuchawawa nandighi hata kuditoteshe na mndungi usedime kukaia moyo.

ISAYA 1:9

Ngera BWANA wa majeshi nderedisighieghe masighariko gha wandu wikirie, Kumangu deeka sa Sodoma, kumangu dawurie sa Gomora.

ISAYA 11:11

Ngelo iyo, BWANA uchaghorua mkonu ghwake indo ja kawi kuwunja masighariko gha wandu wake kufuma Ashuru na kufuma Misri, na kufuma Pathrosi, na kufuma Ethiopia na kufuma Elamu, na kufuma Shinari, na kufuma Hamathi, na masanga gha pwani baharinyi.

ISAYA 11:16

Kuchakaia na chia mbaa kufuma Ashuru, kwa wundu ghwa masighariko gha wandu wake Israeli, sa iji koni werekoghe nayo ngelo werefumagha isanga ja Misri.

ISAYA 37:4

Kewada BWANA Mlungu wako wameria kusikira malagho ghaghorwa ni Rabshake agho wadumwa ni bwana wake mzuri wa Waashuru, ghemsholia Mlungu uko moyo; nao ughikemie agho malagho ghake. Kwa huwo, kumlombe Mlungu kwa wundu ghwa masighariko gha wandu wisigharikie.’”

ISAYA 46:3

“Nisikirenyi ini inyo kivalwa cha Jakobo, inyo mmbose masighariko gha wandu wa Israeli; Ni ini neremdwaeghe na kumlindia kufuma kuvalwa konyu.

ISAYA 50:10

Nani aghadi konyu umuobuagha BWANA na kulusikira lwaka lwa mdumiki wake? Uo ughendagha kirenyi andu kuseko na mwengere, nderumirie irina ja BWANA na kukusaghika kwa Mlungu wake.

ISAYA 6:13

Hata ukasigharika mundu umweri kwa ikumi, huwo saki uchatoteshwa sa mvinje angu mwaloni ghwademwa, na kishiki charo chisigharike kimusi.” Mbeu ielie nicho kishiki charo.

JEREMIA 3:23

Ni loli kutasa milimu aighu mighondinyi na karamu ra lwafuo ni kwa tee. Hata mikutano yedu ekema ya mighondinyi ni sa ya tee nduu. Kwa loli kukia kwa Israeli kooka andenyi ya BWANA Mlungu odu.

JEREMIA 44:14

eri mndungi usigharikie wa Juda, awo wichee kukaia isanga ja Misri usefufunuke, angu kukia, angu kuwuya cha isanga ja Juda, ijo wawuyakaia na bea ewuya wiendejikaia; kwa kukaia ndewichaawuya, ela awo wakimbii watini tu niwo wichaawuya.”

HOSEA 14:3

Ashuru ndechaadikira, hata farasi ra wuda nderichaaditesia. Ndediwuyaaghora sena kwa milimu, iyo kazi ya mikonu yedu, wei ni milungu yedu. Ee BWANA, kuwiwonie wughoma awo wisewadie weke ndee.”

HOSEA 5:13

“Nao iji Israeli wawona seji uko mkongo, na Juda kuwona seji washoghonaka, Israeli ukaghenda cha Ashuru kulomba wutesia kwa m'baa wa isanga, ela ndereboisireghe hata kuhoa kushoghonoka kwake.

MIKA 5:3

Kwa huwo BWANA uchawikumba Waisraeli mikonunyi kwa wamaiza wawo, hata ivike ngelo ya uo uchamva uo mwana, na wamzawo wiko wubarishonyi kuwadanishwa na wambao.

ZEFANIA 3:13

Wandu wose wa Israeli wichaasigharika ndewichaam'bonyera mndungi makosa, hata kughora tee, angu kukalia. Wichakaia nicha, wiko na wulindiri ghukate, hata ndewichaamuobua mndungi anduangi.”