ISAYA 10:17 - Biblia Ilagho Jiboie Kwa Wandu Wose

¹⁷ Mlungu, uo uko mwengere ghwa Israeli, uchawuya modo, Uo Mweli uchawuya modo, na kumeria minjwa na mindandangoma kwa ituku jimweri.

ISAYA 10:17 ပူးပေါင်းရင်းမြစ်များ

ZABURI 18:8

Mosi ghukafuma mbuonyi kwake, modo ghulunguragha na maka ghiakagha ghikafuma momunyi kwake.

ZABURI 21:9

Kasikira kwawoneka, uchawitotesha sa modo ghukumbagha lumu. BWANA uchawimeria kwa machu ghake, na modo ghuchawitotesha.

ZABURI 27:1

BWANA nuo mwengere ghwapo na kukia kwapo, nani nichaamuobua? BWANA ni ngome imange ya irangi japo, nani uchaanikumba wowa?

ZABURI 50:3

Mlungu odu uacha, ela ndechagha kima; modo ghulunguragha ghoko imbiri kwake, na kiremba kibaa chammara mbai mbai.

ZABURI 84:11

BWANA ni mlindiri odu na mzuri wa wubaa; wadadirasimia kwa wughoma na ishima. BWANA ndewiimagha kindo chingi chiboie wawuyaghenda nicha.

ZABURI 97:3

Modo ghwamkiria, na kuwikora wamaiza wake chia rose.

ISAYA 26:11

Mkonu ghwako ghwawusirwa ighu ghukabe ee BWANA, ela ndewighuwonagha. Ndewiwone kufunga ndighi kwako kwa wundu ghwa wandu wako, wipate kufwa waya. Modo ghuwikilo kwa wundu ghwa wamaiza wako, ndeghuwimerie.

ISAYA 27:4

Siwadie machu ghangi na mbuwa ya mizabibu. Ngera edeeka na minjwa na mtaranganga elwa nayo, kumangu nadaalwa nayo, na kuikora yose.

ISAYA 27:7

Kwani Mlungu wakabie Israeli seji ukabie iro mbari rerewikabieghe? Angu wabwaghie Israeli seji ubwaghie awo werewibwaghieghe?

ISAYA 30:33

Kwa kukaia andu komkoria mzuri wa Waashuru kwamerie kuboiswa konkala uko; ni kina chiko kishapa sena chiko ndenyi; modo na mbande vawikilo tayari kwa wungi; BWANA uchaghufuria na miruke yake sa modo ghwa kibiriti na kughukora.

ISAYA 31:1

Ni bugha kwa awo wiseagha cha Misri kulola wutesia, na kukusaghika na farasi na magare ghawo gha wuda wei angu ghiko mengi, na wajoki farasi wei angu wiko na ndighi; nawo ndewikusaghikagha na Mlungu, Mweli wa Israeli, hata kulola wutesia kwa BWANA anduangi.

ISAYA 31:9

M'baa wake uchakimbia kwa wowa, na wabaa wawo wa kazi wichakimbia kwa wowa na kuisigha bendera yawo. Agho ghaaghorwa ni BWANA uo modo ghwake ghuakagha Sioni na iwiwi jake jikaiagha Jerusalemu.

ISAYA 33:12

Wandu wichawuya seji weekorwa na kuwuya chokaa; wichawuya sa minjwa idemelo na kukorwa modonyi.

ISAYA 33:14

Wakaung'a wikaiagha Sioni wiasughusika kwa wowa, awo wandu wisemuobuagha Mlungu wakaia na wowa wikighamba, “Nani udimagha kukaia kimusi kwa kutanya kwa Mlungu kuko sa modo ghubirie? Nani aghadi kodu udimagha kukaianya na modo ghwa kala na kala?”

ISAYA 37:23

Nani kusindemmenya na kumsholia? Nani kusindemdokia-dokia huwu? Nani kusindemzighana kwa lumenyo? Kodeeka kukinibonyera huwo ini Mlungu, Mweli wa Israeli!

ISAYA 37:36

Nao malaika wa BWANA ukaghenda kambinyi ya Waashuru, na kuwibwagha wandu elfu ighana na mirongo wunyanya na wasanu. Hata iji wandu werewukieghe nakesho, wikakua awo wandu wose wifue.

ISAYA 47:14

“Ola awo weeka sa matasa, nagho ghadahia na kumerelwa ni modo; ndewidimagha kukukira na ulo lumu lwa modo Maka gheoda aho ndeghiko, na modo ghooda ndeghuko.

ISAYA 60:19

“Iruwa ndejichaakaia mwengere ghwako ngelo ya nadime, hata mori ndeghuchaakaia mwengere ghwako ngelo ya nakio anduangi; ela ini BWANA nichakaia mwengere ghwako ghwa kala na kala, na ini Mlungu wako nichakaia nuo wubaa ghwako.

ISAYA 66:24

“Nawo wichafuma na kuwona gharia ra awo wandu werenileghieghe; kwa kukaia kivunyu chawo ndechifwagha, na modo ghwawo ndeghurimikagha anduangi; wichawoneka kukaia wuchafu kwa wadamu wose.”

ISAYA 9:18

Wuwiwi ghwa wandu ghuakora sa modo ghukoragha visachi va minjwa ghuakagha sa modo ghwa msidunyi, ghujosagha mosi sa ikungughu.

JEREMIA 4:4

Mumsikire BWANA, muinje wuchafu ghwa ngolo renyu inyo wandu wa Juda na wa Jerusalemu; machu ghapo ghisecheaka sa modo, hata mndungi usewoneke odima kughirimisha, kwa wundu ghwa wuwiwi ghwa mabonyo ghenyu.”

JEREMIA 7:20

Ola machu ghapo na lubio lwapo luchakaia aighu ya Hekalu ihi, aighu ya mundu na nyamandu, aighu ya midi ya mbuwenyi na aighu ya mavalo ghose gha isanga. Machu ghapo ghichaaka sa modo ghuserimikagha.”

NAHUMU 1:10

Inyo wawongeri, mkeduaranganywa sa minjwa na matasa, mchakorwa na modo mmerelo.

ZEFANIA 1:18

Ituku ijo, BWANA uchawonyera lubio lwake; feza na dhahabu rawo nderichaadima kuwikira. Ndoenyi kose kuchamerelwa ni modo ghwa machu ghake. Uchameria kula kilambo ghafla; uchameria kula umu ukaiagha ndoenyi.

ZEKARIA 12:6

“Ituku ijo, nichavibonya vichuku va Juda vikaie sa modo ghuhiagha msidunyi angu mbuwenyi rakaia tayari kukuwidwa; wichawitotesha wandu wa mbari rose riko mbai mbai. Wandu wa Jerusalemu wichasigharika banana andenyi ya muzi.

MITALO 16:35

Na modo ghukafuma kwa BWANA, ghukawikora awo wandu maghana awi na mirongo misanu werekoghe wikifukira marumba.

MATHAYO 3:12

Nao oko na lungo mikonunyi kwake, upate kuelesha viro vake; ngano uingire nganyenyi kwake, ela makanda ughikore kwa modo ghuserimikagha anduangi.”

WUKUMBUSO 4:24

Angu BWANA onyu ni modo ghulunguragha; uo ni Mlungu uwadie iriso.

WAEBRANIA 12:29

angu Mlungu odu, ni modo ghubirie, ghulunguragha.

WUFUNUO 21:23

Na ugho muzi ndeghukunde mwengere ghwa iruwa hata ghwa mori, angu ugho wubaa ghwa Mlungu nigho mwengere ghwaro; na taa yaro ni uo Mwana wa Ng'ondi.

WUFUNUO 22:5

Kio ndechichaakaia sena anduangi, hata ndewichaakunda mwengere ghungi ghwa taa, angu ghwa iruwa, angu Bwana Mlungu uchakaia taa yawo; nawo wichabonya nguma kwa kala na kala.