ISAYA 1:4 - Biblia Ilagho Jiboie Kwa Wandu Wose

⁴ To! E mbari ya kaung'a, wandu wilemerwagha ni wuwiwi; mavalo gha wabonyi kiwiwi wana wibonyagha laghe-laghe. Wamsighie BWANA, wammenyere Mlungu, Mweli wa Israeli, watane nao na kuwuya nyuma putu.

ISAYA 1:4 ပူးပေါင်းရင်းမြစ်များ

KUZOYA 13:13

Na wandu wa Sodoma werekoghe wawiwi na wakaung'a na ndighi imbiri ya BWANA.

2 WAZURI 21:22

Ukamsigha Mlungu wa weke ndee, hata nderebonyereghe seji BWANA ukunde anduangi.

2 MALAGHO GHA NGELO 12:1

Hata iji wuzuri ghwa Rehoboamu ghwamanga na kukaia na ndighi, uo, na Waisraeli wose, wikaisigha Sharia ya BWANA.

2 MALAGHO GHA NGELO 27:2

Jothamu ukabonya mecha imbiri ya BWANA seji koni ndee orebonyereghe; ela nderengirieghe andenyi ya Hekalu kufukira marumba. Elaima wandu wikadua wikibonya mawiwi.

NEHEMIA 1:7

Dabonyere kiwiwi nandighi aighu yako kwa kuleghabonya agho kudilaghirie. Ndedimazirie sharia rako iro koredinekieghe kwa chia ya Musa mdumiki wako.

ZABURI 58:3

Wandu wawiwi weelaghaya kufuma kifunyi; wadakosa na kughora tee kufuma kuvalwa kwawo.

ZABURI 71:22

Nichakukasa kwa kinubi kwa wundu ghwa wuloli ghwako ee Mlungu wapo. Nichakuboria chumbo kwa zeze, ee Mweli wa Israeli.

ZABURI 78:40

Ni kalinga werekoghe wikimlegha kireti, na kumvavira ngolo ikarenyi!

ZABURI 78:41

Weremtimieghe sena na sena, na kum'bonya Uo Mweli wa Israeli ujoko ni machu.

ZABURI 78:57

Ela wereghalukieghe noko, wikabonya mikalo sa weke ndee; wikasowa wuloli sa ndana ikomekie.

ZABURI 78:8

Ndewichaaghilika na kulegha sa weke wawae, awo wiserekoghe na irumirio jimange kwa Mlungu hata kukaia mloli kwake.

ZABURI 89:18

BWANA nuo uwisaghue mlindiri wawo; Mlungu mweli wa Israeli nuo uwinekie mzuri wawo.

KUFUMA 32:7

BWANA ukamzera Musa, “Bonya shwa-shwa kusee, angu wandu wako awo korewifunyireghe isanga ja Misri wabonya kaung'a na kunisigha.

ISAYA 1:23

Wabaa waro wawuya waleghi, wakaia wangara wa vitoi. Kula umu onyu ookunda kuhongwa, na kuwusa manosi; ndewidederiagha wana wakiwa, hata ndewimtanyiagha hachi muka mkiwa anduangi.

ISAYA 1:28

Ela Mlungu uchawitotesha waleghi na wakaung'a; uchawisaghisa wose wimsighagha BWANA.

ISAYA 10:6

Nadamduma kwa mbari ya wandu winileghie, awo winibonyere ngakaia na machu nawo; upate kuwidwa wunyika kuwisoka vilambo vawo, na kuwifasha-fasha sa mazozo chienyi.”

ISAYA 12:6

Kemenyi na kubora kwa kuboilwa inyo wandu wose mkaiagha Sioni, kwa kukaia uo uko aghadi konyu ni m'baa, Mlungu Mweli wa Israeli.”

ISAYA 14:20

Oho ndekuchaarikwa kwa ishima sa wazuri wazima, kwa kukaia kwajinonie isanga jako, na kuwibwagha wandu wako. “Marina gha kivalwa cha wawiwi jingi ghisekumbuko.

ISAYA 29:19

Wandu wikuserie wichapata maboilo kufuma kwa BWANA, na wakiwa wichamkasa Uo Mlungu wa Israeli kwa kuboilwa.

ISAYA 3:8

Jerusalemu yamerie kukuwa, Juda yamerie kughwa; kwa kukaia madedo ghawo na mabonyo ghawo ni ghelwa na BWANA, nagho ghanona wubaa ghwake.

ISAYA 30:1

BWANA waghamba, “Ni bugha kwa awo wana winileghagha, awo wikatishagha mipango iseko yapo; wibonyagha mapatano ghisefumanyagha na kukunda kwapo, wikichuria kaung'a aighu ya kaung'a.

ISAYA 30:15

Angu Bwana MLUNGU, uo Mweli wa Israeli waghambie huwu, “Mkanighalukia na kukusaghika na ini, mchakia; nenyo mchakia na kukaia banana.” Ela mwaleghie,

ISAYA 30:9

Ngelo rose wakaia waleghi na wandu weghora tee; wandu wisedimagha putu kusikira malaghiro gha BWANA;

ISAYA 31:2

Na uo nuo uwadie hikima, nuo utoteshagha. Uo ndeghalusagha malagho ghake, ela uchawikaba awo wibonyagha wuwiwi, na awo wiwitesiagha wabonyi kiwiwi.

ISAYA 37:23

Nani kusindemmenya na kumsholia? Nani kusindemdokia-dokia huwu? Nani kusindemzighana kwa lumenyo? Kodeeka kukinibonyera huwo ini Mlungu, Mweli wa Israeli!

ISAYA 41:14

Bwana waghamba, “Msakeobua inyo wana wa Jakobo msewadie ndighi, ee, inyo wandu wa Israeli. Nichamtesia, Mkomboli onyu ni Mlungu Mweli wa Israeli.

ISAYA 41:16

Mchawiela, nawo wichadwalwa noko ni mbeo. Kiremba chichawisasara ii chia na ii chia; na inyo mchaboilwa andenyi ya BWANA, ee, mchakukasa andenyi ya Mlungu Mweli wa Israeli.

ISAYA 41:20

Wandu wichawona na kumanya, wizighane na kutambukilwa chiaimweri, kukaia ndighi ra BWANA niro rabonya agho, ee, Mlungu Mweli wa Israeli nuo ughibonyere.”

ISAYA 5:19

Awo wighambagha, “Ndeshashire kubonya agho ughorie, dipate kuriwona kazi rake; kidali cha Mweli wa Israeli ndechikatie, eri dipate kuchimanya.”

ISAYA 5:24

Kwa huwo, sa iji lumu lwa modo lukoragha matasa, na sa iji koni nyasi rimerelwagha ni lumu, ni huwo koni miri yaro ichawoa, na kuboa kwaro kuchadukwa ni mbeo sa teri; kwa kukaia waileghie sharia ya BWANA wa majeshi, na kujimenya ilagho ja Mlungu, Mweli wa Israeli.

ISAYA 57:17

Nerem'bonyereghe machu kwa wundu ghwa kaung'a na bea rake; ngamkaba angu nerekoghe na machu, na kuleghamzighana. Ela sena orechurieghe kuwuya nyuma ngolonyi kwake.

ISAYA 58:2

Sena hoku waawuyanilola kula ituku, wikikunda kurimanya chia rapo, sa wandu wa hachi, na sa wandu wiserisighie sharia ra Mlungu wawo. Wakunda kupata kutanya kwa hachi na kukunda kusoghoda kaavui na Mlungu.”

ISAYA 65:11

Ela ndeichaakaia huwo konyu inyo munisighagha ini, na kuleghatala ugho mghondi ghwapo ghwa wueli; inyo mtasagha mlungu Bahati, na mlungu Ndengwa.

ISAYA 65:3

Wandu winivaviragha matuku ghose, wikifunya vizongona vawo a mbuwenyi, na kufukira marumba a matofalinyi.

ISAYA 9:17

Kwa huwu, BWANA ndewueboilwanya na ungi wa wandu wawo wa irika, hata ndena wughoma kwa wana wisena weke ndee na waka wakiwa; kwa kukaia kula umu ndena Mlungu, nao ni m'bonyi kiwiwi, na kula ilagho widedagha ni wuwiwi mduu. Hata huwo saki, machu gha BWANA ndeghisirie, mkonu ghwake ghokaba ghoko ghughorokie hata idana.

JEREMIA 15:6

Oho kwanileghie, na oho kwachurie kuwuya nyuma; niko ngaghughorua mkonu ghwapo kukukaba na kukutotesha; nasilwa ni ndighi rekurumaghia.

JEREMIA 2:13

kwa kukaia wandu wapo wabonyere makosa awi: wanisighie ini ndoria ya machi ghiko moyo, na kukukotera weni visima vawo vibarikie visedimagha kuwadia machi.

JEREMIA 2:17

Agha malagho ndekookuredia kumoni ee Israeli, kwa wundu ghwa kunisigha ini BWANA Mlungu wako, ingelo nerekoghe ngikughenja chienyi?

JEREMIA 2:19

Mawiwi ghako gheni ghichakuneka adhabu, na kuwuya nyuma kwako kuchakukemia. Zighana kuwone kukaia ni ilagho iwiwi sena jibirie ja oho kunisigha ini BWANA Mlungu wako; ndekuwadie ghuja wundu ghwa kuniobua ini andenyi kwako.”

JEREMIA 2:31

Na inyo ee mbari ya Israeli, nisikirenyi ini BWANA. Huwo neewuya kireti angu kira chikambie kwa Israeli? Kwaki sena wandu wapo wighambagha, ‘Isi deko huru, ndedichawuya kwako sena?’

JEREMIA 2:33

Koko na wuya loli-loli gholola waka, hata aweni wizamie putu kwawifundishire chia rako.

JEREMIA 2:5

BWANA waghamba welee, “Ni ikosaki weke ndeyo wijiwonie kwapo, hata jikawibonya wighende kula nani; wikatasa milimu ya kisha, nawo weni wikawuya wandu wa kisha?

JEREMIA 32:32

kwa wundu ghwa ugho wuwiwi ghubonyero ni wandu wa Israeli na wandu wa Juda, wikanivavira na kuniwusira machu, hata na wazuri wawo, na wabaa wawo, na wakohani wawo, na walodi wawo; wose wandu wa Juda na awo wikaiagha Jerusalemu.

JEREMIA 50:29

“Wizerenyi wakumbi mawanu wichelasa wandu wa Babuloni, ee, awo wose witumiagha ndana. Bonyenyi kambi mughurughaie muzi, mndungi wawo usefufunuke. Mlipenyi karakara na mabonyo ghake, mum'bonyere agho ghose karakara sa iji koni orebonyereghe, kwa kukaia wakukasire ukanimenya ini BWANA Mlungu, uo Mweli wa Israeli.

JEREMIA 51:5

Angu ini Mlungu, BWANA wa majeshi, siwisighie wandu wapo Israeli na Juda anduangi; ela isanga ja Wababuloni jeechulwa ni mawiwi aighu yapo ini Mlungu Mweli wa Israeli.

JEREMIA 7:19

Welee, ni ini wawuyanivavira? Wele ndawaawuyakuvavira na kukufusha waya wenii anguwada?

JEREMIA 7:26

ela ndewerenisikireghe hata kunideghia kudu; wikachuria kughilika, na kubonya mawiwi kuchumba weke ndee.

EZEKIELI 14:5

nipate kurighalua ngolo ra wandu wa Israeli cha kwapo, awo wilaghashiro na kufuma kwapo kwa wundu ghwa iyo milimu yawo.

EZEKIELI 16:33

Womi wadanosa malaya, ela oho korewinekieghe wakundwa wako manosi, kukatuwa womi wifumie kula eri wipate kubonya wumalaya na oho.

EZEKIELI 16:45

Oho ko mwai wa muka, uo orezamiloghe ni mumi wake na wana wake; na oho ko mruna wa wanyinyu wa waka werezamiloghe ni womi wawo na wana wawo. Mayo odeeka Mhiti, na ndeyo ni Muamori.

DANIELI 9:11

Wandu wose wa Israeli wamerie kuchikanya sharia rako, wikaghaluka na kulegha kukusikira. Kwa huwo njowe na maghemi ghose ghiandikilo andenyi ya Sharia ya Musa mdumiki wako, ghamerie kudichea; kwa kukaia dakubonyere kaung'a.

ZEFANIA 1:6

Nichawitotesha awo wighalukie na kusigha kuninugha na awo wisenilolagha hata kunilomba ini BWANA Mlungu niwilongoze.”

MITALO 32:14

Idana wonenyi nenyo mwawuka wulalo ghwa weke ndeyo, kivalwa cha wandu wa kaung'a; mpate kughichuria agho machu ghibirie gha BWANA aighu ya Israeli!

MATHAYO 11:28

Choonyi kwapo inyo mmbose msumbukagha na kulemerelwa ni misigo, nani nichamhoresha.

MATHAYO 23:33

Inyo choka, kivalwa cha choka ra wusungu! Mchakimbia wada msepato ni uko kutanywa kwa jehanamu?

MATHAYO 3:7

Nao iji Johane wawiwona Mafarisayo wengi na Masadukayo wikimchea uwibaputize ukawizera, “Inyo kivalwa cha choka! Nani umfundire mughikimbie agho makabo ghichagha?

WAROMA 8:7

Kwa kukaia mundu uririkanyagha ra mumbi ni m'maiza wa Mlungu; angu ndeusikiragha Sharia ya Mlungu, nao loli ndeudimagha kuisikira anduangi;

1 WAKORINTHO 10:22

Wele diam'bonya Bwana uwado ni iriso? Kwani deko nandighi kumchumba?

WUKUMBUSO 29:25

Na wandu wichatumbulia, ‘Ni angu wandu waro werejisighieghe ilaghano ja BWANA, Mlungu wa weke ndee, ijo orebonyereghe nawo iji orewiredieghe kufuma isanga ja Misri.

WUKUMBUSO 31:16

Niko BWANA ukamzera Musa, “Ola oho kwalighisa kufwa, na awa wandu wichasigha kukaia waloli kwapo kwa kuitasa milungu ya kighenyi ya ijo isanga andu wighendagha kukaia, nawo wichanisigha na kujinona ilaghano japo nerejibonyereghe nawo.

WUKUMBUSO 32:19

“BWANA uendawona agho ukakaia na machu; ukawisigha wana wake wa womi na wa waka.

WUKUMBUSO 32:5

Ela inyo mo wandu mseko waloli, msefwane kuwangwa wandu wake; mbari ya kaung'a ichue mikalo.

WAKOLOSAI 1:24

Idana naboilwa andenyi ya matiriro ghapo kwa wundu ghonyu, nani naawuyakatisha kwa mumbi ghwapo agho matiriro gha Kristo ghisigharikie kwa wundu ghwa mumbi ghwake, najo ni ikanisa.

WUFUNUO 18:5

angu kaung'a rake rachua, rajoka ighu, rikakatana na mlungunyi; na Mlungu waghikumbuka mawiwi ghake.

WATANYI 10:10

Niko wandu wa Israeli wikamkemia BWANA wikighamba, “Dabonyere kaung'a imbiri kwako, kwa kukaia dakusighie oho Mlungu odu na kudumikia weke Baali.”