ISAYA 1:29 - Biblia Ilagho Jiboie Kwa Wandu Wose

²⁹ Mchafwa waya kwa wundu ghwa kutasa mialoni, mchafwa waya kwa kuwika mbuwa renyu wakfu kwa wundu ghwa milimu.

ISAYA 1:29 ပူးပေါင်းရင်းမြစ်များ

ISAYA 30:22

Niko aho mchazamilwa ni fwana ra milungu ishingilo feza, chiaimweri na rija richanilo ra dhahabu. Mcharida noko sa vilambo va wuchafu mkighamba, “Injikenyi noko!”

ISAYA 31:7

Kwa kukaia ngelo ichavika, na kula umu onyu uchaida milimu yake ya feza na ya dhahabu moreibonyereghe kwa wundu ghwa kaung'a renyu.

ISAYA 42:17

Awo wose wiirumiriagha milimu, na kutasa fwana richanilo wikighamba, Inyo mo milungu yedu, wichawunjwa wandu wa nyuma na kufushwa waya putu.”

ISAYA 45:16

Wandu wose wibonyagha milimu, wakambwa ni chongo na kufwa waya wisemanyagha jebonya.

ISAYA 57:5

Inyo mwaawuyaakiana modo kwa bea renyu ra mumbi aisi ya mialoni, mkikaia aisi ya kula mudi ghwa malemba mawishi; inyo m'bwaghagha wana wenyu andenyi mavongonyi wikaie vizongona na kuwivisa andenyi ya chukarara ra magho.

ISAYA 65:3

Wandu winivaviragha matuku ghose, wikifunya vizongona vawo a mbuwenyi, na kufukira marumba a matofalinyi.

ISAYA 66:17

BWANA waghamba, “Kutua kwameria kuvika, kwa awo wikueleshagha na kughenda mbuwenyi, na kunugha mndumu wipate kutasa milimu, wikija nyama ya nguwe na mbewa, na kubonya wuwiwi.

JEREMIA 2:20

Bwana MLUNGU wa majeshi waghamba, “Kufuma kokala korechikanyireghe ghongolo yako; na kuvibara vifungo vako; kukaghamba, ‘Sichaakudumikia.’ Ee, koretasireghe milungu mizima, aighu ya mighondi mibaa, na aisi ya kula mudi mmbishi ghwa kiju kukaighoghomia kwa kusowa wuloli kwa Mlungu.

JEREMIA 3:6

Matuku gha kubonya nguma kwa Mzuri Josia, BWANA orenizerieghe, “Welee, kwawonie seji uhu Israeli useko mloli wawuyabonya? Wawuyajoka kula mghondi mlacha, na kukaia aisi ya midi mibaa ipambie ukitasa milungu mizima.

EZEKIELI 16:63

Kuchakumbuka na kufwa waya, hata na jingi kusewuyeghora ilagho jingi kukiwona seji kwafushwa waya ingelo nichaakufuya wughoma makosa ghako ghose koreghibonyereghe. Ini Bwana MLUNGU naghamba.”

EZEKIELI 36:31

Mchakumbuka chia renyu rizamie na agho mabonyo ghenyu ghizamie, nenyo mchakuzamia mmbeni kwa agho mabonyo ghenyu ghizamie gha wuchafu moreghibonyereghe.

EZEKIELI 6:13

Nenyo mchamanya angu ini ne BWANA, ingelo awo wandu wawo wibwaghilo walala aghadi ya milimu yawo wamara madhabahu rawo chia rose, kula mghondi mtini ghuko ighu, na aighu ya mido ya mighondi mibaa yose, na aisi ya kula mudi ghudeghedekie, na aisi ya kula mualoni ghukambie malemba, andu kose werekoriagha milimu yawo yose vizongona vinukie nicha.

HOSEA 14:3

Ashuru ndechaadikira, hata farasi ra wuda nderichaaditesia. Ndediwuyaaghora sena kwa milimu, iyo kazi ya mikonu yedu, wei ni milungu yedu. Ee BWANA, kuwiwonie wughoma awo wisewadie weke ndee.”

HOSEA 14:8

Wandu wa Israeli ndewichaaidumikia milimu sena, nichatumbulia malombi ghawo na kuwilindia; nichawifinikira sa mudi ghupambie, na kuwirasimia kwa kula kindo kicha.”

HOSEA 4:13

Waawuyafunya vizongona vawo aighu mighondinyi, na kufukira marumba ghawo aighu ya mighondi mitini, na aisi ya midi ikambie angu iko na viju viboie. “Kwa huwo wai wenyu waawuyalaka sa waka wa wana wenyu.

HOSEA 4:19

Wichainjwa sa kudukwa ni mbeo, nawo wichafwa waya kwa wundu ghwa vizongona vawo va milimu.

WAROMA 6:21

Morepatireghe fwaidaki ngelo iyo, kwa kubonya maza iro mwawuyariwonia waya idana? Angu kutua kwa maza iro ni kifwa.