ISAYA 1:28 - Biblia Ilagho Jiboie Kwa Wandu Wose

²⁸ Ela Mlungu uchawitotesha waleghi na wakaung'a; uchawisaghisa wose wimsighagha BWANA.

ISAYA 1:28 ပူးပေါင်းရင်းမြစ်များ

1 MALAGHO GHA NGELO 28:9

“Na oho mwana wapo Solomoni, kummanye Mlungu wa ndeyo, na kukufunya kumdumikia kwa ngolo yose; kwa kukaia BWANA waichi maghesho na bea redu rose. Kukamghendia, uchakurumiria; ela kukamsigha, uchakudagha noko toe.

2 MALAGHO GHA NGELO 21:10

Kwa huwo wandu wa Edomu wikalegha kubonyerwa nguma ni Juda hata idime. Ngelo iyo cheni wandu wa Libna wikalegha kubonyerwa nguma wokoni, angu Jehoramu oremsighieghe BWANA uo Mlungu wa weke ndee.

2 MALAGHO GHA NGELO 28:23

Ukafunya kizongona kwa milungu ya wandu wa Dameshki awo weremsimieghe ukighamba, “Kwa kukaia milungu ya mzuri wa Siria yawiteserie, nani moni nichaifunyira kizongona initesie.” Ela niyo iwurie ikamnona putu chiaimweri na wandu wa Israeli wose.

2 MALAGHO GHA NGELO 28:6

Peka mwana wa Remalia ukabwagha wandu elfu ighana na mirongo iwi, wose wiko mang'oni gha wuda wiwadie ndighi andenyi ya Juda kwa ituku jimweri; werebwaghiloghe huwo angu weremsighieghe BWANA, uo Mlungu wa weke ndee.

AYUBU 31:3

Wasi ghwadawipata awo wisene hachi, na matiriro ghadawipata awo wibonyagha kiwiwi.

AYUBU 34:26

Wadawikaba kwa wundu ghwa wuwiwi ghwawo imbiri ya wandu,

AYUBU 34:27

kwa kukaia waghalukie nambai wikalegha kumnugha hata ndewiritalie chia rake rose.

ZABURI 1:6

BWANA wadawighenja wahachi, ela wawiwi wichatoteshwa.

ZABURI 104:35

Wakaung'a ndewimerelo ndoenyi, na wawiwi wisakedua. Mkase BWANA ee roho yapo! BWANA ndekaso!

ZABURI 125:5

BWANA uchawikumba noko chiaimweri na wabonyi mawiwi, awo wighalukagha na kunugha chia rawo rizamie. Sere ndeikaie kwa Israeli.

ZABURI 37:38

Ela wakaung'a wichatoteshwa putu; kivalwa chawo chichainjwa.

ZABURI 5:6

BWANA, kwadawitotesha awo wighoragha tee; BWANA kwadazamilwa nandighi ni wabwaghi wandu, na wandu wa mikalo.

ZABURI 73:27

Awo wikuleghagha, loli wichatota; na awo wiseko waloli kwako, kuchawisaghisa.

ZABURI 9:5

Kwamerie kurikemia mbari zima, kukawisaghisa wawiwi; kwajivutire irina jawo, kwa kala na kala.

ZABURI 92:9

Wamaiza wako ee BWANA wichatota; wabonyi kiwiwi wose wichasaghiswa.

MAKATANISHO 29:1

Uo ukanilwagha mando malazi, ukichuria kughilika, uchanoneka shwa hata ndechaadima kuboiswa anduangi.

ISAYA 1:4

To! E mbari ya kaung'a, wandu wilemerwagha ni wuwiwi; mavalo gha wabonyi kiwiwi wana wibonyagha laghe-laghe. Wamsighie BWANA, wammenyere Mlungu, Mweli wa Israeli, watane nao na kuwuya nyuma putu.

ISAYA 24:20

Ndoe yazingizika sa mmbongeri, yakumbwakumbwa sa nyumba idukwagha ni kiremba. Ndoe yalemerelwa ni kaung'a rake, nayo ichatota putu hata ndeichaawuka sena anduangi.

ISAYA 30:13

mawiwi agho ghichakaia konyu, sa wurigha mlacha ghughoghome, ghuko na lughuma lodima kughughusha shwa-shwa.

ISAYA 33:14

Wakaung'a wikaiagha Sioni wiasughusika kwa wowa, awo wandu wisemuobuagha Mlungu wakaia na wowa wikighamba, “Nani udimagha kukaia kimusi kwa kutanya kwa Mlungu kuko sa modo ghubirie? Nani aghadi kodu udimagha kukaianya na modo ghwa kala na kala?”

ISAYA 50:1

BWANA waghamba, “Barua ewilegha wandu wapo sa etana na muka eko hao? Na ikakaia nimuuzire wuzumbenyi, namuuzire kwani? Olenyi ni kwa wundu ghwa kaung'a renyu niko moreuziroghe wuzumbenyi; ni kwa wundu ghwa makosa ghenyu niko morelegheloghe.

ISAYA 50:11

Inyo mmbose m'bonyagha njama retotesha wazima, mchatoteshwa ni njama renyu reni. BWANA moni uchabonya maza iri rikaie nenyo mchapata wasi m'baa.

ISAYA 58:2

Sena hoku waawuyanilola kula ituku, wikikunda kurimanya chia rapo, sa wandu wa hachi, na sa wandu wiserisighie sharia ra Mlungu wawo. Wakunda kupata kutanya kwa hachi na kukunda kusoghoda kaavui na Mlungu.”

ISAYA 64:6

Isi diwose dawuya sa mundu useelie, hata hachi redu rose rakaia karakara na nguwo ilushiro; isi diwose daoma sa ilemba, na mawiwi ghedu ghadilaghasha sa kudukwa ni mbeo.

ISAYA 65:11

Ela ndeichaakaia huwo konyu inyo munisighagha ini, na kuleghatala ugho mghondi ghwapo ghwa wueli; inyo mtasagha mlungu Bahati, na mlungu Ndengwa.

ISAYA 66:17

BWANA waghamba, “Kutua kwameria kuvika, kwa awo wikueleshagha na kughenda mbuwenyi, na kunugha mndumu wipate kutasa milimu, wikija nyama ya nguwe na mbewa, na kubonya wuwiwi.

ISAYA 66:24

“Nawo wichafuma na kuwona gharia ra awo wandu werenileghieghe; kwa kukaia kivunyu chawo ndechifwagha, na modo ghwawo ndeghurimikagha anduangi; wichawoneka kukaia wuchafu kwa wadamu wose.”

JEREMIA 17:13

Ee BWANA oho kuko isuwirio ja Israeli, wose wikusighagha wichafushwa waya, na awo wikughalukiagha nambai, wichalaghaya sa marina ghiandikilo andonyi kwa kukaia wamsighie BWANA, uo ndoria ya machi ghiko moyo.

JEREMIA 44:12

Awo wandu wa Juda wisigharikie, nao wikakufunya kucha cha Misri wipate kukaia aha, nichawibonya witotesho wose ahaeni isangenyi ja Misri. Wichafwa wudenyi, na kwa njala, kufuma mtini wawo hata m'baa wawo; nawo wichawoneka sa kilambo cha kisha, cheshinikilwa, chiwasirilo njowe, na chesholelwa.

HOSEA 14:9

Awo wiko na hikima ndewitambukilo ni agho ghiandikilo na aha, wighingire ngolonyi. Chia ra BWANA ni ra loli, na wandu wa hachi wichadua kwa kurinugha iro; wakaung'a wichakuwa na kughwa kwa kulegharinugha.

1 WATHESALONIKE 5:3

Iji wandu wakaghora, “Ni sere na banana” niko kutota kuchaawichea shwa wori; seji koni muka uko na kifu uchelwagha ni kulumwa ngelo ya kuva, hata ndewichaafufunuka anduangi.

2 PETRO 3:7

Ela kwa ilagho ijo jeni, mlungunyi na ndoenyi riko idana rawikilwa modo; naro raawuyawikwa hata ijo Ituku ja Kutanywa, na kutoteshwa kwa wandu wisemuobuagha Mlungu.

WUFUNUO 21:8

Ela weke mawowa, na awo wiserumiriagha, na wawiwi, na wabwaghi wandu, na walaki, na wasawi, na watasi milimu, na watee wose, ifungu jawo jichakaia andenyi ya iyo ndiwa iakagha modo na kibiriti; nacho ni kifwa cha kawi.”

1 SAMUELI 12:25

Ela mkabonya maza rizamie, BWANA uchamtotesha inyo na mzuri onyu wori.”