ISAYA 1:21 - Biblia Ilagho Jiboie Kwa Wandu Wose

²¹ Yakaie wada muzi ghorekoghe mloli, kuwuya sa ilaya; ugho ghorechuloghe ni loli! Hachi erekoghe andenyi kwake, ela idana ghwachulwa ni wabwaghi.

ISAYA 1:21 ပူးပေါင်းရင်းမြစ်များ

2 SAMUELI 8:15

Daudi ukawibonyera nguma Waisraeli wose, ukawitanya wandu wose kwa hachi na loli.

2 MALAGHO GHA NGELO 19:9

Ukawilaghira huwu: “Bonyenyi wudumiki mkimuobua BWANA, kwa wuloli, na kwa ngolo yose;

NEHEMIA 11:1

Vilongozi va wandu werekoghe wikikaia Jerusalemu, na wandu wazima wose wikakaba kura wipate kinyumba chimweri aghadi ya vinyumba ikumi vikaie Jerusalemu ugho muzi ghwa wueli, na vinyumba ikenda kwa ikumi wikaieghe andenyi ya mizi mizima.

ZABURI 46:4

Ghoko moda dumeda dwaro duredagha kuboilwa mzinyi kwa Mlungu, andu kuelie kokaia kwa Uo-Uko-Aighu-Nandighi.

ZABURI 48:1

BWANA ni m'baa, wafwana ukaso nandighi mzinyi kwa Mlungu odu, aighu ya mghondi ghwake ghwa wueli.

ZABURI 48:8

Seji disikire, niko koni diwonie andenyi ya muzi ghwa BWANA wa majeshi, ugho muzi ghwa Mlungu odu, BWANA ughumangishire kwa kala na kala.

ISAYA 1:22

Feza yako yawurie ya duu, divei yako eeranganywa na machi.

ISAYA 26:10

Mmbiwi ukadawirilwa ndechaakufundisha hachi; uchabonya mawiwi andenyi ya isanga jiko icha, hata ndewonagha ugho wubaa ghwa BWANA.

ISAYA 48:2

Mwadakuwanga mmbeni wana wa muzi ghwa wueli, na kukusaghika kwa uo Mlungu wa Israeli; uo irina jake ni BWANA wa majeshi.

ISAYA 5:7

Wandu wa Israeli niwo iyo mbuwa ya BWANA wa majeshi, na wandu wa Juda niwo ugho mzabibu ghuboie oreghuwaeghe; ukalola kuwona loli ikibonywa, ela wulalo ghwaro ukawona kifwa, ukalola kuwona mabonyo gha hachi, ela wulalo ghwaro ukasikira kililo.

ISAYA 59:14

Daiwikie na mbai iyo loli, na hachi ikakaia kula nesi; kwa kukaia loli yamerie kulaghashwa wandunyi, wuloli ndeghuwadie wulalo.

ISAYA 59:15

Loli yasowekie; na uo ukutanyagha na wuwiwi, waakungira wasinyi.” BWANA wawonie maza iri ukazamilwa na ndighi, angu hachi iseko.

ISAYA 59:3

Kwa kukaia mikonu yenyu yalushiro ni bagha ra wandu muwibwaghie, na vala venyu vachulwa ni wuwiwi; memu yenyu eechulwa ni kudeda malagho gha tee, na chumi renyu rachulwa ni kughora kiwiwi.

JEREMIA 3:1

BWANA waghamba, “Keni mundu ukamsigha mkake, nao ulowolo ni mundu mzima, wadima sena kummburia muka uo? Huwo isanga ndajadalushwa anguwada? Ela oho Israeli kwanughie milungu mingi sa malaya unughagha wandu wengi, sena kookunda kuwuya kwapo.

HOSEA 11:12

BWANA waghamba, “Wandu wa Israeli wanimara chia rose kwa mikalo na tee, na wandu wa Juda waduagha wikinilegha ini, mloli na Mlungu mweli.

HOSEA 2:5

Angu mae wabonyere wumalaya uo muka orewidukieghe kifunyi wabonyere malagho gha waya. Angu oreghambieghe, ‘Nichanughana na wakundwa wapo, awo wichaanineka mkate na machi, nguwo rapo ra sufu na ra kitani, mavuda na chofi.’

HABAKUKI 1:4

Kwa huwo sharia ndeiwuetalwa, na wandu ndewiwuetanya hachi. Wawiwi wawimara wandu wa hachi chia rose, na kwa wundu ugho hachi yalaghashwa.

ZEKARIA 8:3

Nichawuya Jerusalemu nikaie aho muzi ghwapo ghwa wueli. Jerusalemu ichamanyika sa muzi ghwa wuloli, na mghondi ghwa BWANA Uwadie-Ndighi-Rose ghuchawangwa mghondi ghwa wueli.

LUKA 13:34

“Ee Jerusalemu, Jerusalemu, kubwaghagha walodi na kuwilasa na magho awa widumwagha kwako, ni kalinga neretimieghe kuwikwanya wana wako sa iji nguku ikwanyagha vana vake aisi ya mawawa ghake kukalegha!

MABONYO GHA WADUMI 7:52

Ni mlodi uao weke ndeyo wiseremtiririeghe? Sena wikawibwagha awo werezoeghe kueresha malagho gha kucha kwake Uja Mhachi uo moremfunyireghe na kum'bwagha.

WAEBRANIA 12:22

Ela inyo mwaghuvikia Mghondi ghwa Sioni, na muzi ghwa Mlungu uko moyo, Jerusalemu ghwa mlungunyi, na weke malaika wisetalikagha wakwanyika kwa kuboilwa;

WUFUNUO 11:2

Ela kuseipime iyo waza iko shighadi ya hekalu, kuseipime; angu yamerie kunekwa iro mbari, nawo wichaghuwadia-wadia ugho muzi ghwa wueli kwa meri mirongo ina na iwi.

WUFUNUO 11:8

Na gharia rawo richakaia a chienyi ya ugho muzi m'baa ghuwangwagha kiroho Sodoma na Misri, andu Bwana wawo oresulubishiroghe.

WUFUNUO 17:1

Nao umu wa waja weke malaika werekoghe na bakuli mfungade ukanichea na kunizera, “Choo nikuwonyere seji jija ilaya ibaa jitanywagha, ijo jiseagha kidombo aighu ya machi mengi;