ISAYA 1:18 - Biblia Ilagho Jiboie Kwa Wandu Wose

¹⁸ BWANA waghora, “Choonyi idana dibonye njama; hata ngera kaung'a renyu ratinikie, richakaia ra chokwa sa theluji; hata ngera reeka ra ngundu sa bagha, richakaia ra chokwa sa pamba.

ISAYA 1:18 ပူးပေါင်းရင်းမြစ်များ

AYUBU 9:33

Kumangu wakaiagha mpatanishi ungi aghadi yapo na Mlungu, udimagha kutanya aghadi yedu.

ZABURI 51:7

Kunieleshe kwa hisopu, nani nichaela, nioghoshe, nani nichawuya wa chokwa kuchumba theluji.

ZABURI 51:9

Kusakerizighana kaung'a rapo; kughiaghie mawiwi ghapo ghose.

ISAYA 1:23

Wabaa waro wawuya waleghi, wakaia wangara wa vitoi. Kula umu onyu ookunda kuhongwa, na kuwusa manosi; ndewidederiagha wana wakiwa, hata ndewimtanyiagha hachi muka mkiwa anduangi.

ISAYA 3:13

BWANA wakaia tayari kureda mashitakio ghake, wakaia tayari kuwitanya wandu wake.

ISAYA 41:1

Mlungu waghamba huwu, “Nyamenyi kima imbiri kwapo inyo wandu wa masanga gha pwani, Wandu ndewikufungishe ndighi, ndewiche wighore ndedisoghode kaavui diwose ditanyo.

ISAYA 41:21

“Redenyi malagho ghenyu ee milungu ya mbari ra wandu, waghora BWANA. Redenyi wuloli ghonyu; waghamba Mzuri wa Israeli.

ISAYA 44:22

Namerie kuinja makosa ghako sa iwingu, na kaung'a rako sa ikungughu; wuya kwapo, kwa kukaia namerie kukukombua.”

ISAYA 50:8

angu uo unidederiagha oko kaavui. Nani unishitakiagha? Ndewuke kimusi didede. Nani m'maiza wapo aha? Ndesoghode dikwane.

ISAYA 55:7

uo mundu mmbiwi ndeisighe chia yake, na uo useko na hachi usighe maghesho ghake; ndemghalukie BWANA upate kufuilwa wughoma putu. Ndeghaluke cha kwa Mlungu odu, nao uchamfuya wughoma putu.

JEREMIA 2:5

BWANA waghamba welee, “Ni ikosaki weke ndeyo wijiwonie kwapo, hata jikawibonya wighende kula nani; wikatasa milimu ya kisha, nawo weni wikawuya wandu wa kisha?

EZEKIELI 18:27

Sena mundu mmbiwi ukaghaluka kufuma kwa wuwiwi ghwake oreghubonyereghe na kubonya agho ghiko gha loli na gha hachi, uchakira irangi jake.

EZEKIELI 33:16

Ndekuwadie ingi ya kaung'a rake oreribonyereghe ichaakumbukwa. Wabonyere agho ghiko gha loli na gha hachi, nao loli uchakaia moyo.

MIKA 6:2

Inyo mighondi muko misingi iduagha ya ndoenyi, sikirenyi seji BWANA uredagha mashitakio. BWANA washitakiana na wandu wake; uchasimana na Israeli.

MABONYO GHA WADUMI 17:2

Paulo ukangia sunagoginyi sa mzango ghwake, na kwa Sabato idadu orekoghe ukija malagho na wandu kwa kutumia Maandiko Ghielie.

MABONYO GHA WADUMI 18:4

Na kula Sabato, ukakaia ukikotiana na wandu malagho andenyi ya sunagogi, ukitima kuwiruda Wayahudi na Wagriki wori.

MABONYO GHA WADUMI 24:25

Nao iji Paulo orekoghe ukija malagho aighu ya hachi, kukumazira, na kuja kutanywa kuchagha, Felike ukaobua ukaghamba, “Idana kwadima kughenda, ngapata wulalo, nikuwanga sena.”

WAROMA 5:20

Sharia erechieghe kuchuria makosa, ela andu kaung'a ichurikie, mvono nagho ghorechurikieghe kuchumba;

WUFUNUO 7:14

Nani ngamzera, “Bwana oho kwamanya.” Nao ukanizera, “Awa niwo waja wandu wifumie matirironyi mabaa, nawo warioghoshere nguwo rawo, na kuribonya kukaia ra chokwa kwa bagha ya Mwana wa Ng'ondi.

1 SAMUELI 12:7

Idana kaienyi kimusi nishuhudie imbiri ya BWANA aighu ya mabonyo ghose ghemkira agho BWANA orebonyereghe kwa wundu ghonyu na kwa wundu ghwa weke ndeyo.