ISAYA 1:17 - Biblia Ilagho Jiboie Kwa Wandu Wose

¹⁷ Mkufundishe kubonya mecha, muilole hachi; witesienyi awo wawuyawonelwa, mnekenyi mwana usewadie ndee hachi yake, mdederienyi muka-mkiwa.”

ISAYA 1:17 ပူးပေါင်းရင်းမြစ်များ

ZABURI 34:14

Kukutanye na wuwiwi, kubonye nicha, kulole sere na kuinugha na iseghe.

KUFUMA 22:21

“Kusakem'bonyera kiwiwi mghenyi hata kumkoronga, angu na inyo morekoghe waghenyi isanga ja Misri.

MAKATANISHO 15:25

BWANA wadavuchua nyumba ya mundu ukukasire, ela uchaghulindia muzi ghwa muka mkiwa.

MAKATANISHO 21:3

BWANA wadawirumiria awa wibonyagha hachi na loli, kuchumba kufunya kizongona.

MAKATANISHO 31:9

Deda kwa wundu ghwawo, kukaie mtanyi wa hachi. Lindia hachi ra wakiwa na awo wisowagha.”

ISAYA 1:23

Wabaa waro wawuya waleghi, wakaia wangara wa vitoi. Kula umu onyu ookunda kuhongwa, na kuwusa manosi; ndewidederiagha wana wakiwa, hata ndewimtanyiagha hachi muka mkiwa anduangi.

ISAYA 10:2

Eri mumsoke mkiwa hachi yake, na kuiwia wandu wapo hachi rawo. Mwawisoka waka wakiwa na wana wisene weke ndee hachi rawo.

ISAYA 56:1

BWANA wawizera wandu wake huwu: “Wadienyi loli m'bonye hachi, angu kukia kwapo kuchacha kafwani; nako kuchafunukuka worinyi.

ISAYA 58:6

“Nechi kufunga tumu nikukunde ini ni uku: kuvifungua vifungo va makorongo, kuinja ghongolo isena hachi, na kumlekeria uo ukorongelo ukaie huru, chiaimweri na kuchikanya kula ghongolo?

JEREMIA 21:12

Ee kivalwa cha Daudi! ‘Bonyenyi hachi kula nakesho, mmbunje kilambo cha uo usokelo kufuma kwa uo mkorongi; machu ghapo ghisecheaka sa modo, na kumkora hata usepatike ungi oghurimisha, kwa wundu ghwa agho mawiwi ghenyu.’

JEREMIA 22:3

BWANA waghamba, m'bonye malagho gha loli na gha hachi, mmbunje kilambo cha uo usokelo ni mkorongi. Msebonye kiwiwi, angu kumkita mghenyi, angu mwana mkiwa, angu muka mkiwa, angu kudia bagha ya mundu usena ikosa andu aha.

JEREMIA 35:15

Nadumie wadumiki wapo walodi wose konyu sena na sena ngimzera kula umu onyu ughaluke kufuma kwa chia rake mbiwi, m'boise mighendo yenyu. Msakenugha milungu mizima na kuidumikia, nenyo mchakaia isangenyi neremnekieghe inyo na weke ndeyo. Ela ndemdeghie madu kusikira, hata kusikira ndemusikire.

EZEKIELI 18:31

Sighenyi makosa ghenyu ghose m'bonyere aighu yapo, mmbuse ngolo mbishi na roho mbishi. Kwaki mfwagha ee wandu wa Israeli?

EZEKIELI 22:7

Wavi ndewitalwagha andenyi kwako, waghenyi wadakorongwa aghadi kwako, mwadawikita awo wifuilo ni weke ndee na waka wakiwa.

EZEKIELI 45:9

“Ini Bwana MLUNGU naghamba huwu: Uko kutumia ndighi konyu na kukoronga wandu kwakata ee wabaa wa wandu wa Israeli. Sighenyi agho, m'bonye maza ra loli na hachi; sighenyi kusoka wandu wapo. Ini Bwana MLUNGU naghamba.

DANIELI 4:27

Kwa wundu ugho ee mzuri, njama yapo ndeirumirikie imbiri kwako. Sigha kaung'a rako, kuinughe hachi; kusighe mawiwi, kuwonyere wughoma kwa awo wikorongelo eri kukaie na sere na kuwona nicha.”

MIKA 6:8

Hata! BWANA wadimanyishire ijo jiko icha. Ijo BWANA ujikundagha kodu ni iji: Kubonya ijo jiko ja hachi, kukaia na lukundo lukatie, kukusera na kukaia na wungara na Mlungu odu.

ZEFANIA 2:3

Mghalukienyi BWANA inyo mmbose wandu wa isanga mkuserie, inyo m'bonyagha agho umlaghiragha. Bonyenyi ijo jiko ja hachi, mkusere mmbeni; kewada mwadima kufuilwa wughoma ijo ituku ja lubio lwa BWANA.

ZEKARIA 8:16

Inyo bonyenyi huwu. Mghoriane loli kula mundu na mmbao, tanyenyi loli kotinyi konyu, mrede sere.

WUKUMBUSO 14:29

Mlawi, angu uo usewadie ifungu hata ifwa jingi chiaimweri na oho, na waghenyi wemara-mara, na wana wisewadie weke ndee, na waka wakiwa awo wiko mizinyi konyu wichacha wije na kughuda; eri BWANA Mlungu wako upate kukurasimia kwa kazi rako rose kuribonyagha.

JAKOBO 1:27

Dini ielie isewadie wuchafu imbiri ya Mlungu Aba, ni ihi: ni kuwighendia na kuwitesia wana wakiwa, na waka wifuilo ni womi wawo kwa wasi ghwawo, na kukulindia moni uselusho ni wurumwengu.