ISAYA 1:15 - Biblia Ilagho Jiboie Kwa Wandu Wose

¹⁵ Mkaghorua mikonu yenyu kunilomba, sichaamzighana; hata mkalomba malombi mengi, sichaaghisikira anduangi; kwa kukaia mikonu yenyu eechua bagha.

ISAYA 1:15 ပူးပေါင်းရင်းမြစ်များ

1 WAZURI 8:22

Niko Solomoni ukakaia kimusi imbiri ya madhabahu gha BWANA ikwanyiko jose ja Israeli jikiwona; ukaiwusira mikonu yake cha mlungunyi

1 WAZURI 8:54

Solomoni uendameria kulomba na kumvoya BWANA, ukawuka imbiri ya madhabahu ya BWANA aho oredungieghe ngokoro na mikonu yake yawusirwa nokoighu cha mlungunyi;

EZRA 9:5

Ngelo efunya kizongona cha luma lwa kenyi, nerewukieghe andu nerekoghe ngifunga tumu, na nguwo rapo rirashukie, ngaghwa ngokoronyi, na kuighorua mikonu yapo cha kwa BWANA Mlungu wapo,

AYUBU 27:20

Uchawadwa ni wowa seji uamilwa ni machi mengi; nakio uchadukwa noko ni kiremba.

AYUBU 35:13

Loli Mlungu ndesikiragha kililo cha duu; Uo-Uwadie-Ndighi-Rose ndechitalagha.

ZABURI 134:2

Wusirenyi mikonu yenyu Hekalunyi mkilomba, mumkase BWANA.

ZABURI 55:1

Sikira ilombi japo ee Mlungu; kusakeleghatala kuvoya kwapo.

ZABURI 66:18

Ngera nedeghesha kiwiwi chingi ngolonyi, BWANA nderenisikiragha anduangi.

KUFUMA 9:29

Musa ukamzera, “Ngameria kufuma mzinyi, nichalomba ngighorua mikonu yapo cha kwa BWANA, na lukuwa luchanyama, na vua ya magho ichasia; kupate kumanya angu ndoenyi ni kwa BWANA.

MAKATANISHO 1:28

Niko mchaniwanga ini Hikima, ela sichaadika; mchanilola nandighi, ela ndemchaaniwona.

MAKATANISHO 6:17

kuzighana kwa lukaso, kughora tee, kubwagha mundu usewadie ikosa;

ISAYA 4:4

ingelo BWANA uchaaoghosha wuchafu ghwa wandu wa Sioni, na bagha idikie Jerusalemu kwa roho ya kutanya, na roho ya modo.

ISAYA 45:15

Kwa loli oho ko Mlungu wa Israeli, kukuvisagha kumoni, ee Mlungu na Mkiri wa Israeli.

ISAYA 58:4

Olenyi kufunga tumu konyu ni korashana na kulwa, na kubulana na ngonde. Kufunga konyu kwa idana ndekudimagha kubonya malombi ghenyu ghisigharike mlungunyi.

ISAYA 58:7

Nechi ni kummbaghia vindo vako uo usowie, na kumngira nyumbenyi kwako uo mkiwa usena wulalo; na iji kwammbona mundu uko duu, kumrushe nguwo, hata kuseleghe kumtesia mndungi wa kichuku chako.

ISAYA 64:7

Ndekuwadie hata umweri ujiwangiagha irina jako kwa malombi, hata ungi ukushashiragha moni kukuchea oho kwa wutesia; angu oho kwakuvisire kodu, kwadileghie na kudida kula kwa wundu ghwa mawiwi ghedu.

ISAYA 8:17

Nichammbeseria BWANA, uo wawuyakuvisa usewono ni kivalwa cha Jakobo, nani nichamsuwiria uo.

JEREMIA 11:11

Kwa huwo BWANA waghamba huwu, ‘Olenyi naawuyareda wuwiwi aighu yawo wisedimagha kughufufunuka; hata wikeduanikemia sichaawisikiria anduangi.’

JEREMIA 14:12

Hata wikafunga tumu, sichaasikira kililo chawo; hata wikafunya vizongona vekora na vizongona va viro, sichaawirumiria anduangi; ela nichawibwagha wudenyi, na kwa njala, na kwa saka izamie.”

JEREMIA 4:31

Kwa kukaia namerie kusikira kililo, sa cha muka ukumbagha lufu; luwawo sa lwa muka uvagha mwana wake wa imbiri; Ni lwaka lwa Jerusalemu, ukumbagha miruke na kukumba mikonu yake nokoighu ukighamba, “Ni bugha kwapo, naawuyadumbuka imbiri ya wabwaghi.”

EZEKIELI 11:6

Mwabwaghie wandu wengi andenyi ya ughu muzi, mkachura chia raro na gharia ra wandu.

EZEKIELI 14:3

“Mwana wa mdamu, awa wandu wangirie milimu yawo ngolonyi kwawo, nayo yaawuyawikuwisha wingie kaung'enyi. Welee wiaghesha nadima kuwisigha wiloleghe malagho kwapo?

EZEKIELI 39:23

Wandu wa iro mbari wichamanya kukaia wandu wa Israeli wededwalwa wunyika kwa wundu ghwa makosa ghawo, angu werenibonyereghe kiwiwi nandighi, nani ngasigha kuwizighana: ngawisigha wingie mikonunyi kwa wamaiza wawo, wikabwaghwa wose wudenyi.

HOSEA 5:6

Wafunya mfugho rawo vizongona wikimlola BWANA, ela ndevitesiagha. Ndewimmbonagha angu uwisighie.

MIKA 3:4

Ngelo yaawuyacha; nenyo mchamkemia BWANA ela ndechaamtumbulia. Ndechaasikira malombi ghenyu angu m'bonyere kiwiwi.

ZEKARIA 7:13

Na angu wereleghieghe kusikira iji nereghorieghe nawo, nanimoni ngalegha kusikira iji werelombieghe.

MATHAYO 23:13

“Ni bugha konyu inyo walimu wa Sharia na Mafarisayo, waji-kuwi! Angu mwaghurugha mnyango ghwa Wuzuri ghwa mlungunyi; inyo mmbeni ndemngiagha, na awo wikundagha kungia mwawighiria. [

MATHAYO 6:7

“Nenyo iji mwakalomba, msakededa madedo mengi ghiseeliagha sa wandu wisemwichi Mlungu, awo wigheshagha wichasikirwa kwa wundu ghwa madedo ghawo mengi.

JOHANE 9:31

Isi daichi angu Mlungu ndewisikiragha wakaung'a, ela uo usikirwagha ni uja umtasagha Mlungu, na kulubonya lukundo lwake.

1 TIMOTHEO 2:8

Niko nikunde angu womi wose wilombe kula andu, wikiwusira mikonu ielie, kuseko na machu angu kurashana kungi.