ISAYA 1:14 - Biblia Ilagho Jiboie Kwa Wandu Wose

¹⁴ Roho yapo yadazamilwa ni kutasa konyu kwa Ndima ra Mori Lukombe na Sabato, ranilemeria nandighi sidimagha kuriduka.

ISAYA 1:14 ပူးပေါင်းရင်းမြစ်များ

1 MALAGHO GHA NGELO 23:31

Na kula ngelo BWANA ufunyirwagha vizongona vekora ituku ja Sabato, na Ndima ya Mori Lukombe na matuku mazima gha karamu; kunughana na seji ghikundikie kari kose imbiri ya BWANA.

ISAYA 29:1

Ni bugha kwako Jerusalemu, ugho muzi Daudi orebonyereghe kambi yake. Miaka ndeiche na kuida karamu rikibonywa;

ISAYA 29:2

ela Mlungu ucharedia muzi ghwa Jerusalemu wasi; muzi ughoni ghuwangwagha “Madhabahu ya Mlungu;” kuchakaia na kililo na kukema mchungu, na muzi ghose ghuchakaia sa madhabahu yachulwa ni bagha.

ISAYA 43:24

Ndekunighue marumba na pesa rako, hata kunibonya nikato ni mavuda gha vizongona vako. Ela korenilemeshereghe kwa kaung'a rako na kunisirisha ndighi kwa mawiwi ghako.

ISAYA 61:8

BWANA waghamba, “Ini BWANA nadakunda loli, nadazamilwa ni kusoka na makosa; nani nichawilipia wandu wapo kwa hachi, na kubonya nawo ilaghano ja kala na kala.

ISAYA 66:23

Wadamu wose wichacha kutasa imbiri kwapo kula ituku ibaa ja Mori Lukombe na kula Sabato,” waghamba BWANA.

ISAYA 7:13

Isaya ukatumbulia, “Idana sikira, ee mwana wa kivalwa cha Daudi, Welee, konyu ni ilagho itini kuwisirisha wandu ndighi na hata kumsirisha Mlungu wapo ndighi wori?

HOSEA 2:11

Nichainja kuboilwa kwake kose ndima rake, ndima ra kula mori na Sabato rake, na ndima rose rake riwikilo ra dini.

HOSEA 5:7

Wasowie kukaia waloli kwa BWANA; wana wawo si wake wangi. Wose wichatoteshwa chiaimweri na isanga jawo kafwani.

AMOSI 2:13

Olenyi nichamfasha aeni muko, seji igare jifashagha ndoe ingelo jadukishirwa viro.

AMOSI 5:21

BWANA waghamba, “Nadazamilwa ni ndima renyu ra dini, sidimagha kurirumaghia.

ZEKARIA 11:8

Andenyi ya mori ghumweri, ngachumbana na walisha wadadu werezamiloghe ni ini, dikasighana.

MALAKI 2:17

Mwamsirishire BWANA na malagho ghenyu. Ela inyo mwaawuyakotia, “Damsirishire wada?” Mwamsirishire kwa kughamba, “BWANA Uwadie-Ndighi-Rose wadaghesha wabonyi kiwiwi wose waboie; kwa loli wawikunde.” Na sena kwa kukotia, “Oko hao Mlungu wa hachi?”