ISAYA 1:13 - Biblia Ilagho Jiboie Kwa Wandu Wose

¹³ Mseche kufunya vizongona va duu sena, marumba kwapo ini ni wuchafu. Kutasa kwa Ndima ra Mori Lukombe, na Sabato, na kuwanga makwanyiko. Sidimagha kurumaghia mawiwi ghenyu, na makwanyiko ghenyu ghetasa.

ISAYA 1:13 ပူးပေါင်းရင်းမြစ်များ

2 WAZURI 4:23

Mumi ukamzera, “Kwaki kughendagha kwake idime, na si ituku jingi ibaa ja Ndima ya Mori Lukombe, hata si ituku jingi ja Sabato?” Ukatumbulia, “Si ilagho jingi.”

1 MALAGHO GHA NGELO 23:31

Na kula ngelo BWANA ufunyirwagha vizongona vekora ituku ja Sabato, na Ndima ya Mori Lukombe na matuku mazima gha karamu; kunughana na seji ghikundikie kari kose imbiri ya BWANA.

ZABURI 78:40

Ni kalinga werekoghe wikimlegha kireti, na kumvavira ngolo ikarenyi!

KUFUMA 12:16

Ituku ja imbiri mchakaia na ikwanyiko ja kuela, na ituku ja mfungade wokoni mchakaia na ikwanyiko ja kuela; kazi ingi isebonyo agho matuku, ela mwadima kukuboisira vindo.

MAKATANISHO 21:27

Kizongona cha mundu mmbiwi ndechiboie; ni kuchumba saki, ukachireda na nia mbiwi!

MAKATANISHO 7:14

“Nafunya vizongona va maghemi ghapo idime; neko na nyama yaro nyumbenyi.

ISAYA 66:23

Wadamu wose wichacha kutasa imbiri kwapo kula ituku ibaa ja Mori Lukombe na kula Sabato,” waghamba BWANA.

ISAYA 66:3

“Wandu weekusaghuya chia rawo weni, na roho rawo raboilwa andenyi ya wuchafu ghwawo. Mundu ubwaghagha ng'ombe oofwanana na uo ubwaghagha mundu; na uo ufunyagha kizongona cha mwana wa ng'ondi oofwanana na uo unyigharagha koshi singo; uo ufunyagha kizongona cha viro, oofwanana na uo ufunyagha bagha ya nguwe kukaia kizongona; uo ufukiragha marumba gha vizongona va wukumbuso, oofwanana na mundu otasa milimu.

KILILO CHA JEREMIA 2:6

Wainona Hekalu yake andu derekoghe dikimtasa, waribonya ndima na sabato risekaie. Mzuri na mkohani wawona seji uko na ndighi.

EZEKIELI 20:39

“Na inyo ee wandu wa Israeli, ini Bwana MLUNGU naghamba huwu: Ngera msekunde kunisikira, kula umu onyu ndeghende kudumikia milimu yake kufuma idana, hata konyuma wori; ela irina japo ijo ndemchaajilusha sena kwa kufunyira milimu yenyu manosi.

HOSEA 2:11

Nichainja kuboilwa kwake kose ndima rake, ndima ra kula mori na Sabato rake, na ndima rose rake riwikilo ra dini.

JOELI 1:14

Ereshenyi kufunga tumu, mmbange ikwanyiko; Kwanyenyi vilongozi na wandu wose wa Juda, wiche Hekalunyi kwa BWANA Mlungu onyu, mumkemie uo.

JOELI 2:15

Kabenyi tarumbeta aighu ya Mghondi ghwa Sioni; funyenyi momu wandu wifunge tumu mmbange ikwanyiko.

WALAWI 26:31

Nichabonya mizi yenyu iwue maghacho, na kunona andu konyu kotasira; nani nichavilegha vizongona venyu.

MALAKI 1:10

BWANA Uwadie-Ndighi-Rose waghamba, “Naawuyakunda umu onyu urughe minyango ya Hekalu eri mndungi usechengia na kukora medo ya kisha-kisha aighu ya madhabahu yapo. Siwueboilwa ni inyo, na vizongona mredagha.

MITALO 10:2

“Bonya tarumbeta iwi ra feza ichanilo, kuritumieghe kwa kuwanga wandu chiaimweri na kuvuchua kambi.

MATHAYO 15:9

Kunitasa kwawo ni kwa duu angu wadafundisha memu yawo cheni, seji ni memu ya Mlungu.’”

LUKA 11:42

“Ela ni bugha konyu inyo Mafarisayo, angu mwafunya mafunyo gha malemba gha marumba mecha, na kula mbogha, ela mwaisigha hachi na lukundo lwa Mlungu. Maza iri eremfwanieghe muribonye, na iro zima wori mserisighe.

1 WAKORINTHO 11:17

Ela kwa agho mafundisho ghinughagha, simkumagha kungi; angu kukwana konyu ndekukaiagha kwa wucha, ela kwa wuwiwi.

WAEFESO 4:30

Hata msakemvavira Roho Mweli wa Mlungu, uo morekabiloghe muhuri andenyi kwake, hata ituku ja kukombolwa konyu.

WAFILIPI 1:15

Wamu loli wamchila Kristo kwa iriso na nganyi, ela wazima wamchila kwa nia iboie.