ISAYA 1:11 - Biblia Ilagho Jiboie Kwa Wandu Wose

¹¹ BWANA waghamba, “Uko kunifunyira vizongona vingi ni kilamboki kwapo? Nakojere vizongona vekora va bauru; na mavuda gha nyamandu ribandie. Siboilwagha ni bagha ra njau, angu wana wa ng'ondi na fwandi.

ISAYA 1:11 ပူးပေါင်းရင်းမြစ်များ

ZABURI 40:6

Oho ndekuna haja ya vizongona na mafunyo ghangi; ela kwaniboisire mumbi. Ndekukunde vizongona vekora hata vizongona kwa wundu ghwa kaung'a anduangi.

ZABURI 50:8

Sikukemiagha kwa wundu ghwa vizongona vako, na vizongona vako vekora kuvifunyagha imbiri kwapo tulituli.

ZABURI 51:16

Ndekuboilwagha ni vizongona, kumangu nakufunyira; ndekuboilwagha ni vizongona vekora anduangi.

MAKATANISHO 15:8

Vizongona va mmbiwi vadamzamia BWANA, ela ilombi ja mundu mucha jadam'boia.

MAKATANISHO 21:27

Kizongona cha mundu mmbiwi ndechiboie; ni kuchumba saki, ukachireda na nia mbiwi!

MAKATANISHO 21:3

BWANA wadawirumiria awa wibonyagha hachi na loli, kuchumba kufunya kizongona.

ISAYA 58:2

Sena hoku waawuyanilola kula ituku, wikikunda kurimanya chia rapo, sa wandu wa hachi, na sa wandu wiserisighie sharia ra Mlungu wawo. Wakunda kupata kutanya kwa hachi na kukunda kusoghoda kaavui na Mlungu.”

ISAYA 66:3

“Wandu weekusaghuya chia rawo weni, na roho rawo raboilwa andenyi ya wuchafu ghwawo. Mundu ubwaghagha ng'ombe oofwanana na uo ubwaghagha mundu; na uo ufunyagha kizongona cha mwana wa ng'ondi oofwanana na uo unyigharagha koshi singo; uo ufunyagha kizongona cha viro, oofwanana na uo ufunyagha bagha ya nguwe kukaia kizongona; uo ufukiragha marumba gha vizongona va wukumbuso, oofwanana na mundu otasa milimu.

JEREMIA 6:20

Ugho ubani kufuma Sheba niredelwa ghwaki? Na marumba kufuma isanga ja kula? Vizongona venyu vekora sivirumirie, hata siwueboilwa ni vizongona venyu putu.

JEREMIA 7:21

BWANA wa majeshi, uo Mlungu wa Israeli waghora huwu, “Churienyi vizongona venyu vekora aighu ya vizongona venyu, mpate kuja nyama rose.

HOSEA 6:6

Nadaboilwa ni lukundo lukatie kuchumba vizongona; nadaboilwa iji wandu wanimanya kuchumba kunifunyira vizongona vekora.

HOSEA 8:13

Wadaboilwa ni kufunya vizongona kwapo, na kuja nyama raro; ela ini BWANA siboilwagha navo anduangi. Nichakumbuka kaung'a yawo na kuwikaba, nichawiwunja Misri.

AMOSI 4:5

Funyenyi vizongona va chawucha va mkate ghwa chachu, mtangaze mafunyo ghifunywagha kwa ngolo, na kughighoragha; angu niko mkundagha inyo wandu wa Israeli!

AMOSI 5:21

BWANA waghamba, “Nadazamilwa ni ndima renyu ra dini, sidimagha kurirumaghia.

AMOSI 5:22

Hata ngera mwanifunyira vizongona venyu vekora na vizongona va viro, sichaavirumiria anduangi; sichaavirumiria vizongona venyu va nyamandu ribandie anduangi.

MIKA 6:7

Ngafunya maelfu gha bauru na mavuda mengi BWANA uboilwa? Niamfunyira mwana wapo wa imbiri kulipia kaung'a rapo anguwada?

HAGAI 2:14

Niko Hagai ukaghamba, “BWANA waghamba huwu: Ola huwo niko wandu wa mbari ihi wiko imbiri kwake. Kula kazi wibonyagha, na icho chose wichifunyagha kizongona madhabahunyi, ndechielie.”

ZEKARIA 7:5

“Zera wakohani na waisanga wose kukaia, iji werekoghe wikifunga na kulila mori ghwa kasanu na ghwa mfungade kwa miaka iyo mirongo mfungade, ndewerebonyereghe huwo kwa ishima japo kungi.

MALAKI 1:10

BWANA Uwadie-Ndighi-Rose waghamba, “Naawuyakunda umu onyu urughe minyango ya Hekalu eri mndungi usechengia na kukora medo ya kisha-kisha aighu ya madhabahu yapo. Siwueboilwa ni inyo, na vizongona mredagha.

MITALO 7:45

mwanwanjau umweri, bauru imweri, mwana wa ng'ondi wa womi wa mwaka ghumweri kwa wundu ghwa kizongona chekora,

MATHAYO 22:4

Ukaduma wadumiki wazima sena ukighamba, ‘Wizerenyi awo wandu werekaribishiroghe, Olenyi nawika vindo vapo tayari, njau na ngache ribandie rameria kubwaghwa, na kula kilambo cheko tayari; choonyi arusinyi.’

MATHAYO 9:13

Ghendenyi mkufundishe kutambua kwaro malagho agha: ‘Neekunda wughoma si kizongona kungi.’ Serechieghe kuwiwanga wandu wecha anduangi, ela wandu wa kaung'a.”

1 SAMUELI 15:22

Nao Samueli ukaghamba, “Kwani BWANA wadaboilwa ni mafunyo na vizongona vekora kuchumba seji uboilwagha ni kusikirwa? Ola kumsikira BWANA kwaboie kuchumba kizongona, na kusikira kwaboie kuchumba mavuda gha bauru.