ISAYA 1:1 - Biblia Ilagho Jiboie Kwa Wandu Wose

¹ Mawono gha Isaya mwana wa Amozi, oreghiwonieghe kwa wundu ghwa Juda na Jerusalemu; matuku gha Uzia, Jothamu, Ahazi, na Hezekia wazuri wa Juda.

ISAYA 1:1 ပူးပေါင်းရင်းမြစ်များ

2 WAZURI 15:1

Mwaka ghwa mirongo iwi na mfungade ghwa kubonya nguma kwa Jeroboamu mzuri wa Israeli, niko Uzia mwana wa Amazia mzuri wa Juda orezoeghe kubonya nguma.

2 WAZURI 15:13

Mwaka ghwa mirongo idadu na ikenda ghwa kubonya nguma kwa Uzia mzuri wa Juda, niko Shalumu mwana wa Jabeshi orezoeghe kubonya nguma. Ukabonya nguma Samaria kwa mori ghumweri.

2 WAZURI 15:32

Mwaka ghwa kawi ghwa kubonya nguma kwa Peka mwana wa Remalia, mzuri wa Israeli, niko Jothamu mwana wa Uzia mzuri wa Juda uzoe kubonya nguma.

2 WAZURI 15:7

Uzia ukafwa sa weke ndee, wikamrika ahoeni mzinyi ghwa Daudi; mwana wake Jothamu ukabonya nguma wulalo ghwake.

2 WAZURI 18:1

Mwaka ghwa kadadu ghwa kubonya nguma kwa Hoshea mwana wa Ela, mzuri wa Israeli, niko Hezekia mwana wa Ahazi mzuri wa Juda orezoeghe kubonya nguma.

2 WAZURI 19:2

Ukawiduma Eliakimu, uo orekoghe mzighaniri wa ngome ya mzuri, na Shebna uo orekoghe karani, na wakohani wa kala wighende kwa Isaya mwana wa Amozi;

2 MALAGHO GHA NGELO 26:1

Wandu wose wikammbwada Uzia orekoghe wa irika ja miaka ikumi na irandadu, wikam'bonya mzuri wulalo ghwa ndee Amazia.

2 MALAGHO GHA NGELO 26:22

Mabonyo mazima gha Uzia kufuma kuzoya hata kutua ghaandikilo ni mlodi Isaya mwana wa Amozi.

2 MALAGHO GHA NGELO 27:1

Jothamu orekoghe mundu wa irika ja miaka mirongo iwi na misanu ingelo orezoyagha kubonya nguma. Ukabonya nguma Jerusalemu miaka ikumi na irandadu. Mae orewangwagha Jerusha mwai wa Zadoku.

2 MALAGHO GHA NGELO 28:1

Ahazi orekoghe mundu wa irika ja miaka mirongo iwi iji orezoyagha kubonya nguma. Ukabonya nguma Jerusalemu miaka ikumi na irandadu. Nao nderebonyereghe mecha imbiri ya BWANA sa ndee Daudi;

2 MALAGHO GHA NGELO 29:33

Mafunyo gha vizongona viwikilo wakfu gherekoghe njau maghana arandadu, ng'ondi elfu idadu.

ZABURI 89:19

Kala, koreghorieghe na wadumiki wako wa loli kwa mawono kukaghamba: “Namteserie mndumu uko ing'oni ja wuda; namjosere mndumu nimsaghue kufuma kwa wandu.

ISAYA 13:1

Ughu ni wufunuo ugho Isaya mwana wa Amozi oreghupatireghe kufuma kwa Mlungu aighu ya Babuloni.

ISAYA 2:1

Agha nigho malagho gherewoneloghe ni Isaya mwana wa Amozi aighu ya Juda na Jerusalemu:

ISAYA 20:2

Ngelo iyo, BWANA oreghorieghe na Isaya mwana wa Amozi ukighamba, “Ghenda kuinje iyo nguwo ya igunia iko kiwonunyi kwako na vadu viko maghunyi kwako.” Isaya ukasikira, ukaghenda duu sena usena vadu maghunyi kwake.

ISAYA 21:2

Nawonie mawono gha malagho ghikurie: mundu osoka, waawuyasoka; na mtoteshi, waawuyatotesha. Inyo majeshi gha Elamu, kabenyi muzi; inyo majeshi gha Media, ghurughaienyi muzi. Mlungu uchaghumeria wasi ghose ghuredelo ni Babuloni.

ISAYA 37:2

Ukawiduma Eliakimu uo orekoghe m'baa wa nyumba ya mzuri, na Shebna uo orekoghe muandiki na wakohani wabaa wirwae nguwo ra magunia, wighende kwa Isaya mwana wa Amozi.

ISAYA 38:1

Matuku agho, Mzuri Hezekia ukawuya mkongo kaavui na kufwa. Mlodi Isaya mwana wa Amozi ukacha na kumzera, “BWANA waghamba, kuboise maza ra nyumbenyi kwako, kwa kukaia ndekuchaaboa kungi, ela kuchafwa.”

ISAYA 40:9

Wuka ee Jerusalemu, kujoke mghondinyi mlacha, kuchile malagho mecha. Wusira lwaka lwako kuchile malagho mecha ee Jerusalemu; wusira lwaka kuchile kuseko na wowa; izerenyi mizi ya Juda, “Wonenyi MLUNGU onyu.”

ISAYA 6:1

Mwaka ghuja Mzuri Uzia orefueghe, neremmbonieghe BWANA uko kidombo aighu ya kifumbi chake cha nguma chiwusirilo ighu, na irwao jake jerechueghe Hekalunyi.

ISAYA 7:1

Ngelo ya Mzuri Ahazi, mwana wa Jothamu, wawae Uzia, mzuri wa Juda, Resini mzuri wa Siria na Peka mwana wa Remalia, mzuri wa Israeli, werechieghe Jerusalemu kubonya wuda, ela ndeweredimieghe kughuwada ugho muzi anduangi.

JEREMIA 23:16

BWANA wa majeshi waghora huwu, “Msesikire malagho gha walodi wimloderagha wikimneka isuwirio ja tee; waawuyaghora malagho gha akili rawo reni, ndeghifumie momunyi kwapo anduangi.

EZEKIELI 1:1

Ituku ja kasanu ja mori ghwa kana, mwaka ghwa mirongo idadu, iji nerekoghe Moda ghwa Kebari, aghadi ya wandu wa Israeli weredwaloghe wunyika, mlungunyi korerughuloghe, ngawona mawono gha Mlungu.

HOSEA 1:1

Iji nijo ilagho ja BWANA oremnekieghe Hosea mwana wa Beeri ngelo Uzia, na Jothamu, na Ahazi, na Hezekia, werekoghe wazuri wa Juda; na wokoni iji Jeroboamu mwana wa Joashi orekoghe mzuri wa Israeli.

AMOSI 1:1

Agha ni malagho gha Amosi, uo orekoghe umu wa walisha wa Tekoa. Miaka iwi imbiri ya msughusiko ghwa ndoe, Mlungu oremfunukueghe Amosi maza aighu ya Israeli iji Uzia orekoghe mzuri wa Juda, na Jeroboamu mwana wa Joashi orekoghe mzuri wa Israeli.

AMOSI 4:5

Funyenyi vizongona va chawucha va mkate ghwa chachu, mtangaze mafunyo ghifunywagha kwa ngolo, na kughighoragha; angu niko mkundagha inyo wandu wa Israeli!

MIKA 1:1

Ngelo Jothamu, na Ahazi, na Hezekia werekoghe wazuri wa Juda, BWANA oreghorieghe na Mika, mundu wa muzi ghwa Moreshethi. BWANA ukamfunukuya malagho agha aighu ya Samaria na Jerusalemu.

NAHUMU 1:1

Agha ni mawono aighu ya Nineve ghiwonelo ni Nahumu ufumie Elkoshi.

HABAKUKI 2:2

BWANA ukanitumbulia, “Andika iri maza nikuwonyeragha worinyi aighu ya vishawalata va magho, eri uo ushomagha udime kughishoma kwa shwa-shwa.

MITALO 12:6

Nao BWANA ukaghamba, “Sikirenyi malagho ghapo; Ikakaia oko mlodi ungi aghadi konyu, ini BWANA nadakumanyisha kwake kwa chia ya mawono, nadadedanya nao kwa ndodo.

MITALO 24:16

madedo gha mundu usikiragha malagho gha Mlungu, na kumanya maza ra Uo-Uko-Aighu-Nandighi; uo uwonagha mawono gha Uo-Uwadie-Ndighi-Rose ghikisea worinyi:

MITALO 24:4

madedo ghake uo uwonagha malagho gha Mlungu, uo uwonagha mawono gha Uo-Uwadie-Ndighi-Rose, ghikisea worinyi:

MATHAYO 17:9

Nao iji werekoghe wikisea kufuma mghondinyi, Jesu ukawilaghira, “Msakemghoria mndungi maza ra mawono agha hata Mwana wa Mdamu wameria kuruka kufuma kwa wafu.”

MABONYO GHA WADUMI 10:17

Nao iji Petro orekoghe ukishinika, na kukunda kumanya kutambua kwaro mawono agho, waja wandu weredumiloghe ni Kornelio nyuma ya kukotia nyumba ya Simoni, wikakaia kimusi mbengenyi

MABONYO GHA WADUMI 26:19

“Kwa wundu ugho ee Mzuri Agripa, sereleghieghe kughisikira agho mawono gha mlungunyi anduangi;

2 WAKORINTHO 12:1

Suti nikukase, hata ngera ndejiredagha fwaida ingi; ela nichaja malagho gha mawono na mafunuo gha Bwana.

2 PETRO 1:21

angu na jingi wulodi ghungi ndeghorechieghe kwa ndighi ya mdamu anduangi, ela wandu wereghorieghe malagho ghifumie kwa Mlungu, wikinyavurishwa ni Roho Mweli.