HOSEA 9:7 - Biblia Ilagho Jiboie Kwa Wandu Wose

⁷ Ngelo ekabwa yameria kuvika, agho matuku gha wandu kulipwa agho ghiwifwanagha. Matuku agho ghikacha, Israeli ichaghimanya. Inyo mwaawuyaghamba, “Uhu mlodi ni mkelu; umundu uchulo ni Roho ooka na isu.” Inyo mwaawuyazamilwa ni ini angu kaung'a renyu riko nyingi.

HOSEA 9:7 ပူးပေါင်းရင်းမြစ်များ

2 WAZURI 9:11

Jehu uendawuya kwa wambao, wikamkotia, “Agho malagho ghaboie? Umundu wa isu wachabonyaki kwako?” Ukawizera, “Inyo mwamwichi mundu waro, na malagho ghake wori mwaghiichi putu.”

ISAYA 10:3

Da mchabonya wada ngelo BWANA uchaamkaba? M'bonya wada ngelo uchaamredia mawiwi kufuma kula? Mumkimbiria ani umneke wutesia, na ni hao mchaasigha mali renyu?

ISAYA 26:11

Mkonu ghwako ghwawusirwa ighu ghukabe ee BWANA, ela ndewighuwonagha. Ndewiwone kufunga ndighi kwako kwa wundu ghwa wandu wako, wipate kufwa waya. Modo ghuwikilo kwa wundu ghwa wamaiza wako, ndeghuwimerie.

ISAYA 34:8

Kwa kukaia BWANA wawikie ituku na mwaka gholipia kisasi, kwa wundu ghwa wandu wake wikaiagha Jerusalemu.

ISAYA 44:25

Ni ini nifunukuagha tee ra walaghui, na kuwimenya awo walodi wa tee; ni ini niwighaluagha awo wiwadie hikima, na kubonya kumanya kwawo kuwue duu.

JEREMIA 10:15

Nderiwadie fwaida ingi, ni kazi ra tee; ngelo yawo etanywa, richatoteshwa.

JEREMIA 11:23

Ndekuwadie hata ungi wawo uchaasigharika, kwa kukaia nichareda wuwiwi aighu ya Anathothi, nagho ni mwaka ghwawo ghokabwa.”

JEREMIA 16:18

Nani nichalipia mawiwi ghawo na kaung'a rawo mando awi, kwa kukaia wamerie kujinona isanga na gharia ra milimu yawo izamie, na kuchura ifwa ja isanga japo wuchafu.”

JEREMIA 23:13

Nawonie ilagho jizamie na ndighi, kwa walodi wa Samaria; walodere kwa irina ja Baali, na kuwilaghasha wandu wapo Israeli.

JEREMIA 25:14

Mbari nyingi na wazuri wabaa wichawibonya Wababuloni wikaie wazumba wawo, nani nichawilipa karakara na kazi ra mikonu yawo.”

JEREMIA 29:26

BWANA wakubonyere kukaie mkohani wulalo ghwa mkohani Jehoiada, kupate kukaie mzighaniri wa Hekalu ya BWANA, na kumfunga kula mundu wa isu, uo ukubonyagha moni kukaia mlodi kwa kilingo na izango ja chuma singonyi kwake.

JEREMIA 46:21

Hata na masikari ghake ghekodeshwa ghiko aghadi kwake gheeka sa ngache ribandie, ee, waghalukie, wikakimbia; ndewidimie kumanga, kwa kukaia wavikilwa ni ituku jawo ja wasi, ni ngelo ya kukabwa kwawo.

JEREMIA 6:14

Waawuyatima kuboisa chonda cha wandu wapo ighu ighu tu; wikighamba, ‘Sere, sere,’ sena sere ingi iseko.

JEREMIA 8:11

Weerighita chonda cha wandu wapo ighu ighu, wikighamba, ‘Sere, sere,’ ingelo sere ingi iseko.

KILILO CHA JEREMIA 2:14

Walodi wako weeduakughoria tee; machilo ghawo gheeduakukalia kwa kuleghafunukua kaung'a yako. Wikakubonya kugheshe wei ndekune haja ehea.

EZEKIELI 13:10

Kwa kukaia wawilaghashire wandu wapo wikighamba, ‘Sere,’ sena sere iseko; na wandu wikaagha wurigha kisha-kisha, awo walodi wadaghushinga chokaa.

EZEKIELI 13:3

Bwana MLUNGU waghamba huwu, Ni bugha kwa awo walodi wikelie, winughagha mawoni gha roho rawo reni wisewonie kindo chingi!

EZEKIELI 25:17

Nichalipia ngenga mbaa aighu kwawo na kuwineka adhabu kwa machu mabaa; niko wichaamanya kukaia Ini ne BWANA ngelo nakalipia ngenga aighu kwawo.”

EZEKIELI 38:23

Nani nichawonyera wubaa ghwapo na wueli ghwapo, na kukumanyisha ini moni imbiri ya iro mbari nyingi ra wandu. Niko wichamanya kukaia ini ne BWANA.”

EZEKIELI 9:10

Ela ini sichaalekia, hata sichaafuya wughoma, ela nichawilipa karakara na mabonyo ghawo.”

HOSEA 14:1

Ee wandu wa Israeli, wuyenyi kwa BWANA Mlungu onyu, kwa kukaia mookuwishwa ni makosa ghenyu gheni.

HOSEA 5:9

Ituku jekabwa jaawuyacha, na Israeli uchatoteshwa. Inyo wandu wa Israeli, loli agho malagho ghichacha!

HOSEA 8:13

Wadaboilwa ni kufunya vizongona kwapo, na kuja nyama raro; ela ini BWANA siboilwagha navo anduangi. Nichakumbuka kaung'a yawo na kuwikaba, nichawiwunja Misri.

HOSEA 9:8

Mlungu ooniduma nikaie mlodi owionya wandu wake Israeli. Elaima kula andu nawuyaghenda mwawuyanideghia midegho sa nyonyi. Wandu waawuyanibonya m'maiza andenyi ya Hekalu icheni ya Mlungu.

AMOSI 8:2

Nao ukaghamba, “Kwawuyawona kii Amosi?” Nani ngatumbulia, “Naawuyawona kikapu cha matunda ghiwurue.” Niko BWANA ukanizera, “Kutua kwa wandu wapo Israeli kwameria kuvika; sichaawilekia sena anduangi.

MIKA 2:11

“Wandu awa weekunda mlodi umaraa-mara na tee na mikalo ukiwizera, ‘Inyo mchulwa ni divei na chofi.’

MIKA 7:4

Mundu uboie uko mloli kuchumba wose, kwawo wadamenywa na kuwoneka sa isaka. Ituku jekabwa ni Mlungu jameria kuvika; kwa kukaia wawionyere kwa kutumia walindiri wake, awo walodi. Idana walaghalwa ni akili.

ZEFANIA 3:4

Walodi wake ni wa tee, wandu wisena wuloli; wakohani wake wadalusha vilambo va wueli, na kughalusa sharia ra Mlungu kwa fwaida rawo.

MARKO 3:21

Iji wakwawo Jesu wasikira malagho agho, wikafuma kwenda kummbwadia wikighamba, “Wawukwa ni isu.”

LUKA 21:22

Angu agho ghichakaia ni ‘Matuku Ghekabwa,’ kukatisha agho ghose ghiandikilo.

2 WAKORINTHO 5:13

Angu ikakaia deeghalukwa ni akili redu, ni kwa wundu ghwa Mlungu; na ikakaia diko na akili redu nicha, ni kwa wundu ghwa fwaida enyu.

WUFUNUO 16:19

Ugho muzi m'baa ghukawaghanyika mafungu adadu, na mizi ya iro mbari ikanonwa; Mlungu ukaghukumbuka ugho muzi m'baa Babuloni, upate kughubonya ghuangamire icho kikombe cha divei ya machu gha kubia kwake.