HOSEA 9:3 - Biblia Ilagho Jiboie Kwa Wandu Wose

³ Wandu wa Israeli ndewichaakaia isangenyi ja BWANA, ela wichawuya cha Misri na kuja vindo viseelie aho Ashuru.

HOSEA 9:3 ပူးပေါင်းရင်းမြစ်များ

1 WAZURI 9:7

niko nichawiinja wandu wapo Israeli isangenyi ijo nerewinekieghe, na iyo Hekalu nereiwikieghe wakfu kwa wundu ghonitasira nichaiinja niseiwoneghe. Wandu wa Israeli wichamenyeka na kuwuya wesekwa ni wandu wose.

2 WAZURI 17:6

Mwaka ghwa ikenda ghwa Hoshea, niko mzuri wa Ashuru uwadie muzi ghwa Samaria, ukadwa Waisraeli wunyika hata Ashuru na kuwiwika muzi ghwa Hala, kaavui na Moda ghwa Habori, isanga ja Gozani hata na andenyi ya mizi ya Wamedi.

JEREMIA 16:18

Nani nichalipia mawiwi ghawo na kaung'a rawo mando awi, kwa kukaia wamerie kujinona isanga na gharia ra milimu yawo izamie, na kuchura ifwa ja isanga japo wuchafu.”

JEREMIA 2:7

Nerewiredieghe andenyi ya isanga jinorie, wipate kuja matunda na manori gharo. Ela wiendacha werejinonieghe isanga japo, wikajibonya ifwa japo kukaia wuchafu.

KILILO CHA JEREMIA 5:6

Dakufunyire kwa Wamisri na wandu Waashuru, eri dipate vindo vidikate.

EZEKIELI 4:13

Nao BWANA ukaghamba, “Wandu wa Israeli wichaja mkate ghwawo ghuseelie huwo, aghadi ya wandu wa iro mbari nichaawighenja.”

DANIELI 1:8

Ela Danieli ukaririkanya na kudumbua malagho ghake moni kukaia, ndechaakulusha na ivo vindo va mzuri vinorie, na divei iyo erenyughwagha ni mzuri; niko ukamlomba uja m'baa wa wanjama umleke na ivo vindo.

HOSEA 11:11

Wichacha shwa-shwa sa nyonyi kufuma Misri, wichacha sa mbughi kufuma Ashuru, nani nichawireda mizinyi kwawo, ini BWANA naghamba.”

HOSEA 11:5

“Na angu wileghie kuwuya cha kwapo, wichawuya cha isanga ja Misri, na Ashuru uchawuya mzuri wawo.

HOSEA 7:11

Israeli ooka sa mbughi isena akili; wandu wake wiammbanga Misri uchewitesia, sena ii chia wiakimbiria cha Ashuru.

HOSEA 7:16

Wanisighie na kuighalukia milungu isewadie ndighi; wakaia sa ndana ikomekie isedimagha kusuwirilwa. Wabaa wawo wichabwaghwa wudenyi angu wikukasire, na Wamisri wichawiseka.”

HOSEA 8:13

Wadaboilwa ni kufunya vizongona kwapo, na kuja nyama raro; ela ini BWANA siboilwagha navo anduangi. Nichakumbuka kaung'a yawo na kuwikaba, nichawiwunja Misri.

HOSEA 9:6

Iji wasi ghwacha na wandu kusasarika, Misri ichawikwanya wipate kurikilwa Memfisi. Vilambo vawo va zoghori va feza na andu kose mizi yawo erekoghe, ichabukwa ni masaka na minjwa.

WALAWI 18:28

Msebonye sa awo wandu, isanga jichemlegha, seji jerewileghieghe awo wandu wa mbari erekoghe imbiri konyu.

WALAWI 20:22

“Kwa huwo, mchaiwadia memu yapo na kunugha malaghiro gha sharia rapo, eri ijo isanga nawuyamghenja kujikaia jisakemlegha.

WALAWI 25:23

“Kuseuze mbuwa yako putu, kwa kukaia si yako ingi ela ni ya Mlungu, na oho ko mghenyi na mundu oida unekelo wulalo ghoitumia.

AMOSI 7:17

Kwa wundu ugho BWANA wakuzera oho Amazia, ‘Mkako uchawuya ilaya andenyi ya muzi, wana wako wa womi na wa waka wichabwaghwa wudenyi. Isanga jako jichapimwa kwa kamba na kuwaghilwa wandu wazima. Oho kumoni kuchafwa andenyi ya isanga ja wusezinyi; na loli wandu wa Israeli wichadwalwa wunyika kufuma iji isanga.’”

MIKA 2:10

Wukenyi mghende; ndemmbwadie wubanana ghungi aha sena. Kaung'a renyu rabonyere andu aha kunoneke.

MABONYO GHA WADUMI 10:14

Ela Petro ukaghamba, “Ii hata Bwana, jingi sijie kindo chingi cha wuchafu angu chiseelie anduangi.”

WUKUMBUSO 28:63

Na sa iji koni erem'boieghe BWANA kum'bonyera mecha na kum'bonya mchurikie, huwo koni icham'boia kumnona na kumtotesha; nenyo mchainjwa isangenyi ijo mwawuyangia kujiwusa.

WUKUMBUSO 28:68

BWANA uchammbunja Misri na meli, icho charo nereghambieghe kukaia jingi ndemchaachibonya sena; na aho mchakuuza mmbeni kwa wamaiza mkaie wazumba wa womi na wa waka, ela mndungi ndechaamghua anduangi.”

WUKUMBUSO 4:26

Nawanga mlungunyi na ndoenyi rishuhudie aighu yenyu idime, kukaia mchatota putu shwa wori andenyi ya ijo isanga kwawuyaruwuka Jordani kujiwada; ndemchaadua luma andenyi yaro, ela mchatoteshwa shwa wori.

JOSHUA 23:15

Na sa iji koni BWANA Mlungu oremnekieghe maza rose ndicha karakara na ilaghiro jake, ni huwokoni uchamredia mawiwi ghose hata wameria kumtotesha mmbose na kumfunya kwa iji isanga jiboie BWANA Mlungu onyu oremnekieghe;