HOSEA 8:9 - Biblia Ilagho Jiboie Kwa Wandu Wose

⁹ Wandu wa Israeli waghendie cha Ashuru, sa punda wa isakenyi umaraa-mara uekeri, wakuwikie wandu wa mbari zima welipwa wipate kuwilindia.

HOSEA 8:9 ပူးပေါင်းရင်းမြစ်များ

2 WAZURI 15:19

Niko Pulu mzuri wa Ashuru ukajikaba isanga ja Israeli, na Menahemu ukamneka Pulu talanto elfu imweri ra feza eri umtesie kumangisha wuzuri ghwake.

ISAYA 30:2

Wandu wifumagha kughenda cha Misri wiselolie njama kwapo. Wakusaghika na wulindiri ghwa mzuri, na kubonya Misri ikaie kiju chawo.

ISAYA 30:6

Agha ni malagho gha Mlungu aighu ya nyamandu ra Negebu. “Wandu widumilo waidia isanga ja ndengwa andu kuko na shimba ra waka na ra womi, na choka riko na wusungu, na iro riburukagha. Waduka mali rawo na punda, na misigo yawo ya zoghori kwa ngamila, kuwighenjera wandu wisedimagha kuwitesia na ilagho jingi.

JEREMIA 2:24

Punda wa isakenyi ulisire kukaia kireti, usodagha ngelo wakaia na bea, nani udimagha kuitangala bea yake; punda wa womi ukamkunda ndesumbukagha, ngelo rose uo punda ooka tayari.

HOSEA 12:1

“Kula ilagho jawuyabonywa ni wandu wa Israeli kufuma luma lwa nakesho hata nakenyi ni ja duu jenona. Wachuria kukaia wa mikalo na mabonyo ghetumia ndighi, wabonya mapatano na kubonya biashara na Misri.”

HOSEA 12:2

BWANA oko na mashitakio aighu ya wandu wa Juda, nao uchawikaba wandu wa Israeli kunughana na chia rawo, na kuwilipa kara kara na mabonyo ghawo.

HOSEA 2:10

Idana nichafunukua wuchafu ghwake imbiri ya wakundwa wake, hata ungi ndechaapatika omvuvua kufuma mikonunyi kwapo.

HOSEA 5:13

“Nao iji Israeli wawona seji uko mkongo, na Juda kuwona seji washoghonaka, Israeli ukaghenda cha Ashuru kulomba wutesia kwa m'baa wa isanga, ela ndereboisireghe hata kuhoa kushoghonoka kwake.

HOSEA 7:11

Israeli ooka sa mbughi isena akili; wandu wake wiammbanga Misri uchewitesia, sena ii chia wiakimbiria cha Ashuru.