HOSEA 8:7 - Biblia Ilagho Jiboie Kwa Wandu Wose

⁷ Wikawa mbeo, wichakuwida kiremba; mbuwa isewurushagha viro ndeinekagha vindo na hata vikava, vichajighwa ni waghenyi.

HOSEA 8:7 ပူးပေါင်းရင်းမြစ်များ

KUZOYA 41:23

na vanga vizima mfungade vizamie, visuse sena vinonelo ni mbeo ya mashariki, vikajoka nyuma yaro.

2 WAZURI 15:19

Niko Pulu mzuri wa Ashuru ukajikaba isanga ja Israeli, na Menahemu ukamneka Pulu talanto elfu imweri ra feza eri umtesie kumangisha wuzuri ghwake.

2 WAZURI 15:29

Matuku gha Peka mzuri wa Israeli, Tiglathi-pileseri mzuri wa Ashuru, ukacha na kuikaba mizi ya Ijoni, Abel-beth-maaka, Janoa, Kedeshi, Hazori, Gileadi, na Galilaya, isanga jose ja Naftali; ukadwa wandu wunyika hata Ashuru.

AYUBU 4:8

Ini seji niwonie, awandu wilimagha wuwiwi, na kuwa wasi, wadakuwida agho gheni.

MAKATANISHO 22:8

Mundu ukawa kusowa hachi, uchakuwida wasi, na kukoronga wambenyu kuchasia.

MCHILI 5:16

Ughu nagho ni wuwiwi ghuchumbie: mundu uche duu nao uwuye duu! Da wapata fwaidaki kwa agho ubonyere? Ni sa kuwingisa mbeo.

ISAYA 17:11

hata mkaibonya izoghuo ijo ituku jeni muiwae, na kufunya mboi nakesho yaro, ndemchaapata makuwido ghangi; mchakaia wandu wa wasi, na luwawo lusesiagha.

ISAYA 55:2

Kwaki mtumiagha pesa renyu kwa kilambo chiseko vindo; na kudumika kwa icho chiseghudishagha? Nisikirenyi nicha mpate kuja mecha, na kuboilwa andenyi ya agho manori.

ISAYA 66:15

BWANA uchacha na modo, na magare ghiendagha na iseghe sa mbeo upate kuwonyera worinyi machu ghake ghibirie na kukania kwake sa lumu lwa modo.

JEREMIA 12:13

Wandu wawae ngano wikakuwida minjwa, wabonyere kazi mbaa, ela ndewipatire kindo chingi. Wichafushwa waya ni mavalo ghawo matini.”

KILILO CHA JEREMIA 5:2

Mali redu ranekelo waghenyi; waghenyi waawuyakaia andenyi ya nyumba redu.

HOSEA 2:9

Kwa huwo, ngelo ya makuwido nichamuima viro, na ngelo ya zabibu nichamuima divei nichamsoka nguwo ra sufu na kitani, iro rerefinikireghe wuduu ghwake.

HOSEA 7:9

Ndewiwuemanya wei uko kusuwiria kwa wandu niko kwawisoka ndighi rawo; waghosia na ndighi, ela ndewiwuemanya.

HOSEA 9:16

Wandu wa Israeli weeka sa mudi ghuomie miri, ndewichaava matunda ghangi. Hata wikava, nichawibwagha wana wawo wiwikunde.”

NAHUMU 1:3

BWANA ndekaiagha wa shwa-shwa kubonya machu, ela wawadie kudima. Ndemsighagha mkosi usemkabie; wadasela andenyi ya kikulughulu na kiremba; mawingu ni teri yawusirwa ni maghu ghake.

HAGAI 1:6

Mwawae viro vingi, mkaakuwida vitini. Mwawuyaja, ela ndemuwuyeghuda; mwawuyanywa, ela ndemuwuekatwa; mwawuyarwa, ela ndemuwuepatwa ni mruke; na m'bonyi kazi ndewuekatwa ni pesa.

WAGALATIA 6:7

Msekalikie, Mlungu ndesekwagha; angu icho chose mundu uchiwagha, nicho cheni uchaachikuwida wori.

WAGALATIA 6:8

Mundu ukawa kwa bea ra mumbi ghwake, kufuma kwa mumbi uchakuwida kuwoa; ela uo uwagha kwa Roho, kufuma kwa Roho uchakuwida irangi ja kala na kala.

WUKUMBUSO 28:33

Mbari kuseiichi, ichaja vindo kuvilimie kwa wasi, na oho kuchadua kukikorongwa na kubonywa kiwiwi;