HOSEA 8:4 - Biblia Ilagho Jiboie Kwa Wandu Wose

⁴ “Wandu wapo weekusaghuya wazuri wawo weni; wawikie wabaa nisewirumirie. Wakutoteshere weni kwa kuwusa feza na dhahabu rawo wikabonya milimu.

HOSEA 8:4 ပူးပေါင်းရင်းမြစ်များ

1 WAZURI 12:28

Nyuma ya kujipima, ukachana ngache iwi ra dhahabu. Ukawizera wandu, “Mduajokali Jerusalemu; milungu yenyu hei ee wandu wa Israeli, iyo eremjosereghe kufuma isanga ja Misri.”

1 WAZURI 13:34

Ilagho ijo jikawuya kaung'a emnona Jeroboamu na kivalwa chake, hata chikatoteshwa chisewoneke ndoenyi.

1 WAZURI 16:31

Nderekatoghe ni uko kunugha kaung'a ra Jeroboamu mwana wa Nebati; ukachuria, ukamlowua Jezebeli mwai wa Mzuri Ethbaali wa Sidoni; ukatasa Baali.

JEREMIA 16:20

Kwani mdamu wadima kukubonyera moni milungu? Iyo si milungu ingi.”

EZEKIELI 18:31

Sighenyi makosa ghenyu ghose m'bonyere aighu yapo, mmbuse ngolo mbishi na roho mbishi. Kwaki mfwagha ee wandu wa Israeli?

DANIELI 3:1

Mzuri Nebukadnezari ukabonya fwana ya dhahabu. Wulacha ghwaro meta mirongo iwi na mfungade, na wushapa ghwaro kaavui na meta idadu. Ukaiwika wurindinyi ghwa Dura andenyi ya isanga ja Babuloni.

HOSEA 13:1

Iji kichuku cha wandu wa Israeli cherededagha kala, wandu wazima wa vichuku vizima va Israeli wedeeka wikisughusika; Israeli odeeka ukiwoneka wa ighu andenyi ya Israeli; ela wandu wake wiendabonya kaung'a kwa kutasa Baali, wikafwa.

HOSEA 13:11

Namnekie wazuri kwa machu ghapo, na kwa lubio ngawiinja noko.

HOSEA 13:2

Na idana waawuyachuria kubonya kaung'a kwa kukubonyera weni milimu ichanilo wiitase; milimu iyo ibonyero kwa feza; kazi ibonyero kwa wuya ghwa mdamu. Nawo waghamba, “Funyenyi vizongona kwa ihi milimu.” Ikaia wada wandu wisusugha mlimu ghwa njau!

HOSEA 2:8

Nao nderemanyireghe wei ni ini nerekoghe ngimneka viro, na divei, na mavuda nderemanyireghe wei ni ini neremnekagha feza na dhahabu iro wereritumiagha kumtasa Baali.

HOSEA 8:3

wamerie kulegha mecha. Niko wawuyawingwa ni wamaiza wawo.

MATHAYO 25:12

Ela ukawitumbulia, ‘Namghoria loli simwichi inyo anduangi.’

LUKA 13:25

Iji mundu wa nyumba wawuka na kughurugha mnyango, inyo mchakaia kimusi shighadi na kukongoda mnyango mkighamba, ‘Bwana dirughuye.’ Nao uchamtumbulia, ‘Simmanyire andu mfumagha anduangi.’

LUKA 13:27

Ela uo uchamtumbulia, ‘Namzera simwichi andu mfumagha anduangi, fumenyi kwapo inyo wabonyi wuwiwi!’

JOHANE 10:14

Ini nuo Mlisha mucha. Iro rapo nariichi, naro wori raniichi ini,

WAGALATIA 4:9

ela idana, mwachemmanya Mlungu; angu nighambe, Mlungu wammanyire inyo. Mwadima wada kuwuya nyuma, na kuriwuria sena rija roho ra wurumwengu ughu ra wukiwa risewadie ndighi; na kukunda kuwuya wazumba wawo kawi?