HOSEA 8:1 - Biblia Ilagho Jiboie Kwa Wandu Wose

¹ BWANA waghamba, “Kabenyi tarumbeta! Wamaiza waawuyangia isangenyi japo sa indu! Wandu wapo wajichikanyire ilaghano nibonyere nawo, na kughilegha mafundisho ghapo.

HOSEA 8:1 ပူးပေါင်းရင်းမြစ်များ

2 WAZURI 18:27

Uja m'baa wa majeshi ukawizera, “Kwani bwana wapo odeniduma nighore agha malagho kwa bwana wako na konyu? Nechi odeniduma nighore na awo wandu wiko wurighenyi wapatwa ni malagho gheja mavi ghawo na kunywa maghocho ghawo.”

ISAYA 18:3

Inyo wandu wose mkaiagha wurumwengunyi, inyo mmbose mkaiagha ndoenyi; bendera ikawusirwa mghondinyi mzighane, na tarumbeta ikakabwa msikire.

ISAYA 24:5

Ndoenyi kwanoneka kwa wundu ghwa wandu wake, kwa kukaia warinona sharia na kulegha memu yake; nawo wajichikanya ijo ilaghano ja kala na kala.

ISAYA 58:1

BWANA waghamba, “Ghora kwa lwaka lubaa, kusakeleka; wusira lwaka lwako sa tarumbeta, kuwighorie wandu wapo ikosa jawo, na kivalwa cha Israeli kuchighorie kaung'a rawo.

JEREMIA 31:32

Ilaghano ijo ndejichaakaia sa iji nerejibonyereghe na weke ndee iji nerewifunyireghe isanga ja Misri ngiwidwa na mkonu; ilaghano japo ijo werejichikanyireghe, hata ngera nerekoghe kwawo sa mumi wawo.

JEREMIA 34:18

Na awo wandu wijikosere ilaghano japo kwa kulemwa ni kuwadia seji werejibonyereghe imbiri kwapo, nichawibonya wifwanane na ija ngache wereidumbueghe ghadi na ghadi na kuidia aghadi yaro;

JEREMIA 4:13

Wonenyi! M'maiza waawuyacha sa mawingu. Magare ghake ghaawuyacha sa kikulughulu, na farasi rake raangue kuchumba indu. Ni bugha kodu, kwa kukaia dameria kusia!

JEREMIA 4:5

Ereshenyi malagho andenyi ya Juda na Jerusalemu mkeme, “Kabenyi tarumbeta isangenyi, Kemenyi kwa lwaka mghambe, ‘Kwanyikenyi dighende cha mizinyi ya ngome.’

JEREMIA 48:40

BWANA waghamba huwu: “Olenyi mbari ichacha shwa iangue sa indu, ikighorua mawawa ghake aighu ya Moabu;

JEREMIA 49:22

Olenyi mbari imu ichajoka shwa iangue sa indu, na kughorua mawawa ghake aighu ya Bozra, ipate kuikaba; na ngolo ra mang'oni gha Edomu ituku ijo, richatika-tika sa muka ukumbagha lufu kwa kuva.”

JEREMIA 51:27

“Josenyi kiweto ndoenyi, kabenyi tarumbeta aghadi ya mbari ra wandu, wikenyi iro mbari nicha, ripate kulwa na Babuloni; wangenyi mawuzuri gha Ararati, na Mini, na Ashkenazi wichelwa nao; mmbike m'baa olongoza wuda gholwa nao, mrede farasi nyingi sa izungu ja zighe.

JEREMIA 6:1

Kimbirienyi wusalama inyo wandu wa Benjamini! Fumenyi Jerusalemu! Kabenyi tarumbeta aho Tekoa, wonyerenyi alama aho Beth-Hakeremu, kwa kukaia wuwiwi ghwa kunoneka m'baa nandighi ghwaawuyacha kufuma kaskazinyi.

EZEKIELI 11:4

Kwa wundu ugho ee mwana wa mdamu, kufunye wulodi aighu yawo.”

EZEKIELI 16:59

Bwana MLUNGU waghamba huwu, “Nichakubonyera maza sa iji koni korebonyereghe, angu kwajimenyere ighemi na kujichikanya ilaghano;

EZEKIELI 17:3

kuwizere, Bwana MLUNGU waghamba huwu, Indu mbaa iko na mawawa mabaa ghiwadie ndighi iko na chuya ndacha na mafuri mengi gha rangi nyingi erechieghe Lebanoni. Ikawada longe lwa mudi ghwa sida,

EZEKIELI 7:14

Wakaba tarumbeta, na kuwika wandu wose nicha kwa wuda; ela ndekuwadie mndungi wawuyaghenda wudenyi, angu machu ghapo ghakaia aighu yawo wose.

HOSEA 4:6

Wandu wapo waawuyatoteshwa kwa kulegha kunimanya. Inyo wakohani mwasowie kunimanya, na mafundisho ghapo wori mwaghileghie. Kwa huwo nichamlegha; na wana wenyu wori nichawilegha wisekaie wakohani wapo.

HOSEA 5:8

Kabenyi tarumbeta ya wuda aho Gibea! Kabenyi ndereri aho Rama! Kemenyi ngemi ya wuda aho Beth-aveni! Ngienyi wudenyi inyo wandu wa Benjamini.

HOSEA 6:7

“Ela werejinonieghe ilaghano japo sa Adamu, ndewerekoghe waloli kwapo anduangi.

HOSEA 9:15

BWANA waghamba, “Wuwiwi ghwawo ghose ghoozoia Gilgali; aho niko werezoeghe kunizamia. Nichawifunya isangenyi japo, kwa wundu ghwa wuwiwi ghwa mabonyo ghawo. Sichaawikunda sena, kwa kukaia wabaa wawo wanileghie.

JOELI 2:1

Kabenyi tarumbeta; kabenyi nguli Sioni, ugho mghondi ghwa wueli ghwa Mlungu. Wandu wa Juda ndewisughusike, kwa kukaia ituku ja BWANA jeko kaavui kucha.

JOELI 2:15

Kabenyi tarumbeta aighu ya Mghondi ghwa Sioni; funyenyi momu wandu wifunge tumu mmbange ikwanyiko.

AMOSI 3:6

Tarumbeta yadima kukabwa mzinyi nao wandu wilemo ni kuobua? Welee wuwiwi ghwadima kungia mzinyi ghuselaghirilo ni BWANA?

AMOSI 8:3

Ituku jija chumbo ra ngomenyi richawuya kililo; gharia ra wandu richakaia nyingi, naro richadeghwa cha shighadi kima kula andu.”

AMOSI 9:1

Neremmbonieghe BWANA wakaia kimusi mbai na mbai ya madhabahu ukighamba, “Kaba koighu nguronyi ra Hekalu hata vizingiti visughusikie; kuvichikanye-chikanye aighu ya chongo cha kula mundu; mndungi ukasigharika, nicham'bwagha wudenyi. Ndekuwadie ungi uchaakimbia angu kufufunuka.

HABAKUKI 1:8

“Farasi rawo raangue kuchumba inge; rabirie kuchumba vikwau vasinda njala. Wajoki farasi wawo wacha wikirama-rama wikukasire wafuma kula; waghenda na iseghe sa indu rikunde kufondia madiwo ghawo.

ZEFANIA 1:16

ituku ja tarumbeta ya wuda na ngemi ya wuda aighu ya iro ngome ra mizi, na aighu ya minara m'baa.

ZEKARIA 11:1

Rughua minyango yako ee Lebanoni, modo ghukore misida yako!

ZEKARIA 9:14

Niko BWANA uchafutuka aighu ya wandu wake, na kukumba mawanu ghake sa luhehia; BWANA Mlungu uchakaba tarumbeta, na kughenda andenyi ya kikulughulu cha kusinyi.

MATHAYO 24:28

Angu andu koni gharia iko, niko koni nderi rikwanyikiagha.

1 WAKORINTHO 15:52

iji tarumbeta ya kutua yakabwa, dichaghaluswa diwose shwa wori sa kukunya kwa iriso. Angu tarumbeta ichakabwa, na wafu wicharukishwa wandu wisewoagha, nesi dichaghaluswa.

WUKUMBUSO 28:49

BWANA uchareda mbari kufuma kula ichelwa nakumoni; ni mbari iangue sa indu iburukagha, idedagha kiteto kusechimanyagha.