HOSEA 7:4 - Biblia Ilagho Jiboie Kwa Wandu Wose

⁴ Wose ni wakalii wisewadie wuloli ghungi. Kuzamilwa kwawo kooka sa modo ghuko irikonyi ghusesindikirwagha ni muochi mikate, hata mufu waghukanda ghwameria kungirwa chachu.

HOSEA 7:4 ပူးပေါင်းရင်းမြစ်များ

JEREMIA 23:10

Isanga jeechulwa ni wandu wisowie wuloli na BWANA; kwa wundu ghwa iyo njowe, isanga jaawuyalila, na malisho gha kireti gheeoma. Mighendo yawo ni ya wuwiwi, na wudimi ghwawo si ghwa hachi anduangi.

JEREMIA 9:1

Kumangu chongo chapo chadawuya kisima cha machi, na meso ghapo kuwuya ndoria ra mbori; nipate kulila na dime na nakio kwa wundu ghwa kubwaghwa kwa wandu wapo.

JEREMIA 9:2

Na wei nadapata andu kungi kolala kireti, andu kolala kwa wandu widambagha, kumangu nawisigha wandu wapo nipate kughenda na kukaia kula nawo. Kwa kukaia wose ni walaki, izungu ja wandu wa mikalo.

HOSEA 4:10

Mchaja ifungu jenyu ja vizongona, ela ndemchaaghuda. Mchalala na waka wengi, ela ndemchaakaia na wana, kwa kukaia mwaghulukie mkanilegha ini BWANA, mkanugha milungu mizima.”

HOSEA 4:12

Waawuyalomba kipande cha mudi chiwineke mafunuo! Mzata ghwawighoria malagho wikunde kughimanya! Wanisighie ini Mlungu wawo, wikanugha milungu mizima seji muka usighagha mumi na kuwuya malaya.

HOSEA 4:2

Waawuyabonya malaghiro na kughichikanya; waawuyaghora tee, kubwaghwa, na kuiwa, na kulaka. Wachua kuchikanya sharia, na kuchuria kubwagha.

1 WAKORINTHO 5:6

Kukukasa konyu ndekuboie. Wele ndemmanyire chachu ndini yadawurusha idonge jose ja mufu?

JAKOBO 4:4

Inyo walaki! Wele ndemmanyire kubonya wughenyi na wurumwengu ni wumaiza kwa Mlungu? Kwa huwu uhu ukundagha kukaia mghenyi wa wurumwengu wakubonya moni kukaia m'maiza wa Mlungu.