HOSEA 7:14 - Biblia Ilagho Jiboie Kwa Wandu Wose

¹⁴ Ndewiwuenilomba kwa loli putu, ela waawuyakukumba andonyi sa wandu wisemuichi Mlungu. Wikakalomba viro na divei wiabonya sa wandu wa iro mbari. Ni wandu winileghie putu!

HOSEA 7:14 ပူးပေါင်းရင်းမြစ်များ

KUFUMA 32:6

Wikawuka kokesho kio na kufunya nyamandu rikaie vizongona vekora, na vindo kwa vizongona va mapatano. Wandu wikasea kidombo kuja na kunywa, wikawuka kusarigha.

ISAYA 29:13

BWANA ukaghamba, “Kwa kukaia wandu awa wacha kunitasa kwa momu ghoni ingelo ngolo rawo riko kula na ini, kunitasa kwawo kwanughana na mizango na mawiko gha wadamu,

ISAYA 52:5

Idana nibonyaki aha, ikakaia wandu wapo wadwalwa wunyika cha Babuloni duu? Awo widuewibonyera nguma waawuyalila, na matuku ghose irina japo jaawuyasholelwa.

ISAYA 65:14

Wadumiki wapo wichabora wikiboilwa ngolonyi, ela inyo mchakema mkiwawa ngolonyi; nenyo mchalila mkikaia na luwawo lubaa rohonyi.

JEREMIA 12:2

Oho kwadawiwa nawo wadadunga miri; wazoghua na kuva matunda; wadakughora nicha, ela ngolo rawo weko kula na oho.

JEREMIA 3:10

Aighu ya agho ghose, uja Juda wa kwawo useko mloli nderewurieghe kwapo kwa ngolo yake yose, ela odeeka ukibonya mikalo tu, waghamba BWANA.”

KILILO CHA JEREMIA 2:18

Ee Jerusalemu, mawurigha gheni ghako ndeghimkemie BWANA, mbori rako nderidike kio na dime sa meda; kukudarumishe kwa kulila na wasi.

HOSEA 13:16

Suti Samaria ikabo kwa wundu ghonilegha. Wandu wake wichafwa wudenyi; wana wawo wichabarilwa ndonyi, na waka wawo wiko na vifu wicharashulwa.”

HOSEA 13:6

Ela iji morejieghe mkaghuda andenyi ya isanga ja ilaghiro, morekujosereghe ngolonyi konyu mkaniliwa.

HOSEA 13:9

“Nichamnona ee wandu wa Israeli! Nani udikagha kumtesia?

HOSEA 3:1

BWANA ukanizera, “Ghenda sena kuwonyera lukundo kwa uo muka wawuyabonya wulaki na mkundwa wake. Suti kumkunde sa iji koni ini niwikunde wandu wa Israeli, hata ngera waghalukie na kuitasa milungu mizima, na kukunda kufunya mikate ya zabibu riomie rikaie vizongona kwa milimu.”

HOSEA 8:2

Hata ngera waniwanga ini Mlungu wawo, na kughamba wei awo ni wandu wapo winiichi,

AMOSI 2:8

Wadalalia nguwo riwikilo wufunga ghwa sile rawo mbai na mbai ya kula madhahabu, na kunywa divei ya wandu wilipishiro faini andenyi ya Hekalu ya Mlungu wawo.

AMOSI 8:3

Ituku jija chumbo ra ngomenyi richawuya kililo; gharia ra wandu richakaia nyingi, naro richadeghwa cha shighadi kima kula andu.”

MIKA 2:11

“Wandu awa weekunda mlodi umaraa-mara na tee na mikalo ukiwizera, ‘Inyo mchulwa ni divei na chofi.’

ZEKARIA 7:5

“Zera wakohani na waisanga wose kukaia, iji werekoghe wikifunga na kulila mori ghwa kasanu na ghwa mfungade kwa miaka iyo mirongo mfungade, ndewerebonyereghe huwo kwa ishima japo kungi.

WAROMA 16:18

Angu wandu sa awo ndewimdumikiagha Bwana odu Jesu Kristo, ela wadadumikia vifu vawo veni; na kwa malagho ghidendere ghesesea-sesea, wawikalia wandu wisemanyagha.

WAFILIPI 3:19

Kutua kwawo ni kutota, mlungu ghwawo ni vifu vawo, wakukasa kwa maza iwifwane wiriwonie waya, nawo wiaghesha maza ra ndoenyi.

JAKOBO 4:3

Mwalomba ela ndempatagha, angu mwaawuyalomba kisha, mpate kuvitumia kwa bea renyu.

JAKOBO 5:1

Idana inyo wazuri wa mali, lilenyi na kukema mchungu kwa wundu ghwa bugha rimcheagha.

WATANYI 9:27

Wikafuma na kughenda cha mbuwenyi, wikawaya zabibu kufuma kwa mbuwa rawo ra mizabibu, wikarikama na kubonya karamu. Wikangia hekalunyi ya mlungu ghwawo, wikaja na kunywa na kumseka Abimeleki.