HOSEA 7:13 - Biblia Ilagho Jiboie Kwa Wandu Wose

¹³ “Ni bugha kwawo! Wanileghie na kunisigha. Wichatoteshwa. Kumangu nawikombua ela waawuyanitasa icho kisha.

HOSEA 7:13 ပူးပေါင်းရင်းမြစ်များ

NEHEMIA 1:10

“Awa ni wadumiki wako BWANA korewivuvueghe kwa ndighi na kudima kwako kubaa.

AYUBU 22:17

Ni wandu weremleghieghe Mlungu, wikarumiria kukaia ndedimagha kuwibonya ilagho jingi.

ZABURI 106:10

Ukawikira na awo werewizamiagha; ukawivuvua kufuma kwa wamaiza wawo.

ISAYA 30:1

BWANA waghamba, “Ni bugha kwa awo wana winileghagha, awo wikatishagha mipango iseko yapo; wibonyagha mapatano ghisefumanyagha na kukunda kwapo, wikichuria kaung'a aighu ya kaung'a.

ISAYA 30:2

Wandu wifumagha kughenda cha Misri wiselolie njama kwapo. Wakusaghika na wulindiri ghwa mzuri, na kubonya Misri ikaie kiju chawo.

ISAYA 31:1

Ni bugha kwa awo wiseagha cha Misri kulola wutesia, na kukusaghika na farasi na magare ghawo gha wuda wei angu ghiko mengi, na wajoki farasi wei angu wiko na ndighi; nawo ndewikusaghikagha na Mlungu, Mweli wa Israeli, hata kulola wutesia kwa BWANA anduangi.

ISAYA 41:14

Bwana waghamba, “Msakeobua inyo wana wa Jakobo msewadie ndighi, ee, inyo wandu wa Israeli. Nichamtesia, Mkomboli onyu ni Mlungu Mweli wa Israeli.

ISAYA 43:1

Ela idana BWANA uo oremuumbieghe waghora huwu ee wana wa Jakobo, uo orekubonyereghe waghamba huwu ee Israeli, “Kusakeobua, kwa kukaia nakukombue; nakuwangie kwa irina jako, oho ko wapo.

ISAYA 59:13

Dakukosere na kukukana ee BWANA, daghalukie na mbai dikalemwa ni kukunugha oho Mlungu odu. Dadedie wuwiwi dikakulegha, dikiririkanya mawiwi na kudeda malagho gha tee kufuma ngolonyi kodu.

ISAYA 63:8

Mlungu oreghambieghe, “Kwa loli awa ni wandu wapo, wana wisedimagha kughora tee;” nao ukawuya Mkiri wawo.

JEREMIA 14:10

BWANA waghora huwu aighu ya awa wandu: “Wadakunda tu kumara-mara, hata ndewikumaziriagha weni; kwa huwo BWANA ndewirumirie, nao uchaghikumbuka mawiwi ghawo na kuwikaba kwa wundu ghwa kaung'a rawo.”

JEREMIA 42:20

kukaia, mwakulaghashire nenyo mchakubwagha mmbeni. Morenidumieghe kwa BWANA Mlungu onyu, mkighamba, ‘Dilombie kwa BWANA Mlungu odu, na ijo jose kuchaazerwa ni BWANA Mlungu odu, nijo jeni dichaabonya.’

JEREMIA 51:9

Waghenyi wiko aho wikaghamba, ‘Kumangu daghuboisire muzi ghwa Babuloni, ela ghoolema kuboisika. Ghusighenyi noko dighende kula mundu cha isangenyi jake; kwa kukaia kutanywa kwake kwavikie mlungunyi, nako kwawusirilo hata mawingunyi.’”

JEREMIA 7:15

Nani nichamkumba noko kula nani, sa iji nerewikumbieghe wamzenyu noko, awo wandu wa Israeli.”

KILILO CHA JEREMIA 5:16

Vilambo vose derekukasagha navo vasirie. Ni bugha kodu angu dibonyere kaung'a.

EZEKIELI 16:23

“Ni bugha, ni bugha kwako, kukatishire ugho wuwiwi ghwako ghose! Ini Bwana MLUNGU naghamba.

EZEKIELI 18:2

“Iji ikatanisho kwawuyajitumia aighu ya isanga ja Israeli, kutambua kwaro niki, ja kughaba ‘Wavi wajie zabibu mbishi, na wana wikawadwa ni changarari?’

EZEKIELI 18:25

“Elaima sena mwaawuyaghamba ‘BWANA ndewuebonya hachi kungi.’ Sikirenyi idana inyo wandu wa Israeli, Loli siwuebonya hachi? Welee, si inyo mmbeni msewuebonya hachi anguwada?

EZEKIELI 34:6

Ng'ondi rapo reresaghisikieghe, rikamara-mara aighu ya mighondi yose, na kula mghondi mlacha; ng'ondi rapo reresaghisikieghe ndoenyi kose, hata ndekuwadie mndungi orerilolieghe anduangi.

HOSEA 11:12

BWANA waghamba, “Wandu wa Israeli wanimara chia rose kwa mikalo na tee, na wandu wa Juda waduagha wikinilegha ini, mloli na Mlungu mweli.

HOSEA 11:2

Seji koni nerekoghe ngimmbanga, niko orechurieghe kughenda kula nani. Wandu wapo wikam'bwaghia Baali vizongona, na kuifukiria milimu marumba.

HOSEA 5:7

Wasowie kukaia waloli kwa BWANA; wana wawo si wake wangi. Wose wichatoteshwa chiaimweri na isanga jawo kafwani.

HOSEA 7:1

“Ingelo nawuyakunda kuwiboisa wandu wapo Israeli, niko kaung'a rawo rifunukukagha na mabonyo ghawo kuwoneka. Waawuyakaliana weni na weni; waawuyabara nyumba na kuiwa, na kusoka wandu vilambo chienyi.

HOSEA 7:3

BWANA waghamba, “Wandu wadamkalia mzuri na wabaa wake kwa kutumia njama rawo mbiwi.

HOSEA 9:12

Hata ngera walela wana, nichawiinja ungi usekaie moyo. Ngawisigha awa wandu, wichachelwa ni maza rizamie.”

HOSEA 9:17

Mlungu wapo nimdumikiagha uchawiinja noko, kwa kukaia waleghie kumsikira, nawo wichakaa wikimara-mara aghadi ya iro mbari.

JONA 1:10

Jona ukachuria kuwighoria kukaia odeeka ukimkimbia BWANA. Wadumiki wa melinyi wikaobua nandighi wikamzera, “Ni ilaghoki iji kwabonya?”

JONA 1:3

Ela Jona ukawuka ukimbie cha Tarshishi BWANA usemmbone. Ukasea Jopa ukakua meli aho ighendagha cha Tarshishi, ukalipa tikiti, ukangia ughendanye na wandu wa Tarshishi, upate kukaia kula na BWANA.

MIKA 6:12

Wazuri wako wa mali waawuyasoka wakiwa na inyo mmbose mooka watee.

MIKA 6:4

Ini namredie kufuma isanga ja Misri; namkombue kufuma wuzumbenyi. Namdumie Musa, Haruni, na Miriamu umlongoze.

MATHAYO 23:37

“Ee Jerusalemu, Jerusalemu, kubwaghagha walodi na kuwilasa na magho awo widumwagha kwako. Ni kalinga neretimieghe kuwikwanya wana wako, seji nguku ivikwanyagha vana vake aisi ya mawawa ghake, ela kukalegha.

WUKUMBUSO 15:15

Kumbukenyi angu nenyo wori morekoghe wazumba isanga ja Misri, na BWANA Mlungu onyu ukamkombua; niko nawuyakulaghira huwo idime.

1 JOHANE 1:10

Dikaghamba angu ndedibonyere kaung'a ingi, diam'bonya Mlungu kukaia mtee; na ilagho jake ndejiko andenyi kodu anduangi.

WUFUNUO 8:13

Niko ngazighana, nani ngasikira indu ikikema na lwaka lubaa ngelo erekoghe ikiburuka koighu mbeonyi, “Ni bugha! Ni bugha! Ni bugha kwa awo wandu wikaiagha ndoenyi, ingelo weke malaika wamu wadadu wakakaba tarumbeta rawo!”