HOSEA 7:11 - Biblia Ilagho Jiboie Kwa Wandu Wose

¹¹ Israeli ooka sa mbughi isena akili; wandu wake wiammbanga Misri uchewitesia, sena ii chia wiakimbiria cha Ashuru.

HOSEA 7:11 ပူးပေါင်းရင်းမြစ်များ

2 WAZURI 15:19

Niko Pulu mzuri wa Ashuru ukajikaba isanga ja Israeli, na Menahemu ukamneka Pulu talanto elfu imweri ra feza eri umtesie kumangisha wuzuri ghwake.

2 WAZURI 16:7

Niko Ahazia ukaduma wadumi kwa Tiglathi-pileseri mzuri wa Ashuru ukighamba, “Ini ne mdumiki na mwana wako; joka kunitesie nifume mikonunyi kwa mzuri wa Siria na mzuri wa Israeli wawuyalwa nani.”

MAKATANISHO 15:32

Uo usetalagha mafundisho, wadakumenya moni; ela uo usikiragha mawonyero, uchapata kutambukilwa.

MAKATANISHO 17:16

Eko fwaidaki mkelu kukaia na pesa reghua kishomo, ikakaia usene haja ekufundisha?

MAKATANISHO 6:32

Mundu ubonyagha wulaki ndena akili putu; uo ubonyagha huwo wadakunona moni.

JEREMIA 2:18

Idana kupata fwaidaki kwa wundu ghwa kughenda Misri, na kuaendanywa machi gha Moda gha Naili? Angu kupata fwaidaki kwa wundu ghwa kughenda Ashuru, kuendanywa machi gha Moda ghwa Eufrate?

JEREMIA 2:36

Kwaghalue chia rako mando mengi! Kuchafushwa waya ni Wamisri, sa iji koni korefushiroghe waya ni Waashuru.

HOSEA 11:11

Wichacha shwa-shwa sa nyonyi kufuma Misri, wichacha sa mbughi kufuma Ashuru, nani nichawireda mizinyi kwawo, ini BWANA naghamba.”

HOSEA 12:1

“Kula ilagho jawuyabonywa ni wandu wa Israeli kufuma luma lwa nakesho hata nakenyi ni ja duu jenona. Wachuria kukaia wa mikalo na mabonyo ghetumia ndighi, wabonya mapatano na kubonya biashara na Misri.”

HOSEA 12:2

BWANA oko na mashitakio aighu ya wandu wa Juda, nao uchawikaba wandu wa Israeli kunughana na chia rawo, na kuwilipa kara kara na mabonyo ghawo.

HOSEA 14:3

Ashuru ndechaadikira, hata farasi ra wuda nderichaaditesia. Ndediwuyaaghora sena kwa milimu, iyo kazi ya mikonu yedu, wei ni milungu yedu. Ee BWANA, kuwiwonie wughoma awo wisewadie weke ndee.”

HOSEA 4:11

BWANA waghamba, “Divei ikaiagha ya kala angu mbishi yaawuyanona akili ra wandu wapo.

HOSEA 4:6

Wandu wapo waawuyatoteshwa kwa kulegha kunimanya. Inyo wakohani mwasowie kunimanya, na mafundisho ghapo wori mwaghileghie. Kwa huwo nichamlegha; na wana wenyu wori nichawilegha wisekaie wakohani wapo.

HOSEA 5:13

“Nao iji Israeli wawona seji uko mkongo, na Juda kuwona seji washoghonaka, Israeli ukaghenda cha Ashuru kulomba wutesia kwa m'baa wa isanga, ela ndereboisireghe hata kuhoa kushoghonoka kwake.

HOSEA 5:4

Mawiwi wighibonyere ghawighirie wisewuye kwa Mlungu wawo. Wutasi milimu ghwawimaziria hata ndewidimagha kumrumiria BWANA anduangi.

HOSEA 8:13

Wadaboilwa ni kufunya vizongona kwapo, na kuja nyama raro; ela ini BWANA siboilwagha navo anduangi. Nichakumbuka kaung'a yawo na kuwikaba, nichawiwunja Misri.

HOSEA 9:3

Wandu wa Israeli ndewichaakaia isangenyi ja BWANA, ela wichawuya cha Misri na kuja vindo viseelie aho Ashuru.

HOSEA 9:6

Iji wasi ghwacha na wandu kusasarika, Misri ichawikwanya wipate kurikilwa Memfisi. Vilambo vawo va zoghori va feza na andu kose mizi yawo erekoghe, ichabukwa ni masaka na minjwa.

OBADIA 1:7

Waghenyi wako weekukalia; wakuwingie kufuma isangenyi jako. Wandu werekoghe na sere na oho, wakusima. Waghenyi wako morejanyagha wakudeghia shaghala; waghora aighu yako, ‘Ugho wuing'oni orekoghe nagho ghuao?’

MATHAYO 10:16

“Idana ini niamduma sa ng'ondi aghadi ya vikwau, mkaie na akili sa choka, na wa mboa sa mbughi.