HOSEA 6:5 - Biblia Ilagho Jiboie Kwa Wandu Wose

⁵ Iyo niyo sababu nidumie walodi konyu na ilagho jetanya na kutotesha. Agho nighikundagha gheko worinyi konyu.

HOSEA 6:5 ပူးပေါင်းရင်းမြစ်များ

KUZOYA 18:25

Ai! BWANA wapo kusebonye ilagho iji jebwagha wahachi chiaimweri na wawiwi, hata mhachi usakefwananishwa na mmbiwi; ilagho ijo jisebonyeke kwako. Welee, ndeifwane Mtanyi wa wurumwengu ghose kubonya agho ghiko gha hachi anguwada?”

1 WAZURI 14:6

Ela iji Ahija wasikira tiri rake ukicha mnyangonyi ukaghamba, “Karibu mka-Jeroboamu, kwaki kukughalusagha kukaia muka mzima? Neko na malagho ghizamie ghekughoria.

1 WAZURI 17:1

Mlodi uwangwaghwa Elija wa isanga ja Tishbi jiko Gileadi ukamzera Ahabu, “Kwa irina ja BWANA Mlungu wa Israeli ukaiagha moyo, uo Mlungu nimdumikiagha, vua ndeichaanya ndoenyi hata mami ghangi kuwoneka isaakaia kwa ilagho nichaajighora.”

1 WAZURI 18:17

Nao iji Ahabu wammbona Elija ukaghamba, “Wele ni oho kumoni, msumbui Israeli?”

1 WAZURI 19:17

Mundu uchaafufunuka usebwaghilo ni Hazaeli, uchabwaghwa ni Jehu; na uo uchaafufunuka usebwaghilo ni Jehu, uchabwaghwa ni Elisha.

2 WAZURI 1:16

ukamzera, “BWANA waghamba huwu, ‘Kwa kukaia kwadumie wandu kukotia malagho kwa Baalzebubu, ugho mlungu ghwa Ekroni, sa kwamba Mlungu ndeko Israeli, kwa wundu ugho, ndekuchaaboa, ela kwa loli kuchafwa.’”

2 MALAGHO GHA NGELO 21:12

Niko mlodi Elija ukamdumia Jehoramu barua ighambagha, “BWANA, uo Mlungu wa ndeyo Daudi waghamba, ‘Oho kwaleghie kunugha mfwano ghwa ndeyo Jehoshafati, hata mfwano ghwa wawayo Asa mzuri wa Juda.

AYUBU 15:30

Ndechaafufunuka kufuma kirenyi; uchakaia sa mudi mbashu raro riomerelo ni modo, na miruke ifumagha momunyi kwa Mlungu ichamuinja noko.

AYUBU 34:10

“Kwa huwo nisikirienyi inyo wandu mtambukilwagha. Ndeidimikagha putu Mlungu kubonya mawiwi; Uo-Uwadie-Ndighi-Rose ndedimagha kubonya makosa.

ZABURI 119:120

Naawuyakuobua; niaobua matanyo ghako.

ZABURI 37:6

Uchaibonya hachi yako iwoneke sa mwengere, na loli yako ichawoneka sa mwengere ghwa dime ghadi.

ISAYA 11:4

ela uchawitanya wakiwa kwa hachi, na kudumbua malagho gha wanyonge wa ndoenyi kara kara; uchaikaba ndoe kwa miruke ya momu ghwake, na kuwibwagha wawiwi kwa miruke ya memu yake.

ISAYA 58:1

BWANA waghamba, “Ghora kwa lwaka lubaa, kusakeleka; wusira lwaka lwako sa tarumbeta, kuwighorie wandu wapo ikosa jawo, na kivalwa cha Israeli kuchighorie kaung'a rawo.

JEREMIA 1:10

Wona, idime nakuneka nguma aighu ya mbari ra wandu na aighu ya mawuzuri, kukuo na kuchikanya; kunone na kukumba noko, kuaghe na kuwa.”

JEREMIA 1:18

Ola idime nakubonya oho kukaie sa muzi ghuwadie ngome; sa nguro ya chuma na sa wurigha ghwa shaba. Isanga jose jichakutangala, na wazuri wa Juda, na wabaa wake, na wakohani wake, na wandu wose wa iji isanga.

JEREMIA 13:13

Niko aho kuchawizera, “BWANA waghamba, olenyi nichawiwongera wandu wose wikaiagha iji isanga. Wazuri wiseriagha kifumbi cha nguma cha Daudi, na wakohani, na walodi, na wandu wose wikaiagha Jerusalemu.

JEREMIA 23:29

Welee, ilagho japo ndejeeka sa modo, ndejeeka sa nyondo ibaraa-bara igho?

JEREMIA 5:14

Kwa wundu ugho, BWANA, uo Mlungu wa majeshi waghamba huwu, “Kwa kukaia wakuzera agha malagho oho Jeremia, ola nichabonya ilagho japo momunyi kwako jikaie sa modo, na wandu awa wichakaia sa mbande, na modo ghuchawimeria.

EZEKIELI 11:4

Kwa wundu ugho ee mwana wa mdamu, kufunye wulodi aighu yawo.”

EZEKIELI 3:9

nichakubonya kukaie sa igho jikurie nandighi, kusakewiobua hata kusakewifwa waya, angu awo ni wandu welegha.”

EZEKIELI 32:18

“Mwana wa mdamu, lilia wandu wengi wa Misri. Kuwisere wandu waro, na wandu wa mbari wikumikie, noko ndonyi cha wurumwengu ghwa wafu, chiaimweri na wandu awo wiseagha cha kinenyi.

EZEKIELI 43:3

Agho mawono nereghiwonieghe gherekoghe sa ghaja nereghiwonieghe ingelo Mlungu orechagha kughunona muzi ghwa Jerusalemu, na sa ghaja nereghiwonieghe modenyi ghwa Kebari; niko ngaghwa kiwushu-wushu.

ZEFANIA 3:5

Ela BWANA ni mhachi andenyi ya ugho muzi, ndebonyagha makosa; wadawonyera hachi yake kwa wandu wake nakesho hata nakenyi. Ela wandu wiseko na hachi wadachuria kubonya makosa hata ndewifwagha waya anduangi.

MABONYO GHA WADUMI 7:31

Musa ukashinika kwa kuwona ilagho ijo; nao iji wasughuda kaavui uzighane, ukasikira lwaka lwa Bwana,

WAROMA 2:5

Ela kwa kukulwa ni ngolo kwako, kusene wundu ghohea, kwaawuyakuwikia kumoni machu Ituku ja Kutanywa; iji kutanya kwa hachi kwa Mlungu kuchaafunukulwa.

WAEFESO 6:17

Sena wusenyi kukia sa kofia ya chuma, na Ilagho ja Mlungu sa lufu lwa Roho.

WAEBRANIA 4:12

Angu ilagho ja Mlungu jeko moyo, sena jawadie ndighi, sena jakalie kuchumba lufu lukalie chia rose; najo jadunga na kuvikia irangi na roho, hata kuvikia mawungo na wusuchi; jikitambua maghesho na maririkanyo gha ngolo.

WUFUNUO 1:16

Orekoghe wawadia nyerinyeri mfungade kwa mkonu ghwake ghwa kiwomi, momunyi kwake lorefumieghe lufu lukalie chia rose, na wushu ghwake ghorekoghe ghuking'ala-ng'ala sa iruwa jakala na ndighi.

WUFUNUO 2:16

Idana kuhee. Si huwo, nichacha kulwa nawo kwa lufu lwa momunyi kwapo.

WUFUNUO 9:15

Aho niko awo weke malaika wikafungulwa, awo werewikiloghe tayari kwa wundu ghwa iyo ngelo ya ijo ituku ja ugho mori na ugho mwaka; wipate kubwagha ifungu ja kadadu ja wadamu.

WUFUNUO 9:21

Hata ndewereherieghe na kusigha kubwagha kwawo, wusawi ghwawo, kulaka kwawo, angu wutoi ghwawo anduangi.

1 SAMUELI 13:13

Nao Samueli ukamzera Sauli, “Kwabonya wukelu kwa kuleghawadia momu ghwa BWANA Mlungu wako seji orekulaghirieghe; huwu kumangu BWANA wamangisha wuzuri ghwako aighu ya Israeli kwa kala na kala.

1 SAMUELI 15:22

Nao Samueli ukaghamba, “Kwani BWANA wadaboilwa ni mafunyo na vizongona vekora kuchumba seji uboilwagha ni kusikirwa? Ola kumsikira BWANA kwaboie kuchumba kizongona, na kusikira kwaboie kuchumba mavuda gha bauru.

1 SAMUELI 15:32

Nao Samueli ukaghamba, “Niredienyi Agagi, uo mzuri wa Waamaleki aha.” Agagi uko usirilo ukaghamba, “Kifwa chabirie!”

1 SAMUELI 15:33

Samueli ukaghamba, “Sa iji koni lufu lwako loreshekerieghe waka wengi kusowekelwa ni wana wawo, huwo koni mayo uchakusowa aghadi ya waka wambao.” Nao Samueli ukamdema Agagi vipande-vipande madhabahunyi imbiri ya BWANA aho Gilgali.