HOSEA 6:3 - Biblia Ilagho Jiboie Kwa Wandu Wose

³ Ndedilole kummanya BWANA. Kwa loli uchadichea sa kuela kwa ndoe, na seji vua ya kimu inyagha ndoenyi.”

HOSEA 6:3 ပူးပေါင်းရင်းမြစ်များ

2 SAMUELI 23:4

uchawing'alia sa mwengere ghwa luma lwa na kesho, sa iruwa jing'alaa-ng'ala ngelo ndoe yakombwa nakesho; na kubusa nyasi mbishi nyuma ya kunyelwa ni vua.”

AYUBU 29:23

Werekoghe wikiniweseria sa vua, wikakaia sa ndoe iweseriagha ingelo ni vua ya imbiri.

ZABURI 19:4

Ela sena malagho gharo ghaera ndoenyi kose, hata kutua kwa wurumwengu. Andenyi yaro, Mlungu wajiwikie iruwa;

ZABURI 19:6

Jabuka iichia cha kutuonyi kwa mawingunyi, na kuida hata kutuonyi kwaro. Kilambo chingi ndechikuvisagha chisepato ni mruke ghwaro anduangi.

ZABURI 63:8

Nawadana na oho kukanimaziria.

ZABURI 65:9

Kwadaizighana ndoe na kuinyeshera vua, kukiiwurusha nandighi; kwaichura meda machi, na huwo niko kubonyere, na kuwipatira wandu viro.

ZABURI 72:6

Kumneke kukaia sa vua inyagha anyasinyi ridumbulo, na sa mshushure ghuinyosheragha ndoe.

MAKATANISHO 4:18

Ela chia ya wahachi ni sa mwengere ghwa ndoe kuela; ghuchuriagha kung'ala-ng'ala hata dime ivike.

ISAYA 2:3

Wandu wengi wichacha wikighamba, “Nndokonyi dighende mghondinyi ghwa BWANA, Hekalunyi kwa Mlungu wa Jakobo; upate kudifundisha seji ifwane dibonye, nesi dipate kubonya. Kwa kukaia sharia ichafuma Sioni, na ilagho ja BWANA jichafuma Jerusalemu.”

ISAYA 32:15

Maza richakaia huwo hata Mlungu udie Roho wake aighu kodu, na kireti chiwuye mbuwa inorie na kubusa vindo vingi sa msidu.

ISAYA 44:3

“Nichafunya machi kwa isanga jiomie, na meda ya machi kwa ndoe iomie. Nichadia Roho wapo aighu ya kivalwa chako, na wana wako nichawidiria marasimio ghapo.

ISAYA 5:6

Nichaisigha inoneke putu, mizabibu ndeichaaboiswa hata kulimilwa; nayo ichabukwa ni isaka na minjwa. Nichalaghira mawingu ghisenyeshe vua ingi aighu yake sena.”

ISAYA 54:13

Nichawifundisha wana wako wose, nawo wichawona nicha na sere.

JEREMIA 24:7

Nichawineka ngolo emanya kukaia ini ne BWANA, nawo wichawuya wandu wapo, nani nichakaia Mlungu wawo, kwa kukaia wichaniwuria kwa ngolo rawo rose.

EZEKIELI 36:25

Nani nichamnyinyiria machi ghielie aighu konyu, nenyo mchaela kufuma kwa wuchafu ghonyu, na wutasi milimu ghonyu ghose.

HOSEA 10:12

Ngaghamba, ‘Limenyi mbuwa mbishi kwa wundu ghonyu mmbeni, muwe hachi, mkuwide lukundo lukatie kufuma kwapo. Ni ngelo ya kunighalukia ini, BWANA onyu, nani nichacha na kumdiria marasimio.’

HOSEA 14:5

Nichakaia kwa wandu wa Israeli, sa vua kwa ndoe iomie wichaghoka sa maua; wichadunga miri sa midi ya Lebanoni.

HOSEA 14:6

Mbashu rawo richazoghua riboie sa mzeituni marumba gharo ghichanuka nicha sa gha misida ya Lebanoni.

HOSEA 2:20

Nichamangisha ilaghiro japo na kukubonya kukaie wapo; na oho kuchanirumiria kukaia BWANA.

MIKA 4:2

Mbari ra wandu wengi wichacha na kughora, “Nndokonyi dijoke aighu ya mghondi ghwa BWANA, Hekalunyi kwa Mlungu wa Israeli. Uchadifundisha agho ukunde dighibonye; nesi dichaghenda na chia uisaghue. Kwa kukaia sharia ichafuma Sioni, na ilagho ja BWANA jichafuma Jerusalemu.”

MIKA 5:2

BWANA waghamba, “Bethlehemu Efrata, koko mtini putu aghadi ya mizi yose ya Juda; ela nichawusira m'bonyi nguma kufuma kwako, nao uchakaia m'bonyi nguma wa Israeli ufumagha kwa kichuku icheni cha kala.”

MIKA 5:7

Masighariko gha Waisraeli wichakaia sa mami gharedwa ni BWANA kwa wundu ghwa mbari nyingi, sa mshushure aighu ya miwalwa. Nawo wichamsuwiria Mlungu uekeri.

ZEKARIA 10:1

Mlombenyi BWANA vua ngelo ya kimu cha mwaka. BWANA nuo uredagha iwingu ja vua na mshushure; nuo ubonyagha mbuwa rikaie na miwalwa ideghedekie kwa kula mundu.

MALAKI 4:2

Ela konyu inyo munisikiragha, ndighi ra kukia kwapo richam'bukia sa iruwa, nenyo mchaboiswa. Mchaghenda mkirama-rama sa ngache rafuma wazenyi.

MATHAYO 13:11

Jesu ukawitumbulia, “Inyo mwanekelo kurimanya ngasu ra wuzuri ghwa mlungunyi, ela awo ndewinekelo anduangi.

LUKA 1:78

kwa chia ya wughoma mungi ghwa Mlungu odu, ngelo mwengere ghuchaadichea kufuma aighu,

JOHANE 17:3

Najo irangi ja kala na kala nijo iji: wikumanye oho Mlungu wa loli kuekeri, na Jesu Kristo uo koremdumieghe.

JOHANE 7:17

Mndungi ukakunda kubonya agho ughikundagha Mlungu, uchamanya ngera agho mafundisho nifundishagha gheefuma kwa Mlungu angu ngera ni gha nguma rapo reni.

MABONYO GHA WADUMI 17:11

Wandu awo werekoghe na suku kuchumba waja wa Thesalonike; wikajiwusa ilagho kwa ngolo mbaa, wikizighana-zighana Maandiko Ghielie kula ituku, wiwone ngera maza iro rerekoghe rikighorwa ni Paulo na Sila ni huwo koni.

WUKUMBUSO 32:2

Mafundisho ghapo ndeghitonye-tonye sa vua, na madedo ghapo ghisee sa mami; sa vua inyagha mboa-mboa aighu ya mghina, na sa mshushure aighu ya nyasi mbishi.

WAEBRANIA 3:14

Angu deko wangara wa Kristo, ikakaia damazira hata kutua kuja kurumiria kodu kwa imbiri, ingelo ighorwagha,

2 PETRO 1:19

Na ijo ilagho ja wulodi, jikachuria kuwoneka kukaia ja loli kuchumba. Nenyo mchabonya nicha mkajizighana, seji mzighanagha taa ikiaka andu kwa kira; hata jija Ituku jiche, na nyerinyeri ya luma lwa nakesho ibuke ngolonyi konyu.

WUFUNUO 22:16

“Ini Jesu namduma malaika wapo ughighorie makanisa maza iri. Ini ne wa kivalwa cha Daudi; iyo nyerinyeri ing'alaa-ng'ala ya luma lwa nakesho.”