HOSEA 5:6 - Biblia Ilagho Jiboie Kwa Wandu Wose

⁶ Wafunya mfugho rawo vizongona wikimlola BWANA, ela ndevitesiagha. Ndewimmbonagha angu uwisighie.

HOSEA 5:6 ပူးပေါင်းရင်းမြစ်များ

KUFUMA 10:9

Musa ukamzera, “Dichaghenda chiaimweri na wana wedu na waghosi wedu; dichaghenda chiaimweri na wana wedu wa womi na wa waka, ng'ondi na mfugho redu, angu suti dibonye ndima kwa BWANA.”

MAKATANISHO 1:28

Niko mchaniwanga ini Hikima, ela sichaadika; mchanilola nandighi, ela ndemchaaniwona.

MAKATANISHO 15:8

Vizongona va mmbiwi vadamzamia BWANA, ela ilombi ja mundu mucha jadam'boia.

MAKATANISHO 21:27

Kizongona cha mundu mmbiwi ndechiboie; ni kuchumba saki, ukachireda na nia mbiwi!

LUMBO 5:6

Ngamrughuya mkundwa wapo mnyango, ela orekoghe waghenda. Ngolo yapo ikasia uendadeda. Ngamlola, ela sicheemmbona; ngammbanga, ela ndecheenidika.

ISAYA 66:3

“Wandu weekusaghuya chia rawo weni, na roho rawo raboilwa andenyi ya wuchafu ghwawo. Mundu ubwaghagha ng'ombe oofwanana na uo ubwaghagha mundu; na uo ufunyagha kizongona cha mwana wa ng'ondi oofwanana na uo unyigharagha koshi singo; uo ufunyagha kizongona cha viro, oofwanana na uo ufunyagha bagha ya nguwe kukaia kizongona; uo ufukiragha marumba gha vizongona va wukumbuso, oofwanana na mundu otasa milimu.

JEREMIA 11:11

Kwa huwo BWANA waghamba huwu, ‘Olenyi naawuyareda wuwiwi aighu yawo wisedimagha kughufufunuka; hata wikeduanikemia sichaawisikiria anduangi.’

JEREMIA 11:14

Kwa huwo, oho Jeremia, kusakewilombia hata kusakenivoya kwa wundu ghwa wandu awa; kwa kukaia sichaawisikira iji wakaniwanga ngelo wapatwa ni wasi.

JEREMIA 14:12

Hata wikafunga tumu, sichaasikira kililo chawo; hata wikafunya vizongona vekora na vizongona va viro, sichaawirumiria anduangi; ela nichawibwagha wudenyi, na kwa njala, na kwa saka izamie.”

JEREMIA 7:4

Msakeghirumiria agha malagho gha tee gheghora, ‘Ihi ni Hekalu ya BWANA, Hekalu ya BWANA, Hekalu ya BWANA.’

KILILO CHA JEREMIA 3:44

Kwakufinikire iwingu ja machu ghako hata malombi ghedu ndeghikuvikiagha.

EZEKIELI 8:18

Kwa huwo nichawibonyera malagho kwa machu, sichaawiwonia wughoma hata kuwilekia, hata wikanikemia kwa lwaka lubaa, sichaawisikiria anduangi.”

EZEKIELI 8:6

Mlungu ukanizera, “Mwana wa mdamu, kwawona seji wibonyagha? Wandu wa Israeli wawuyabonya wuchafu m'baa ghonifunya na kuniwika kula na Andu Kwapo kwa Wueli. Ela kuchawona wuchafu m'baa kuchumba ugho.”

HOSEA 8:13

Wadaboilwa ni kufunya vizongona kwapo, na kuja nyama raro; ela ini BWANA siboilwagha navo anduangi. Nichakumbuka kaung'a yawo na kuwikaba, nichawiwunja Misri.

AMOSI 8:12

Wandu wichamara-mara kufuma kutua uku kwa bahari, hata kutua kuja kwa bahari na kufuma kaskazinyi hata mashariki; wichakimbia ii chia na i chia wikilola ilagho ja BWANA, na ndewichaajiwona anduangi.

MIKA 3:4

Ngelo yaawuyacha; nenyo mchamkemia BWANA ela ndechaamtumbulia. Ndechaasikira malombi ghenyu angu m'bonyere kiwiwi.

MALAKI 1:10

BWANA Uwadie-Ndighi-Rose waghamba, “Naawuyakunda umu onyu urughe minyango ya Hekalu eri mndungi usechengia na kukora medo ya kisha-kisha aighu ya madhabahu yapo. Siwueboilwa ni inyo, na vizongona mredagha.

LUKA 5:16

Nao ukaghenda andu kusewadie wandu, ukalomba Mlungu.

JOHANE 7:34

Mchanilola ela ndemchaaniwona anduangi, angu andu nighendagha inyo ndemdimagha kucha anduangi.”