HOSEA 5:4 - Biblia Ilagho Jiboie Kwa Wandu Wose

⁴ Mawiwi wighibonyere ghawighirie wisewuye kwa Mlungu wawo. Wutasi milimu ghwawimaziria hata ndewidimagha kumrumiria BWANA anduangi.

HOSEA 5:4 ပူးပေါင်းရင်းမြစ်များ

ZABURI 78:8

Ndewichaaghilika na kulegha sa weke wawae, awo wiserekoghe na irumirio jimange kwa Mlungu hata kukaia mloli kwake.

ZABURI 9:10

Na awo wikuichi wadakusaghika kwako, angu oho ee BWANA ndekuwisighie awo wikulolagha anduangi.

JEREMIA 24:7

Nichawineka ngolo emanya kukaia ini ne BWANA, nawo wichawuya wandu wapo, nani nichakaia Mlungu wawo, kwa kukaia wichaniwuria kwa ngolo rawo rose.

JEREMIA 50:38

Isanga ndejiome hata jiomere machi! Kwa kukaia ni isanga ja milimu, nawo weeikunda hata ikaawikelesha.

JEREMIA 9:24

Ela uo ukukasagha ndekukase kwa ilagho iji: kukaia, wawuyaelelwa na kunimanya ini angu ne BWANA uo ubonyagha lukundo lukatie, loli na hachi ndoenyi; kwa kukaia ini nadaboilwa andenyi ya maza iro.”

JEREMIA 9:6

Ndewilekagha makorongo, na makalio. Nawo walegha kunimanya ini, waghamba BWANA.

HOSEA 13:13

Israeli ooka sa mwana mkelu uleghagha kufuma ingelo mae wakakumba lufu lova.

HOSEA 4:1

BWANA oko na mashitakio aighu ya wandu wikaiagha andenyi ya iji isanga. Sikirenyi seji BWANA ughoragha inyo wandu wa Israeli, “Wuloli na lukundo ndeviko isangenyi, hata wandu ndewiwuenitala ini sa Mlungu.

HOSEA 4:11

BWANA waghamba, “Divei ikaiagha ya kala angu mbishi yaawuyanona akili ra wandu wapo.

HOSEA 4:12

Waawuyalomba kipande cha mudi chiwineke mafunuo! Mzata ghwawighoria malagho wikunde kughimanya! Wanisighie ini Mlungu wawo, wikanugha milungu mizima seji muka usighagha mumi na kuwuya malaya.

HOSEA 4:14

Ela sichaawikaba wai wenyu iji wawuya malaya, hata waka wa wana wenyu iji walaka; kwa kukaia inyo mmbeni mwaawuyaghenda na malaya gha Hekalu na kufunya vizongona chia imweri nawo. Sa iji mfwano ghoghoragha, ‘Wandu wisewadie kumanya wichatota.’

HOSEA 4:6

Wandu wapo waawuyatoteshwa kwa kulegha kunimanya. Inyo wakohani mwasowie kunimanya, na mafundisho ghapo wori mwaghileghie. Kwa huwo nichamlegha; na wana wenyu wori nichawilegha wisekaie wakohani wapo.

HOSEA 7:11

Israeli ooka sa mbughi isena akili; wandu wake wiammbanga Misri uchewitesia, sena ii chia wiakimbiria cha Ashuru.

HOSEA 8:11

“Hata ngera Israeli waaghie madhabahu nyingi refunyira vizongona kwa wundu ghwa kaung'a, ela sena iro madhabahu rawurie malalo ghebonyera kaung'a.

JOHANE 16:3

Nawo wicham'bonya huwo kwa kukaia ndewimwichi uja Aba, hata ini anduangi.

JOHANE 8:55

Inyo ndemumwichi, ela ini namwichi; nani ngaghamba simwichi, nichakaia mtee karakara na inyo; ela ini namwichi sena nadamsikira.

1 SAMUELI 2:12

Wana wa Eli werekoghe wandu wisefwane, kwa kukaia ndeweremtalieghe BWANA,