HOSEA 5:3 - Biblia Ilagho Jiboie Kwa Wandu Wose

³ Namwichi Israeli loli-loli, ndevisikie kwapo anduangi. Wasowie kukaia na wuloli kwapo, na wandu wake ndewifwanagha kunitasa.”

HOSEA 5:3 ပူးပေါင်းရင်းမြစ်များ

ISAYA 7:16

Angu imbiri ya uo mwana kumanya kulegha mawiwi na kusaghua mecha, isanga ja awo wazuri wawi kwawuyawiobua jichasighwa iduu.

ISAYA 7:17

“BWANA uchareda mzuri wa Ashuru ukuredie wasi oho, na wandu wako, na kivalwa chose cha kiwuzuri, jingi kuseghuwonie kufuma ituku Israeli orekutanyireghe na Juda.

ISAYA 7:5

Siria, Israeli na mwana wa Remalia wakubonya njama wikighamba,

HOSEA 1:2

Iji BWANA orezoyagha kudedanya na Hosea oremzerieghe, “Ghenda kulowuo muka mlaki; kupate wana wichaafwanana nao, kwa kukaia iji isanga jeechulwa ni wulaki kwa wundu ghwa kunisigha.”

HOSEA 12:1

“Kula ilagho jawuyabonywa ni wandu wa Israeli kufuma luma lwa nakesho hata nakenyi ni ja duu jenona. Wachuria kukaia wa mikalo na mabonyo ghetumia ndighi, wabonya mapatano na kubonya biashara na Misri.”

HOSEA 13:1

Iji kichuku cha wandu wa Israeli cherededagha kala, wandu wazima wa vichuku vizima va Israeli wedeeka wikisughusika; Israeli odeeka ukiwoneka wa ighu andenyi ya Israeli; ela wandu wake wiendabonya kaung'a kwa kutasa Baali, wikafwa.

HOSEA 13:5

Na ini nerekulindiagha iji korekoghe kireti, ijo isanga jiomie.

HOSEA 5:11

Israeli waawuyakorongeka; walaghashire isanga jerekoghe jake jeni, kwa kukaia orekoghe ukilola wutesia kwa wandu wisewadie kindo chingi.

HOSEA 5:13

“Nao iji Israeli wawona seji uko mkongo, na Juda kuwona seji washoghonaka, Israeli ukaghenda cha Ashuru kulomba wutesia kwa m'baa wa isanga, ela ndereboisireghe hata kuhoa kushoghonoka kwake.

HOSEA 5:9

Ituku jekabwa jaawuyacha, na Israeli uchatoteshwa. Inyo wandu wa Israeli, loli agho malagho ghichacha!

HOSEA 6:10

Nawonie ilagho jizamie nandighi andenyi ya Israeli: Wandu wapo waawuyakulusha weni kwa kutasa milimu.

HOSEA 6:4

Ela BWANA waghamba, “Nikubonya wada ee Israeli? Nikubonya wada ee Juda? Lukundo lwako kwapo lwadasia shwa-shwa sa ikungughu ja luma lwa nakesho; loofwanana na mami ghiomagha kokio.

HOSEA 8:11

“Hata ngera Israeli waaghie madhabahu nyingi refunyira vizongona kwa wundu ghwa kaung'a, ela sena iro madhabahu rawurie malalo ghebonyera kaung'a.

AMOSI 3:2

“Ni inyo mmbeni neremmanyireghe aghadi ya mbari rose ra ndoenyi; kwa wundu ugho, nichamkaba kwa wundu ghwa makosa ghenyu ghose.”

AMOSI 5:12

Naichi makosa ghenyu mengi, na kaung'a renyu seji riko mbaa. Mwadawitirira wandu wecha, na kuhongwa; mwadamtangala mkiwa usepate hachi yake kotinyi.

WUKUMBUSO 33:17

Josefu oko na ndighi ra njau, na mbembe ra mbogho. Mbembe rake ni maelfu gha Manase na maelfu ikumi gha Efraimu. Wadasindika iro mbari naro, na kuwisindika hata kutua kwa ndoenyi.”

WAEBRANIA 4:13

Hata imbiri ya Mlungu, ndekuwadie iumbo jingi jivisikie; ela vilambo vose veko worinyi, viwikilo na kufunukulwa imbiri ya meso ghake, uo dichaafunya mitalo edu kwake.

WUFUNUO 3:15

Narimanya kazi rako, kukaia ndekuko wa mbeo hata wa modo anduangi. Kumangu kwakaiagha wa mbeo angu wa modo.