HOSEA 5:1 - Biblia Ilagho Jiboie Kwa Wandu Wose

¹ “Sikirenyi agha inyo wakohani! Sikirenyi agha ee wandu wa Israeli! Sikirenyi inyo wandu wa kinyumba cha wuzuri! Kutanya uku ni aighu enyu; kwa kukaia mwamerie kuwuya mdegho kwa Mispa, nyavu ideghelo aighu ya Mghondi ghwa Tabori,

HOSEA 5:1 ပူးပေါင်းရင်းမြစ်များ

JEREMIA 11:7

Kwa kukaia nerewiwonyereghe weke ndeyo kwa wumboa ngelo nerewifunyagha isanga ja Misri, ngiwiwonyera sena na sena hata idime iji, ngighamba, munisikire.

JEREMIA 13:18

BWANA ukanizera, “Ghoria mzuri, na mzuri-mae, wikusere kufuma vifumbinyi vawo va nguma; kwa kukaia virumbu vawo vighokie vamerie kupotoka kufuma vongonyi kwawo.

JEREMIA 46:18

“Mzuri, uo uwangwaghwa BWANA wa majeshi waghema, Sa iji koni nikaiagha moyo, waghamba Mzuri, mndumu uchacha sa Mghondi ghwa Tabori aghadi ya mighondi, na sa Mghondi ghwa Karmeli ghuko mbai na mbai ya bahari.

HOSEA 10:15

Huwo niko mchaabonyerwa inyo, wandu wa Betheli, kwa wundu ghwa ugho wuwiwi ghonyu m'baa moreghubonyereghe. Wuda ghukazoya woruwu, mzuri wa Israeli uchabwaghwa.”

HOSEA 13:8

Nichamramia chienyi sa dubu wasokwa wana wake; nichamrashua-rashua na kumja shwa wori sa shimba, seji nyamandu ya isakenyi irashuagha.

HOSEA 4:1

BWANA oko na mashitakio aighu ya wandu wikaiagha andenyi ya iji isanga. Sikirenyi seji BWANA ughoragha inyo wandu wa Israeli, “Wuloli na lukundo ndeviko isangenyi, hata wandu ndewiwuenitala ini sa Mlungu.

HOSEA 6:9

Wakohani weeka sa vitoi vilaliriagha mundu. Wadabwagha hata achienyi ya wueli eghenda Shekemu. Wadabonya maza iri rose mbiwi kwa kidali tu.

HOSEA 9:8

Mlungu ooniduma nikaie mlodi owionya wandu wake Israeli. Elaima kula andu nawuyaghenda mwawuyanideghia midegho sa nyonyi. Wandu waawuyanibonya m'maiza andenyi ya Hekalu icheni ya Mlungu.

JOELI 1:2

Zighanenyi agha malagho inyo waghosi, sikirenyi inyo mmbose wandu wa Juda; welee, jingi mwawonie ilagho sa iji, ngelo renyu angu ngelo ra weke ndeyo?

AMOSI 3:1

Inyo wandu wa Israeli, sikirienyi ijo ilagho BWANA waghora aighu yenyu; aighu ya mbari yose oreijosereghe kufuma isanga ja Misri:

AMOSI 7:9

Aho andu wandu wa kivalwa cha Isaaka weretasiragha kuchatoteshwa. Andu kwa Wueli kwa Israeli kuchanoneka. Nicharimeria nguma ra Mzuri Jeroboamu.”

MIKA 3:1

Sikirenyi inyo wabaa wa Israeli! Welee, si inyo msuwirilwagha kuitala hachi?

MIKA 3:9

Nisikirenyi inyo wabonyi nguma wa Israeli, mzamilwagha ni kubonya hachi na kughalua loli iwuye tee.

MIKA 7:2

Ndekuwadie mndungi mloli wasigharika isangenyi; ndeuko ungi wasigharika uko mloli kwa Mlungu. Kula mundu ualola wulalo ghobwagha; Kula umu uamdiwa muisanga mmbao.

MALAKI 1:6

BWANA Uwadie-Ndighi-Rose wawizera wakohani, “Mwana wamnekagha ndee ishima na mdumiki wamnekagha bwana wake ishima. Ikakaia ini ne ndeyo, kwaki mseninekagha ishima? Na ikakaia ne bwana, kwaki mseninekagha ishima? Mwanimenyere; nenyo mwaawuyakotia, ‘Dakumenyere wada?’

MALAKI 2:1

BWANA-Uwadie-Ndighi-Rose wawizera wakohani, “Momu ughu ni kwa wundu ghonyu:

WATANYI 4:12

Nao iji Sisera waghorelwa kukaia Baraka mwana wa Abinoamu wajoka mghondi ghwa Tabori,

WATANYI 4:6

Ituku jimu ukaduma momu kwa Baraka mwana wa Abinoamu kufuma Kedeshi isanga ja Naftali, ukamzera, “BWANA, uo Mlungu wa Israeli wakulaghira huwu, ‘Ghenda kuwikwanye wandu wako mghondi ghwa Tabori, kuwuse wandu elfu ikumi kufuma kwa mbari ya Naftali na Zebluni.

1 SAMUELI 7:16

Kula mwaka ukakaia ukighimaria masanga gha Betheli, Gilgali, na Mispa; ukakaia ukiwitanya Waisraeli andenyi ya agha masanga ghose.

1 SAMUELI 7:5

Nao Samueli ukaghamba, “Kwanyenyi Waisraeli wose aho Mispa, nani nichawilombia kwa BWANA.”

1 SAMUELI 7:6

Niko wikakwanyika aho Mispa, wikadaya machi na kughidia sa kizongona imbiri ya BWANA; wikafunga tumu ituku ilazi wikaghamba, “Dam'bonyere BWANA kaung'a.” Samueli ukakaia ukiwitanya wandu wa Israeli aja Mispa.