HOSEA 4:8 - Biblia Ilagho Jiboie Kwa Wandu Wose

⁸ Mwawuyafugha kwa wundu ghwa kaung'a rawuyabonywa ni wandu wapo; nenyo mwaawuyaboilwa iji wachuria kubonya kaung'a.

HOSEA 4:8 ပူးပေါင်းရင်းမြစ်များ

2 WAZURI 12:16

Mafunyo gherefunyiroghe kwa wundu ghwa mawiwi na kaung'a, ndegherengiriloghe andenyi ya nyumba ya BWANA, ela gherekoghe ni mafungu gha Wakohani.

ZABURI 24:4

Ni mundu usebonyagha kiwiwi, uko na ngolo ielie; usetasagha milimu, hata kughema kwa tee.

ZABURI 25:1

Nareda ilombi japo kwako ee BWANA,

ISAYA 56:11

Wakaia sa koshi riwadie lwafuo, wandu wisekatwagha jingi. Awo ni walisha wisewadie kumanya kungi, wose waghalukie kula mundu chia yake, kula mundu ukikulolia fwaida rake moni kwa kula chia.

EZEKIELI 14:3

“Mwana wa mdamu, awa wandu wangirie milimu yawo ngolonyi kwawo, nayo yaawuyawikuwisha wingie kaung'enyi. Welee wiaghesha nadima kuwisigha wiloleghe malagho kwapo?

EZEKIELI 14:7

Mundu uo ose wa wandu wa Israeli ukutanyagha nani, hata mghenyi ukaiagha aghadi ya wandu wa Israeli ukakutanya nani, na kuwika milimu ngolonyi kwake, na kukuwika moni ikuwisho ja wuwiwi ghwake, sena ii chia ucheghee kwa mlodi kulola njama kwapo, ini BWANA nichamtumbulia.

HOSEA 10:13

Ela wulalo ghwaro moowa wuwiwi mkaaghukuwida; mooja matunda gha tee renyu. “Moowika irumirio jenyu kwa magare ghenyu na masikari ghenyu.

HOSEA 12:8

Wadaghamba, ‘Aa, dameria kuwuya wazuri wa mali, damerie kukupatira wuzuri; ndekuwadie mndungi udimagha kudishitakia wei deepata mali kuseko na hachi.’

HOSEA 14:1

Ee wandu wa Israeli, wuyenyi kwa BWANA Mlungu onyu, kwa kukaia mookuwishwa ni makosa ghenyu gheni.

WALAWI 6:22

Matuku ghose ghichagha, kizongona ichi chichafunywa ni kula mvalwa wa Haruni wasaghulwa ukaie Mkohani M'baa. Kizongona icho chichakorwa chose chikaie kizongona chifunyiro kwa BWANA.

WALAWI 6:26

Uo mkohani ufunyagha iyo nyamandu kizongona kwa wundu ghwa kaung'a nuo uchaaijia aho andu kueleshero, wazenyi ya Hema ekwania.

MIKA 3:11

Wabaa wa muzi wiatanya kwa kuhongwa; wakohani waro wiafundisha sharia kwa malipo; walodi waro wiafunya mawono wipate pesa; na ichia wiaghamba wei BWANA oko chiaimweri nawo wikighamba, “Ndediwonagha ilagho jingi, BWANA oko andwamweri nesi.”

MALAKI 1:10

BWANA Uwadie-Ndighi-Rose waghamba, “Naawuyakunda umu onyu urughe minyango ya Hekalu eri mndungi usechengia na kukora medo ya kisha-kisha aighu ya madhabahu yapo. Siwueboilwa ni inyo, na vizongona mredagha.

WAROMA 16:18

Angu wandu sa awo ndewimdumikiagha Bwana odu Jesu Kristo, ela wadadumikia vifu vawo veni; na kwa malagho ghidendere ghesesea-sesea, wawikalia wandu wisemanyagha.

TITO 1:11

Suti winyamiro, kwa kukaia waawuyasumbua wandu wose kula kinyumba kwa kufundisha iro maza risewifwane kufundisha; na agho waawuyabonya kwa wundu ghwa kupata fwaida isefwanagha.

2 PETRO 2:3

Na kwa lwafuo lwawo wichamkalia, eri wikupatire weni fwaida. Kufuma kala Mtanyi wawo oko aeni, na Mtoteshi wawo ndelalagha anduangi.

1 SAMUELI 2:29

Kwaki sena oho kubonyagha iriso aighu ya vizongona vapo vekora na mafunyo, ivo nerevilaghirieghe; nao kuwitaleghe wana wako kunichumba ini, kwa kukubandisha mmbeni na kukusaghuya ivo vizongona viboie nifunyirwaghwa ni wandu wapo Israeli?