HOSEA 4:4 - Biblia Ilagho Jiboie Kwa Wandu Wose

⁴ BWANA waghamba, “Mndungi userede mashitakio aighu ya wandu, kwa kukaia mashitakio ghapo gheeka aighu enyu inyo Wakohani.

HOSEA 4:4 ပူးပေါင်းရင်းမြစ်များ

JEREMIA 18:18

Niko awo wandu wikaghamba, “Choonyi dibonye njama aighu ya Jeremia, kwa kukaia na jingi sharia ndeichakaia isefunywaghwa ni wakohani, na njama nderichakaia risefumagha kwa wandu wa akili, na ilagho ja Mlungu ndejichaalekwa kughorwa ni walodi. Choonyi dimghorie malagho ghemsima, disewuesikiria malagho ghangi ghake.”

EZEKIELI 3:26

Nani nichabonya lumi lwako lukakadiane na lwasasa, na oho kuchawuya kituri kusedimagha kuwionya wandu; angu awo ni wandu welegha.

HOSEA 4:17

Wandu wa Israeli weekuranganya na milimu, wisighenyi wiekeri.

AMOSI 5:10

Inyo mwadazamilwa ni mundu ukemiagha wuwiwi, na kughora loli kotinyi.

AMOSI 5:13

Kwa huwo kunyama kima niko kuchaakaia suku ngelo iyo, kwa kukaia ni ngelo mbiwi.

AMOSI 6:10

Mkichuku wa mundu ufue, uo uko kilongozi cha mariko uchaghufunya ugho mumbi nyumbenyi. Uja mkichuku uchawanga mundu uo ose wasigharika nyumbenyi, “Wele mokwanye na mndungi aho?” Ukatumbulia, “Hata!” Uchaghamba, “Shii! Nyama kima, disesikirike dikijighora irina ja BWANA.”

WUKUMBUSO 17:12

Mundu ukang'eta, na kulegha kumsikira mtanyi angu mkohani uo udumikagha imbiri ya BWANA Mlungu wako, uchabwaghwa; na kwa chia iyo, mchainja wuwiwi kwa Israeli.