HOSEA 4:16 - Biblia Ilagho Jiboie Kwa Wandu Wose

¹⁶ Wandu wa Israeli weeka sa ng'ombe ing'etere; da ini BWANA nidima kumlela wada sa wana wa ng'ondi a mlambenyi?

HOSEA 4:16 ပူးပေါင်းရင်းမြစ်များ

ZABURI 78:8

Ndewichaaghilika na kulegha sa weke wawae, awo wiserekoghe na irumirio jimange kwa Mlungu hata kukaia mloli kwake.

ISAYA 22:18

nao uchakumarisha-marisha na kukuda noko cha isanga ja kula sa mpira, na oho kuchafuya aho, na magare ghako korekukasireghe nagho ghichasigharika aho; oho kumfushire bwana wako waya andenyi ya nyumba yake.

ISAYA 30:23

Mkawa mbeu renyu ndoenyi, BWANA uchamredia vua, nenyu mchakuwida viro kwa wungi. Ngelo iyo mfugho renyu richakatwa ni nyasi.

ISAYA 5:17

Niko wana wa ng'ondi wichaja nyasi sa mlambenyi ghwawo, ngache na ndaghina richaja maghachonyi.

JEREMIA 14:7

Wandu wapo wanililia, ‘Hata ngera mawiwi ghedu ghadishuhudia, bonya ilagho kwa wundu ghwa irina jako ee BWANA, angu kuwuya nyuma kodu ni kubaa; dabonyere kaung'a aighu yako.

JEREMIA 3:11

BWANA ukanizera kukaia, hata ngera Israeli oremsighieghe, wacheewoneka kukaia baa kuchumba Juda useko mloli.

JEREMIA 3:6

Matuku gha kubonya nguma kwa Mzuri Josia, BWANA orenizerieghe, “Welee, kwawonie seji uhu Israeli useko mloli wawuyabonya? Wawuyajoka kula mghondi mlacha, na kukaia aisi ya midi mibaa ipambie ukitasa milungu mizima.

JEREMIA 3:8

Juda wawonie putu kukaia, namnekie Israeli barua etana nao kwa wundu ghwa wulaki ghwake, ela nao moni kwa kusowa wuloli ukalemwa ni kuobua; ukafuma na kubonya wumalaya.

JEREMIA 31:18

“Nasikire wandu wa Israeli wikiruma, ‘Oho kwadiwunjire kwa kudikaba, karakara na ngache isefundishiro dikafundishika; kudiwunje dipate kuaghika, angu oho ko BWANA Mlungu odu.

JEREMIA 5:6

Kwa huwo wichabwaghwa ni shimba ifumagha kilembenyi, na kikwau chifumagha kireti chichawitotesha. Inge yaawuyalaliria mizi yawo, mndungi uchaafuma ucharashulwa vipande vipande, kwa kukaia makosa ghawo ni mengi, na kuwuya nyuma kwawo kwakaia kubaa.

JEREMIA 7:24

Ela ndewerenisikireghe hata kunideghia kudu; wikaghenda kwa kunugha njama rawo reni, kwa kukua kwa ngolo rawo rizamie; wikazama kuchumba kukaia nicha.

JEREMIA 8:5

Kwaki sena awandu wa Jerusalemu wiwurie nyuma wiseheagha? Wiamaziriana na maza ra mikalo, nawo walegha kughaluka na kuhea.

HOSEA 10:11

“Israeli orekoghe sa ng'ombe ya irika ifundishiro kufasha ngano. Ela nawonie nimngirie ghongolo ya singo yake ighokie, nipate kumfundisha kazi rikurie. Juda uchachimba na ighembe, na Israeli uchabara malowa.

HOSEA 11:6

Wuda ghuchabuka na mizi yawo ichanonwa, na kuchikanya minyango ya mbenge rawo; nawo wichamerelwa andenyi ya ngome rawo.

HOSEA 11:7

Wandu wapo wachuria kughaluka na kunilegha. Wichalila kwa wundu ghwa ghongolo iko kwawo, ela ndekuwadie mndungi uchaaiinja kufuma kwawo.

WALAWI 26:33

Nani nichamredia wuda na kumsaghisa aghadi ya mbari zima. Isanga jenyu jichawuya kireti, na mizi yenyu ichawuya maghacho.

ZEKARIA 7:11

“Ela wandu wapo wereleghieghe kusikira, wikaghilika, wikafindika madu ghawo wisesikire.

1 SAMUELI 15:11

“Nasirimika kukaia nam'bonyere Sauli ukaie mzuri; kwa kukaia wameria kuwuya nyuma na kunisigha, hata ndenughie malaghiro ghapo anduangi.” Samueli ukawawa nandighi, ukamlilia BWANA kio chee.