HOSEA 4:10 - Biblia Ilagho Jiboie Kwa Wandu Wose

¹⁰ Mchaja ifungu jenyu ja vizongona, ela ndemchaaghuda. Mchalala na waka wengi, ela ndemchaakaia na wana, kwa kukaia mwaghulukie mkanilegha ini BWANA, mkanugha milungu mizima.”

HOSEA 4:10 ပူးပေါင်းရင်းမြစ်များ

2 MALAGHO GHA NGELO 24:17

Nao nyuma ya kifwa cha Jehoiada, wabaa wa Juda wikacha na kumghoghomia mzuri uwisikire, nao ukawisikira.

ZABURI 125:5

BWANA uchawikumba noko chiaimweri na wabonyi mawiwi, awo wighalukagha na kunugha chia rawo rizamie. Sere ndeikaie kwa Israeli.

ZABURI 36:3

Madedo ghake ghachua wuwiwi na mikalo; walekie kukaia na hikima na kubonya maza riboie.

MAKATANISHO 13:25

Mundu wa hachi wadaja ughude, ela mmbiwi wadakaia njala.

JEREMIA 34:15

Kafwani koni moreherieghe, na kubonya agho ghiko gha hachi imbiri kwapo, kwa kueresha malagho gha wuhuru kwa kula umu onyu, mkabonya ilaghano imbiri kwapo andenyi ya Hekalu yapo;

JEREMIA 9:12

Ngakotia, “Ni mundu uao uko na akili udimagha kutambukilwa ni agha malagho? Nani kwamghoria upate kudighoria? Kwaki isanga janoneka huwu na kusighwa iduu kara kara na kireti; hata mndungi usedimagha kuida aho?”

EZEKIELI 18:24

“Ela mundu wa hachi ukaisigha hachi yake, na kubonya agho ghiko mawiwi karakara na uja mundu mmbiwi ubonyagha wuchafu, welee, uchakaia moyo? Hata! Ndekuwadie ilagho jingi ja hachi yake jichaakumbukwa; ela uchafwa kwa wundu ghwa wuwiwi na kaung'a uribonyere.

EZEKIELI 22:9

Weko wandu kwako wikufunyire kughora tee kwa kubwagha wandu. Wamu wiaja vizongona vifunyiro kwa milimu a mighondinyi, na kubonya maza ra wulaki aghadi konyu.

HOSEA 4:14

Ela sichaawikaba wai wenyu iji wawuya malaya, hata waka wa wana wenyu iji walaka; kwa kukaia inyo mmbeni mwaawuyaghenda na malaya gha Hekalu na kufunya vizongona chia imweri nawo. Sa iji mfwano ghoghoragha, ‘Wandu wisewadie kumanya wichatota.’

HOSEA 7:4

Wose ni wakalii wisewadie wuloli ghungi. Kuzamilwa kwawo kooka sa modo ghuko irikonyi ghusesindikirwagha ni muochi mikate, hata mufu waghukanda ghwameria kungirwa chachu.

WALAWI 26:26

Nichapunguza vindo venyu, hata ikaie waka ikumi wioche mkate ghonyu andenyi ya iriko jimweri; wichaghuwagha ugho mkate, nenyo mchaghuja na kulemwa ni kughuda.

MIKA 6:14

Kuchaja, ela ndekuchaaghuda; kuchasigharika na njala yako wokoni. Kuchaduka vilambo, ela ndevichaawikika; na icho chose kuchachiwika akiba, nichachinona na wuda.

ZEFANIA 1:6

Nichawitotesha awo wighalukie na kusigha kuninugha na awo wisenilolagha hata kunilomba ini BWANA Mlungu niwilongoze.”

HAGAI 1:6

Mwawae viro vingi, mkaakuwida vitini. Mwawuyaja, ela ndemuwuyeghuda; mwawuyanywa, ela ndemuwuekatwa; mwawuyarwa, ela ndemuwuepatwa ni mruke; na m'bonyi kazi ndewuekatwa ni pesa.