HOSEA 4:1 - Biblia Ilagho Jiboie Kwa Wandu Wose

¹ BWANA oko na mashitakio aighu ya wandu wikaiagha andenyi ya iji isanga. Sikirenyi seji BWANA ughoragha inyo wandu wa Israeli, “Wuloli na lukundo ndeviko isangenyi, hata wandu ndewiwuenitala ini sa Mlungu.

HOSEA 4:1 ပူးပေါင်းရင်းမြစ်များ

1 WAZURI 22:19

Mikaia ukaghamba, “Idana sikira ilagho ja BWANA: Neremmbonieghe BWANA wasea kidombo aighu ya kifumbi chake cha nguma; na majeshi ghose gha mlungunyi ghikakaia kimusi kummaria mbai mbai chia rose.

ZABURI 81:9

Ndekuchaakaia na mlungu ghungi ghwa kighenyi aghadi kwako; kusetase mlungu ghwa kighenyi.

ISAYA 1:10

Sikirenyi lwaka lwa BWANA, inyo wabonyi nguma wa Sodoma; deghenyi madu msikire mafundisho gha Mlungu odu, inyo wandu wa Gomora.

ISAYA 1:18

BWANA waghora, “Choonyi idana dibonye njama; hata ngera kaung'a renyu ratinikie, richakaia ra chokwa sa theluji; hata ngera reeka ra ngundu sa bagha, richakaia ra chokwa sa pamba.

ISAYA 28:14

Sikirenyi ilagho ja BWANA inyo wandu mmenyagha; inyo muwibonyeragha nguma wandu wiko Jerusalemu!

ISAYA 34:1

Choonyi, inyo mbari ra wandu, mpate kusikira; deghenyi madu inyo wandu wa ndoenyi msikire, ee, wurumwengu na vose viko andenyi yaro choonyi msikire.

ISAYA 34:8

Kwa kukaia BWANA wawikie ituku na mwaka gholipia kisasi, kwa wundu ghwa wandu wake wikaiagha Jerusalemu.

ISAYA 5:3

“Idana tanyenyi ee wandu mkaiagha Jerusalemu na Juda; namlomba mtanye aghadi ya ini na mbuwa yapo ya mizabibu.

ISAYA 59:4

Ndekuwadie ungi onyu ughendagha kotinyi ukikaia na hachi, hata ndekuwadie ungi onyu ukaiagha mloli kwa sharia. Mwakusaghika kwa malagho gha duu, mkighora tee, mwachua mikalo emredia wuwiwi.

ISAYA 59:8

Ndemuichi chia ya sere, hata mighendo yenyu ndeiwadie hachi ingi anduangi. Mwarinonie chia renyu, hata mndungi ukarinugha ndechaimanya chia ya sere anduangi.

ISAYA 66:5

Inyo msughusikiagha ilagho ja BWANA sikirenyi seji ughoragha, “Awo wanyinyu wizamilwagha ni inyo, na kummbinga kwa wundu gha irina japo waghambie, ‘Oke Mlungu ndewonyere wubaa ghwake dipate kummbona inyo mkiboilwa;’ ela sena niwo weni wichaafushwa waya.

JEREMIA 11:7

Kwa kukaia nerewiwonyereghe weke ndeyo kwa wumboa ngelo nerewifunyagha isanga ja Misri, ngiwiwonyera sena na sena hata idime iji, ngighamba, munisikire.

JEREMIA 19:3

Kuchaghamba, ‘Sikirenyi malagho gha BWANA ee Wazuri wa Juda na wandu mkaiagha Jerusalemu; BWANA wa majeshi, uo Mlungu wa Israeli waghamba: Ola nichareda wuwiwi aighu ya andu aha, ugho, hata wandu wikasikira wichaturukia.

JEREMIA 2:4

Sikirenyi ilagho ja BWANA inyo kivalwa cha Jakobo, inyo nyumba rose ra wandu wa Israeli.

JEREMIA 2:9

“Kwa huwo nichareda mashitakio ghapo aighu ya wandu wapo; nichareda mashitakio ghapo hata aighu ya weke wawa wawo.

JEREMIA 25:31

Mrurumo ghwake ghuchafunya lwaka hata kutua kwa ndoenyi, kwa kukaia BWANA oko na mwandu aighu ya iro mbari ra wandu, uchawitanya wandu wose, na kuwibwagha wawiwi kwa lufu.’”

JEREMIA 34:4

Ela sena ee Zedekia mzuri wa Juda, sikira seji ini BWANA nighoragha; Naghamba huwu aighu yako, ‘Ndekuchaabwaghwa wudenyi anduangi.

JEREMIA 4:22

BWANA waghamba, “Ni kwa kukaia wandu wapo wakaia wakelu ndewiniichi, nawo wakaia wana wiko wakelu, wisewadie kumanya kungi anduangi. Akili rawo rose ni aighu ya kubonya wuwiwi, ela kumanya kubonya ijo jiko jiboie ndewiichi.”

JEREMIA 4:28

Kwa wundu ghwa agha, ndoenyi ichakaia na wasi, na mlungunyi kuchawuya kwa chilu; kwa kukaia namerie kughora, namerie kubonya mipango; sichaaleka, hata sichaawuya nyuma.”

JEREMIA 5:4

Niko ngaghamba, “Awa ni wandu wakiwa, ndewiwadie akili ringi; kwa kukaia ndewiichi chia ya BWANA iyo sharia ya Mlungu wawo.

JEREMIA 51:5

Angu ini Mlungu, BWANA wa majeshi, siwisighie wandu wapo Israeli na Juda anduangi; ela isanga ja Wababuloni jeechulwa ni mawiwi aighu yapo ini Mlungu Mweli wa Israeli.

JEREMIA 6:13

Weechulwa ni bea wose, kufuma mtini hata m'baa wawo; wakunda kupata fwaida risena hachi, kufuma mlodi hata mkohani, kula umu uabonya mikalo.

JEREMIA 7:28

Na oho kuchawizera, ‘Ihi ni mbari iserelusikireghe lwaka lwa BWANA Mlungu wawo, hata ndewerewusireghe kuja kuwunjwa ni Mlungu, na kwawo loli yamerie kusia, hata ndeikaiagha anduangi.’

JEREMIA 9:20

Ngaghora, “Idana inyo waka sikirenyi ilagho ja BWANA, madu ghenyu ghisikire ilagho jifumagha momunyi kwake; mfundishe wai wenyu kulila mfundishane mmbeni na mmbeni seji imfwane mlile.

JEREMIA 9:3

Matuku ghose weeka tayari kughora tee; wachurikia andenyi ya wuwiwi na kusowa wuloli isangenyi. BWANA waghamba, “Wandu wapo waawuyaghenda imbiri kufuma wuwiwi kuvikia wuwiwi, hata ndewiniichi ini.”

JEREMIA 9:7

Kwa huwo BWANA wa majeshi waghamba huwu: “Olenyi nichawielesha sena niwitime; da nibonya ilaghoki kwa wundu ghwa wandu wapo?

EZEKIELI 16:35

“Kwa huwo idana ee Jerusalemu kuko sa ilaya, sikira ilagho japo.

HOSEA 12:2

BWANA oko na mashitakio aighu ya wandu wa Juda, nao uchawikaba wandu wa Israeli kunughana na chia rawo, na kuwilipa kara kara na mabonyo ghawo.

HOSEA 12:3

Iji wawae Jakobo orekoghe kifunyi orewadieghe ghimbe ya mruna, na iji orewurieghe mundu m'baa, oresimaneghe na Mlungu.

HOSEA 5:1

“Sikirenyi agha inyo wakohani! Sikirenyi agha ee wandu wa Israeli! Sikirenyi inyo wandu wa kinyumba cha wuzuri! Kutanya uku ni aighu enyu; kwa kukaia mwamerie kuwuya mdegho kwa Mispa, nyavu ideghelo aighu ya Mghondi ghwa Tabori,

HOSEA 5:4

Mawiwi wighibonyere ghawighirie wisewuye kwa Mlungu wawo. Wutasi milimu ghwawimaziria hata ndewidimagha kumrumiria BWANA anduangi.

JOELI 1:2

Zighanenyi agha malagho inyo waghosi, sikirenyi inyo mmbose wandu wa Juda; welee, jingi mwawonie ilagho sa iji, ngelo renyu angu ngelo ra weke ndeyo?

AMOSI 3:1

Inyo wandu wa Israeli, sikirienyi ijo ilagho BWANA waghora aighu yenyu; aighu ya mbari yose oreijosereghe kufuma isanga ja Misri:

AMOSI 7:16

Kwa huwo idana sikira ilagho ja BWANA. Kwaghamba nisefunye wulodi aighu ya Israeli, hata nisechilie wandu wa Israeli.

MIKA 6:2

Inyo mighondi muko misingi iduagha ya ndoenyi, sikirenyi seji BWANA uredagha mashitakio. BWANA washitakiana na wandu wake; uchasimana na Israeli.

JOHANE 8:55

Inyo ndemumwichi, ela ini namwichi; nani ngaghamba simwichi, nichakaia mtee karakara na inyo; ela ini namwichi sena nadamsikira.

WAROMA 1:28

Na kwa kukaia wereleghieghe kumtala Mlungu, Mlungu nao orewisighanyeghe na akili ra kisha na maza risefwane.

1 WAKORINTHO 15:34

Kuwurienyi; sighenyi kubonya kaung'a. Angu wamu ndewimwichi Mlungu anduangi. Naghora huwu kumfusha waya inyo.

WUFUNUO 2:11

Uo uko na kudu, ndesikire agho malagho Roho ughighoriagha agho makanisa. Uo usimagha, ndechaabonywa ilagho jingi ni icho kifwa cha kawi anduangi.’”

WUFUNUO 2:29

Uo uko na kudu, ndesikire agho malagho uo Roho ughighoriagha agho makanisa.’