HOSEA 3:2 - Biblia Ilagho Jiboie Kwa Wandu Wose

² Niko ngaghenda na kumghua kwa vibelele va feza ikumi na visanu, na kilo ighana na mirongo misanu ra shairi.

HOSEA 3:2 ပူးပေါင်းရင်းမြစ်များ

KUZOYA 31:41

Nakaie miaka ihi mirongo iwi nyumbenyi kwako. Miaka ikumi na inya nerekudumikieghe kwa wundu ghwa wai wako wawi na miaka irandadu ngilisha mfugho rako; hata huwo saki oho kwajighalusire ifungu japo mando ikumi.

KUZOYA 34:12

Nilombenyi icho chose mchaawona nifunye kwa kumlowua uhu mwai, nichamneka vose mchaakunda eri tuu munirumirie nimlowuo.”

KUFUMA 22:17

Uja mwai ndee ukalegha putu mwai wake uselowolo ni uo mundu, niko uo mundu uchalipa pesa rikatane ighuri jelowua mwai.

ISAYA 5:10

Kwa kukaia hekta ikumi ra mbuwa ya mizabibu, ichava lita wunyanya ra divei; na lita ighana na mirongo wunyanya ra mbeu, richava lita ikumi na wunyanya ra viro.”

EZEKIELI 45:11

Efa na bathi vichakaia va kipimo chimweri; kipimo chichakaia homeri. Homeri imweri ichakatanishwa na vipimo ikumi va efa kwa wundu ghwa vindo viseko na machi; na homeri imweri kukatanishwa na vipimo ikumi va bathi kwa wundu ghwa vindo va machi machi.

HOSEA 3:3

Ngamzera, “Suti kukaie mkwapo wa matuku mengi; ndekuwuyaalaka sena, hata kuwuyakaia na mundu mzima; ini nichakaia wokoni mloli kwako.”

WALAWI 27:16

“Mndungi ukamfunyira BWANA ifungu ja mbuwa ya ifwa jake, bei yaro ichadumbulwa kunughana na mtalo ghwa mbeu ridimagha kuwalwa andenyi ya ija mbuwa. Pishi ya shairi ichakaia na bei ya vibelele va feza mirongo misanu.

RUTHU 4:10

Aighu ya agho, uja Ruthu M'moabu, mka mkiwa wa Mahaloni, namghua ukaie mkwapo. Eri irina ja marehemu jipate kudua andenyi ya ifwa jake, sena jisakesia aghadi ya waruna, na mzinyi kwawo. Inyo mmbose mwakaia washahidi idime.”

1 SAMUELI 18:25

Niko Sauli ukawilaghira wimzere Daudi huwu: “Mzuri ndena haja ewikilwa kilambo chingi, ela ookunda tu mavunyu ighana gha Wafilisti, upate kulipa kisasi kwa wamaiza wake.” Sauli oregheshereghe wei Daudi uchabwaghwa ni Wafilisti.