HOSEA 3:1 - Biblia Ilagho Jiboie Kwa Wandu Wose

¹ BWANA ukanizera, “Ghenda sena kuwonyera lukundo kwa uo muka wawuyabonya wulaki na mkundwa wake. Suti kumkunde sa iji koni ini niwikunde wandu wa Israeli, hata ngera waghalukie na kuitasa milungu mizima, na kukunda kufunya mikate ya zabibu riomie rikaie vizongona kwa milimu.”

HOSEA 3:1 ပူးပေါင်းရင်းမြစ်များ

2 SAMUELI 6:19

ukawiwaghia wandu wose wa ijo izungu ja Israeli, wa womi na wa waka, mkate na nyama, na keki ya zabibu. Niko kula mundu ukaghenda nyumbenyi kwake.

2 WAZURI 13:23

Ela BWANA ukakaia na wughoma aighu ya wandu wake, ukaghaluka uwitesie kwa wundu ghwa ijo ilaghano orejibonyereghe na Abrahamu, Isaaka, na Jakobo; ndewerewitoteshereghe hata nderewisighieghe jingi.

1 MALAGHO GHA NGELO 16:3

na kuwiwaghia Waisraeli wose waka na womi kula umu mkate ghumweri, kipande cha nyama, na mkate ghwa zabibu riomeshero.

NEHEMIA 9:31

Ela sena, kwa kukaia wughoma ghwako ghuko m'baa, ndekorewileghieghe hata kuwitotesha; oho ko Mlungu wa mvono na wa wughoma mungi.

ZABURI 123:2

Sa iji koni mdumiki umzighaniragha bwana wake, na mdumiki wa waka umzighaniragha bibi wake, ni huwo koni na isi dikuzighaniragha oho BWANA Mlungu odu, hata kudifuye wughoma.

KUFUMA 32:6

Wikawuka kokesho kio na kufunya nyamandu rikaie vizongona vekora, na vindo kwa vizongona va mapatano. Wandu wikasea kidombo kuja na kunywa, wikawuka kusarigha.

LUMBO 2:5

Nitesienyi kwa zabibu reomera, nihoreshenyi na matunda; nabwaghwa ni lukundo.

ISAYA 45:22

“Nighalukienyi ini mpate kukia, inyo wandu wose wa ndoenyi; Angu Ini ne Mlungu hata ndekuwadie ungi mzima anduangi.

JEREMIA 3:20

Ela kwa loli kwaleghie kukaia mloli kwapo kara kara na muka useko mloli kwa mumi ee Israeli.”

JEREMIA 31:20

“Welee, Israeli si mwana wapo mkundwa? Welee, si mwana wapo, wa ngolo wapo? Kula ngelo nidedagha kiwiwi aighu yake, nadawuya nimkumbuke sena; kwa huwo ngolo yapo yakaia na bea nao, nani kwa loli nichamfuya wughoma.

HOSEA 11:8

“Nidima wada kukuleka ee Israeli? Nidima wada kulegha kukutala? Nidima wada kukubonya sa Adma, angu kukubonyera sa Zeboiimu? Lukundo lwapo cha kwako looka lubaa, nani sidimagha kukubonyera kiwiwi.

HOSEA 2:5

Angu mae wabonyere wumalaya uo muka orewidukieghe kifunyi wabonyere malagho gha waya. Angu oreghambieghe, ‘Nichanughana na wakundwa wapo, awo wichaanineka mkate na machi, nguwo rapo ra sufu na ra kitani, mavuda na chofi.’

HOSEA 4:11

BWANA waghamba, “Divei ikaiagha ya kala angu mbishi yaawuyanona akili ra wandu wapo.

HOSEA 7:5

Ituku ibaa ja mzuri odu, wabaa werewongerieghe kwa divei ibirie hata wikadaika, na mzuri ukarangana nawo.

AMOSI 2:8

Wadalalia nguwo riwikilo wufunga ghwa sile rawo mbai na mbai ya kula madhahabu, na kunywa divei ya wandu wilipishiro faini andenyi ya Hekalu ya Mlungu wawo.

AMOSI 6:6

Mnywagha divei na bakuli, na kukushinga mavuda gha marumba mecha, ela msetalagha kunoneka kwa Israeli.

MIKA 7:7

Ela ini nichamchereshera BWANA, na kummbeseria Mlungu kwa isuwirio, uo uchaanikira. Mlungu wapo uchanisikira.

ZEKARIA 1:16

Kwa huwo naiwuria Jerusalemu nipate kuifuya wughoma, Hekalu yapo ichaaghwa, na mizi ichaaghwa.”

MATHAYO 26:50

Jesu ukamzera, “Mghenyi wapo, bonya ijo kwajichea.” Nao wikacha wikammbwada wikammazira Jesu.

1 WAKORINTHO 10:21

Ndemdimagha kunywa kikombe cha Bwana na kikombe cha pepo, hata ndemdimagha kukaia ngara na Meza ya Bwana, sena mkaie ngara na meza ya pepo anduangi.

1 WAKORINTHO 10:7

Msaketasa milimu seji wamu wawo werebonyereghe; sa iji iandikilo, “Awo wandu wereserieghe kidombo wikaja na kunywa, wikawuka kimusi na kuvina.”

1 PETRO 4:3

Iyo ngelo iidie yakata ebonya seji awo wandu wa mbari zima wikundagha kubonya, wikighenda na irangi ja kulaka, bea rizamie, kuwongia, kubonya maseko, lwafuo, na kutasa milimu kuzamie na ndighi.

WATANYI 10:16

Wikainja milungu ya kighenyi kufuma kwawo, wikamdumikia BWANA; nao ukawawa kwa wundu ghwa wasi ghwa Waisraeli.

WATANYI 9:27

Wikafuma na kughenda cha mbuwenyi, wikawaya zabibu kufuma kwa mbuwa rawo ra mizabibu, wikarikama na kubonya karamu. Wikangia hekalunyi ya mlungu ghwawo, wikaja na kunywa na kumseka Abimeleki.